訂閱電郵
你訂閱咗未?立即輸入電郵!
你將會獲得:
✅最新優惠(包括限時獨家優惠)
✅定期追蹤貸款產品消息
✅理財小tips

本人同意 條款及細則 以及同意按 私隱政策 接受推廣資訊。

同意訂閱
訂閱成功!準備隨時接收精彩理財熱話與金融產品優惠!

【Food Expo】2016 美食博覽 必搶1蚊優惠

MoneyHero

MoneyHero

最後更新於 04 八月, 2016

民以食為天,每年嘅Food Expo 美食博覽 都必定成為城中熱話。「2016 美食博覽 」嘅參展商已經積極準備中,攤位、招牌、貨品都陸續送達會場。每年嘅1蚊優惠都係市民眼球嘅聚焦點,今年嘅1蚊必搶攤位當然係有增無減!到底要成功搶購1蚊產品有乜戰略?當然要先了解優惠嘅分布,再規劃你想行嘅路線啦。就等 MoneyHero.com.hk 搶先為大家介紹一下今年Food Expo有乜1蚊荀貨!

「2016 美食博覽 」基本資訊

  • 展覽日期:2016年8月11日至15日(星期四至星期一)
  • 開放時間
    • 10:00am - 10:00pm(8月11日至8月14日)
    • 10:00am - 6:00pm(8月15日)

  • 展覽地點:香港灣仔港灣道1號香港會議展覽中心

票價

  • 美食博覽公眾館、家電‧家品‧博覽及美與健生活博覽2016門票(日間$25、晚間$10)
  • 美食博覽公眾館、家電‧家品‧博覽及美與健生活博覽2016門票 +尊貴美食區(套票$40)
  • 購票方法

    - 7-11

    - OK便利店

    - 快達票

    - TNG(免費門票優惠或門票回贈詳情,請按此

    - 現場購票(可用八達通或支付寶)

 

必搶1蚊優惠

1)1蚊鮑魚許願樹 (安記海味,攤位:1C-B10)

向願望樹拋寶牃?唔夠潮啵!不如試下拋鮑魚福袋?將你嘅願望寫埋落隻福袋度,數3聲:1、2、3,拋!得咗就有鮑魚食。你拋咗未?

  • 首日頭10位顧客。
  • 只需花$1就可以拋1次鮑魚福袋,寫上自己願望,拋上許願樹,拋中1次就可得1隻鮑魚。
  • 每人最多可獲得168隻鮑魚(總值$7,308)。

 

2)1蚊搶水晶 :一世免費食榴槤冰皮月餅(醉榴香,攤位:3E-B4)

喜歡食榴槤嘅朋友一定會覺得呢種食物令人又愛又恨,特別係榴槤冰皮月餅 。一啖咬落去鬆軟嘅榴槤度,恍如一瞬間進入咗滋味嘅國度,有種升仙嘅感覺;但當你吞咗落去,你就會開始用個腦運算嗰一啖嘅卡路里,當中嘅罪惡感就好似令你跌入地獄嘅深淵……真係來回地獄又折返人間。

  • 首日頭3位顧客。
  • 若參加者於30秒內能夠在醉榴香水晶箱內取得10個以上的榴槤水晶冰皮月餅,即可每年獲贈1盒免費貓山皇榴槤冰皮月餅(原價$808)。每年送1盒,食足1世!

 

3)1蚊NanaMee青咖喱米粉40包(高格行有限公司,攤位:1B-D06)

唔知有冇人同小編一樣,對青咖喱情有獨鍾呢?今年美食展,小編瞄準呢一檔,勢必要買個痛快,未來一個月嘅早餐就靠呢次!

  • 首日頭10位顧客。
  • 只需用$1就可以購買10袋4包裝的NanaMee青咖喱米粉(價值$600)。
  • 送埋購物車,方便你輕鬆掃貨。

 

4)1蚊3秒任夾天然健康食品(冠華食品,攤位:1C-C27, 1C-C29)

堅果、乾果類食物向來都香脆可口,平日食嘅時候,唔知大家係咪用筷子夾嚟食?呢個攤檔就俾大家用3秒任夾乾果,夾到幾多就拎走幾多!

  • 首日頭50位顧客。
  • 只需用$1,於3秒內以筷子夾下紙箱內的天然健康食品,包括:天然堅果系列、健康乾果系列。夾到幾多就拎走幾多,拎到幾多就睇你本事。

 

5)1蚊100粒魚蓉燒賣 (陳記點心,攤位:1A-C17)

燒賣唔係淨得肥豬肉同麵粉!仲有魚蓉,咁先有營養。呢一檔咁抵嘅燒賣,相信喺家庭之選!

  • 首日頭10位顧客。
  • 只需用$1,就可以買到100粒魚蓉燒賣,諗起都流口水!

 

6)1蚊MAMA泰式青咖喱即食麵 (天匯食品貿易有限公司,攤位:1A-B19)

青咖喱再次出喱出沒注意!呢檔泰式即食麵絕對喺小編心水之一,各位有興趣嘅朋友都可以去搶購!

  • 每日首10位顧客。
  • 只需$1就可以買到5包裝泰式青咖喱即食麵。

 

7)1蚊隨機獲得紐西蘭專賣店產品 (紐西蘭專賣店,攤位:1B-CO2)

天然蜂蜜、鳥結糖、開心果、人參糖,全部都係紐西蘭產物,可以用1蚊換佢地返嚟,真係非常之抵。有興趣嘅朋友要留意呀!

  • 每日首10位顧客。
  • 只需$1即可隨機獲得以下其中一樣產品:天然紐西蘭三葉草蜂蜜(250g)/意大利烏結糖 (200g)/伊朗頂級鹽焗開心果(350g)/韓國6年根高麗人參糖(200g) (價值$50-$108)

 

8)1蚊搶購搾汁機(Konstar,攤位:3G-C12 & 14)

唔知大家有冇榨開果汁呢?作為打工一族嘅小編,好多時工作好忙,忙到冇時間食足夠份量嘅生果。冇時間慢慢食生果,取而代之嘅,就係飲果汁。所以,喺保持身體健康呢方面,榨汁機嘅角色相當重要;而家賣到咁平,真喺要去搶購一部作家居用途。

  • 首日限定6部。
  • 只需$1就可以購買搾汁機(原價$399)

 

9)1蚊搶鮑魚湯包(鴻星,攤位:1C-D10)

冇時間、冇心機日日煲鮑魚湯但喺又好想飲?咁可以考慮一下鮑魚湯包。你只需要將原包湯包放於滾水中,加熱5分鐘,即有原隻乾包嘅鮑魚湯可以飲用

  • 首日限量100盒。
  • $1換購原隻乾鮑系列即飲湯包1盒。每包湯包都有1隻原隻乾鮑在內。

 

10)1蚊平底鑊 / 1蚊百花蜜(香港優質標誌局,攤位:1A-A15)

Q嘜大家就見得多,Q嘜喺美食博覽嘅優惠大家又知唔知呢?今年有平底鑊,又有老字號蜜糖可以買。香港優質標誌局攤位賣嘅貨品,相信一定優質。1蚊咁平就有交易,仲要有質素嘅保證!必搶!

  • $1限量發售Kinox建樂士不銹鋼平底鑊(原價$450)。
  • $1限量發售老字號雙喜牌百花蜜。
  • 香港優質標誌局(Q嘜)更準備了超過1,000份禮品免費派街坊,包括米、油、醬料。

 

11)1蚊Cider Brothers Premium(Brothers Premium,攤位:3E-B07)

Brothers Premium被視為英國經典Number One嘅British Ale及Cider品牌。Toffee Apple Cider 更加係佢嘅招牌;將香甜嘅拖肥混入酸甜嘅蘋果,加入Cider嘅酒香,味道可謂一絕

  • $1可購買1支拖肥蘋果Cider Brothers Premium(超市售價約$15)。
  • 每日限量供應1,000支。

 

——

延伸閱讀:【唔使俾現金】香港5大常用 電子付費

延伸閱讀:【聽歌必備】5大香港 音樂串流 Apps大比拼

想知道最新嘅理財貼士,就要留意 MoneyHero.com.hk Blog!同埋緊貼我哋嘅 Facebook Page

FINANCIAL TIP:

Use a personal loan to consolidate your outstanding debt at a lower interest rate!

金融產品、理財熱話、投資知識
立即訂閱MoneyHero電子通訊,最新理財資訊、獨家優惠搶先睇