《英雄之家》第6回～「小數怕長計，儲里數全靠日常使費！」

問問大家：在「英雄之家」裏面，最多嘅電子產品係乜？答案梗係：計數機啦！金小英向來都精打細算，而佢老公錢大雄亦都受到太太感染，愈來愈識得在消費和財務上作出比較，乜都要計計數，所以真係機不離手。今日，佢哋又喺度計緊啲日常使費喇！

大雄：「老婆，剛剛數到電費單，我哋今次用少咗電喎！兩個月都係交$1,600咋！證明我哋嘅慳電行動好成功呀！」

小英：「梗係啦！我一早話咗，我哋得兩個人住，好多地方都可以慳到電，冇理由要交超過$2,000電費咁多。一個月慳幾百，一年就慳幾千喇！」

大雄：「知道知道，小數怕長計吖嘛！咁我一陣落街買嘢時，順便去便利店交埋錢啦！」

小英：「咪住！唔使你交，等我交！」

大雄：「下！你交？咁好？唔使我俾錢？」

小英：「唔係唔使你俾，係等我交……住先！我最近申請咗張信用卡，用佢來交電費都可以儲飛行里數，咁當然唔好嘥，一於用佢來交電費啦！」

大雄：「下？乜可以嘅咩？」

小英：「就係唔係張張信用卡都可以架！有啲信用卡只能以購物和餐飲消費儲里數，有啲就交電費得、交水費唔得，有啲就全部都得但又有不同計法，其實都比較複雜……不過我新申請呢張卡，除咗係乜嘢消費、包括交水電費都可以儲里數之外，我計過條數，仲係最著數添，一年分分鐘又可以儲到8,000里呀！」

大雄：「條數又點計架？」

小英：「粗略講講啦！我計過，我哋每個月啲水電煤，加埋電話、上網，仲有立立雜雜超市支出，大約3 千幾一個月，咁一年即係近4萬元。全部都用我張信用卡俾錢的話，每$5一里，一年咪大約儲到8,000里囉！」

大雄：「咁OK喎老婆！咁即係以後呢啲日常使費，全部都由你交啦！」

小英：「老公，我重申一次：係由我交……住先！筆數你要入番俾我。」

大雄：「嘻嘻……係嘅係嘅……」

（欲知後事如何，且看下回分解！）

MoneyHero.com.hk 比較番，揀到啱！

想知多啲慳錢貼士同理財建議，就要留意MoneyHero.com.hk blog，同埋緊貼MoneyHero.com.hk facebook page！