買過旅遊保險嘅人，相信都知道咩係「全球 緊急支援熱線 」。市面上大部分旅遊保險都提供全球緊急支援服務，保險公司會向客戶提供一個24小時熱線電話，如不幸在旅途中遇到意外，可以撥打熱線求救。
好多人都以為只有遇到嚴重意外，例如受傷、染上重病、遇恐襲、滯留海外之類嘅情況才可撥打 緊急支援熱線 。事實上，只要你在旅途中遇到困難，無論大事小事，都可以尋求協助！MoneyHero.com.hk今次就同大家介紹下「全球緊急支援服務」嘅各種用途，等大家可以好好善用！
1）提供旅遊資訊
如果你去嘅地方旅遊資訊唔發達，或者睇唔明當地語言，計劃行程就冇咁容易。旅遊保險嘅全球緊急支援服務可以為你提供當地旅遊相關資訊及建議，出發之前就可以打去問定。可提供的資訊包括：
- 天氣資訊
- 航班資訊
- 地面交通資訊及安排
- 外幣兌換資訊
- 銀行工作日
- 海關條例
- 護照/簽證要求
- 最新的免疫及防疫要求及需要
- 機場稅 、關稅要求
2）搵醫生
旅遊期間身體唔舒服係好常見嘅事，不過如果想喺當地睇醫生，通常會遇到2大問題：(1) 唔知邊度有診所或醫院；(2)語言不通，導致「雞同鴨講」。遇上以上兩種問題都可以打俾全球緊急支援服務，尋求最快協助。
部分保險提供嘅緊急支援服務可以幫你預約睇醫生，更貼心地幫你安排支付睇門診的相關醫藥費用（如STARR旅遊保險）。直接喺當地幫你俾埋錢，返香港後就唔需要再Claim保險，省卻唔少功夫！
3）查詢領事館位置
如果唔好彩喺旅行期間唔見Passport點算？正確嘅做法係儘快去有關嘅領事館補領。旅遊保險嘅24小時全球緊急支援可以幫你搵出最近的領事館位置，並教你點去同提醒你有關程序。
4）代尋行李服務 （限部分旅遊保險）
每年全球有數以百萬計嘅行李在飛行旅途中送錯目的地，小則導致行李延誤，大則可能就此搵唔返。所以一旦發現行李送錯目的地，你可以致電 緊急支援熱線 ，支援人員會即時幫你聯絡有關機場，追蹤行李去向。尋回行李後，支援人員會委託航空公司將你的行李送回你手中。不過呢項服務並唔係每份保險都有包，要視乎你張保單有冇寫明。
除咗以上4種常用服務，24小時全球緊急支援通常還包括：
- 緊急更改行程安排
- 24小時全球緊急醫療運送
- 未成年人旅行護送
- 支付入院保證金
- 翻譯員轉介服務 (或需另收費)
- 法律咨詢 (或需另收費)
由於每份保單的保障範圍唔同，全球緊急支援的服務範圍亦會有些許分別，詳情可查看保單條款或向保險公司查詢。
正準備去旅行？即上我們的比較平台比較及購買最適合你嘅旅遊保險！
延伸閱讀：外遊遇恐襲 ，旅遊保險保唔保？
延伸閱讀：購買旅遊保險的8大常見問題
——
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
回到文章
