訂閱電郵
你訂閱咗未?立即輸入電郵!
你將會獲得:
✅最新優惠(包括限時獨家優惠)
✅定期追蹤貸款產品消息
✅理財小tips

本人同意 條款及細則 以及同意按 私隱政策 接受推廣資訊。

同意訂閱
訂閱成功!準備隨時接收精彩理財熱話與金融產品優惠!

冒充 銀行 來電!5大詐騙手法你要知

MoneyHero

MoneyHero

最後更新於 02 九月, 2015

銀行

騙徒詐騙嘅手法真係層出不窮!繼早前嘅冒充中聯辦以及順豐快遞,近來就有騙徒冒認 銀行 職員,騙取帳戶及個人資料。另外,Facebook上又瘋傳有些不良財務中介公司,會Cold Call來電呃人低息借錢等等。《警訊》都有教,絕對唔可以隨便將個人資訊隨便話畀人知,大家認真要小心提防。針對近期嘅詐騙手法,MoneyHero.com.hk 歸納咗幾個冒充 銀行 以及某些不良中介公司經常用嘅5大呃人技倆,希望各位千萬要留意。

冒充銀行:

1)早前經常有神秘電話錄音來電,聲稱受害人嘅 銀行 戶口出現不尋常交易。

2)來電自稱為 銀行 職員,要求客戶提供個人資料,例如個人帳戶密碼或提款機密碼。

3)在上午9:00至下午5:00以外的辦公時間致電給客戶。

不良中介人:

1)來信聲稱受害人供樓供款上出現問題,又或表示銀行重新進行供款壓力測試,誘騙事主提交個人財務資料及簽署文件,借機敲詐賠償費、顧問費、手續費服務費等嘅奇怪費用。

2)Cold Call來電聲稱有低息貸款優惠,表明不成功不收費。若上到其辦公室會再游說受害人轉到另一間財務,再借更多款項,如拒絕即強逼收取手續費,借上借,最終欠債由幾十萬變至百多萬。

 

睇過呢5大詐騙手法,你就要識得如何提防。

1遇有疑問, 即電熱線求證

金管局已規定,現時銀行職員來電,一定會提供全名、員工編號等資料以供識別。銀行代表亦不會要求客戶提供戶口密碼等敏感資料。金管局亦規定各銀行機構設立熱線電話供市民查核來電人嘅身份,想知所有銀行的客戶查詢熱線,大家可以按以下連結:http://goo.gl/ZbBjEn

2銀行已停用中介公司轉介貸款

金管局亦在8月時發出公告,表示銀行不能再委託中介公司轉介私人貸款。所以日後有人表示是銀行中介人提供貸款,就醒目喇。

3不要隨便簽署任何文件

任何中介人公司寄來之文件,千萬不要簽名,亦不要理會任何恐嚇式信件,有問題即報警求助。

4認清條例

根據《放債人條例》,任何放債人或其合夥人、僱主、僱員、委託人或代理人,或任何代放債人行事或與放債人共謀的人,向借款人或擬借款人要求或收受任何酬金或報酬,即屬犯罪。同時,該條例亦規定,禁止任何人以超過年息60%的實際利率貸出款項,否則即屬犯罪。

5)安裝電話攔截Apps

最簡單方法,其實就當然係喺智能手機安裝電話過濾Apps。坊間有幾個唔錯嘅Apps,例如小熊來電、whoscall等,都可以幫你過濾或攔截大部分可疑來電。咁騙徒就無從入手啦!

——

如果需要了解可靠的銀行私人貸款產品資料,請到我們的比較網站:

https://www.moneyhero.com.hk/zh/personal-loan/personal-instalment

想知多啲慳錢貼士同理財建議,要留意MoneyHero.com.hk blog,同埋緊貼MoneyHero.com.hk facebook page

FINANCIAL TIP:

Use a personal loan to consolidate your outstanding debt at a lower interest rate!

金融產品、理財熱話、投資知識
立即訂閱MoneyHero電子通訊,最新理財資訊、獨家優惠搶先睇