10份起薪最高 Fresh Grad 職位

（本文內容已有較新版本，請即參閱：10大起薪點最高 Fresh Grad 職位（2016年夏季））

大學今個Sem已經過咗差唔多一半，唔同Career Talks同Job Fairs都進行得如火如荼。相信各位畢業生都認真為自己既前途作出打算。但搵工既時候最大既問題就係資訊唔夠透明，唔知行情係點。所以MoneyHero為你搜羅咗10份起薪最高既工，即刻比較一下啦！

10. 各大公司及銀行 Management Trainee $20,000 - $25,000

MT 永遠都係Fresh Grad 既熱門工作，一般嚟講會有2年合約。做得大銀行大機構MT，除咗會有好好既晉升前途，個起薪點仲好吸引添！

9. 註冊護士 $24,450 - $26,985

呢幾年香港對護士需求大增，所以佢哋既人工都跟住水漲船高。而家做公立護士已經有2萬幾起薪，而私家醫院既人工仲會高啲添！

8. 二級行政主任 $24,450

做EO要成日調去唔同部門，不過人工高福利好，係好多畢業生既工作首選。同AO一樣，大家都要考咗幾個必要既試先可以有面試機會。

7. 學位教師 $26,985

呢度既學位教師指既係中學老師，一般嚟講，要考咗教師文憑先至可以有呢個人工水平。不過，教師按公務員薪資水平，每年都會有人工加，仲會跟隨通脹調整，係一份相當穩定既工。

6. 廉政公署調查主任 $36,505

廉政公署喺普通人心目中一直係一個好神秘既部門，好似樣樣嘢都係機密咁 。不過，每年廉政公署都會請10幾個新人，所有自問對廉政公署有熱誠既人都可申請。廉署人工高福利好，不過考核真係十分嚴格。

5. 督察 $35,645 - $36,720

所有大學生一畢業其實都可以考督察，唔需要由PC仔開始慢慢做。但由於比較難考上，所以有興趣既同學仔可以大學時參加定警隊學長計劃，了解份工之餘仲可以提早準備！不過，督察一樣要考體能同上學堂架！

4. 駐院藥劑師 $34,135

要做駐院藥劑師，除咗要有藥劑師學位之外，仲要考埋試先至可以做。呢個牌係由藥劑業及毒藥管理局舉辦既註冊考試，每年都會舉辦。

3. 政府AO行政主任 $43,120

做AO面試真係可謂過五關斬六將。隨咗必備既兩重筆試之外，仲要多次Interview，絕對係能力同EQ既重大測試。要做呢份工，中英雙語一定要好流利先得。

2. 投資銀行交易部門 $45,000

喺香港，如果你可以成為iBank既Front Office一份子，你既起薪點已經超越咗一般人好多。不過，iBank 壓力大係必然既事，呢份人工絕對係唔易賺既。做得呢份工，一定係Fresh Grad中既頂尖分子。而呢份工往往都係各大院校G Bus同學仔既首選。

1. 駐院醫生 $54,000

唔少醫生一畢業都會喺公立醫院做，以累積經驗。雖然眾所周知公立醫院醫生係非常非常非常忙碌既，不話佢哋起薪已經有$54,000，認真不錯呢！

各位畢業生踏進社會後，最好都申請一張信用卡傍身，了解更多，即睇：大學生必用！5大最佳 Fresh Grad 信用卡

（本文內容已有較新版本，請即參閱：10大起薪點最高 Fresh Grad 職位（2016年夏季））

——

延伸閱讀：職場新人指南： 報稅交稅 Q&A

延伸閱讀：由第一份薪金，決定你的人生！

即上MoneyHero.com.hk，瀏覽更多金融產品（例如按揭、醫療保險、旅遊保險、信用卡、私人貸款）有關既資料！想知多啲慳錢貼士同理財建議，就要留意MoneyHero blog，同埋緊貼MoneyHero facebook page!