訂閱電郵
你訂閱咗未?立即輸入電郵!
你將會獲得:
✅最新優惠(包括限時獨家優惠)
✅定期追蹤貸款產品消息
✅理財小tips

本人同意 條款及細則 以及同意按 私隱政策 接受推廣資訊。

同意訂閱
訂閱成功!準備隨時接收精彩理財熱話與金融產品優惠!

慳錢冇難度:5大本地實用 慳錢 Apps

MoneyHero

MoneyHero

最後更新於 21 六月, 2016

香港地打工仔生活向來都甚艱難,薪金升幅從來都係追唔上物價升幅,唔慳錢,點生活?之但係咁,慳錢並非慘絕人寰嘅,識得用以下5大 慳錢 Apps ,慳錢都可以成為一種樂趣。究竟乜Apps咁巴閉?馬上去片!

1)The Entertainer:買一送一全攻略

The Entertainer

介紹:The Entertainer集合超過270間商店嘅買一送一優惠 ,優惠種類過千種。商店多元化,餐飲食肆、美容健身、娛樂場所等等。用家只需要喺App裏面選擇你身處嘅消費地區,App就會自動幫你篩選出附近做緊買一送一推廣既店鋪。

實用之處:優惠按地區分類得井井有條;每個月都會更新商店。出現喺App嘅優惠一定7日內有效。

 

2)HK1Mall:商場優惠全接觸

HK1Mall

介紹:HK1Mall提供香港各大小商場嘅購物、泊車獎賞最新資訊。要了解香港、九龍、新界各區商場全方位嘅優惠獎賞,只需要呢個App就夠。

實用之處:想Shopping未必一定去大型高級連鎖店,正好呢個App都幾貼地,提供埋平價商場嘅全面優惠,例如:西九龍中心!本身呢度嘅物格都相對划算,有埋呢個App幫手,消費真係抵到冇朋友!最精明消費者仲唔係你?

 

3)7-FANS:7-11購物必備

7-Fans

介紹:用呢個App,喺香港嘅任何一間7-11消費滿$5,即可賺取1分獎賞。累積分數可以用嚟換7-11禮品。除此之外,你仲可以喺7-11增值你嘅7-FANS電子包,用於7-11購物付款。

實用之處:一個App就可以同時做到3樣嘢:儲分、付款、換禮品/Coupon。

 

4)Storellet:出街食飯幫你慳

Storellet

介紹:喺Storellet指定食肆消費後,只需要掃一下收據上面嘅QR Code,就可以儲積分。積分會歸入「Storellet HK Loyalty」,儲夠一定分數,就可以兌換電子優惠劵。下次幫襯相關指定餐廳,優惠劵又可以用嚟埋單。

實用之處:儲分非常簡單方便,掃一下單據上嘅QR Code就可以了。指定食肆有幾間都係快餐,如KFC、PHD薄餅博士都在指定食肆名單內。快餐店嘅優惠,生活節奏咁急促嘅香港人總會用得著。

 

5)Gaifong:以租借代替購買

GaiFong

介紹:一站式物品租賃平台,你可以隨時隨地向附近用戶租借物品,例如攝影器材、戶外旅行用品等,用完即還。只需要3個步驟就可以享用租借物品服務。首先,選擇心儀物品後,向物主送出徵求。然後,等待物主確認後,雙方可直接對話,以約定提取物品的地點、時間。最後,取物品時,將租金及按金直接交俾物主。物主會於物品歸還時退返按金俾你。

實用之處:生活上好多用品都未必需要長期用到,有時特登買樣新嘅,用一次兩次又放喺屋企封塵,嘥錢又嘥位。倒不如租借啦!用完就還,唔使煩。

相關閱讀:慳錢慳位借物平台: Gaifong 創辦人梁懷宇訪問

——

延伸閱讀:【日曬雨淋冇有怕】嚴選今夏10大室內玩樂 好去處

延伸閱讀:炎炎夏日:家居10招幫你慳 電費

想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page

FINANCIAL TIP:

Use a personal loan to consolidate your outstanding debt at a lower interest rate!

金融產品、理財熱話、投資知識
立即訂閱MoneyHero電子通訊,最新理財資訊、獨家優惠搶先睇