訂閱電郵
你訂閱咗未?立即輸入電郵!
你將會獲得:
✅最新優惠(包括限時獨家優惠)
✅定期追蹤貸款產品消息
✅理財小tips

本人同意 條款及細則 以及同意按 私隱政策 接受推廣資訊。

同意訂閱
訂閱成功!準備隨時接收精彩理財熱話與金融產品優惠!

去旅遊,更自由!比較4大Local Tour預訂網站

MoneyHero

MoneyHero

最後更新於 31 三月, 2017

一百個人可以有一百種旅行方式,有人選擇跟團,有人選擇冒險,完全無Plan自由行。有人想識朋友,有人想睇景點,對旅行有要求的你,有無試過想自訂行程,卻發現要訂門票搵交通勁花時間,市面上愈來愈多Local Tour網站, 一站式為你打點旅程,MoneyHero精選四大網站,令你的旅程更豐富!

本地薑衝出國際!自助遊網站:Klook

如果鍾意自由行,港產網站Klook就幫到你,2014年由香港人成立的Klook近年獲Sequoia Capital的3,000萬美元B輪融資,發展愈來愈大,現時提供全球多個熱門旅遊點的交通、景點門票、特色活動門票以及一日遊產品等,一站式供客人預訂各項旅遊產品,不少產品更比官方價格更優惠,無論鍾意自由活動或自訂行程的高階旅行人士,或愛格價比較的旅人,一樣可透過網站規劃行程!值得一讚的是網頁包括活動用家留言,真實豐富,對自助遊旅客可謂一大賣點!

網站不時有優惠碼買得多平得多,另有積分計劃可以回贈當現金,買一次平一次,吸引大批用戶長期幫襯!

網址:www.klook.com


介面最易用!kkday

同樣於2014年面世的Local Tour網站,定位與Klook類近,kkday可算是介面最好用的Local Tour網站,價錢、旅程重點清晰,現場圖片多,提供全球53個國家,174個城巿逾6,000個行程,網站亦有用戶真實留言,更有於部分旅遊點特設地方為到場客人提供協助,客戶服務獲讚,唔會賣完飛就零跟進。

網站同樣不時推出優惠碼,而提交旅程意見亦可獲現金回贈,不過每次只限用於單一產品!

網址:www.kkday.com


最貼地:Tours By LOCALS

由當地人帶你周圍玩嘅Local Tour網站,你可以選擇唔同日數嘅Local Tour,或者索性直接與當地伴遊製訂行程。在全球158個國家,有近2,000個伴遊可供選擇。伴遊全部都經過網站兩輪電話考核,做過一定嘅Background Check,比較可信!

網站嘅版面清晰,重要資訊都齊備,Tour嘅類型一般就比較合家歡,以睇景點為主。美中不足係雖然有伴遊評分系統,不過有評分者幾乎全部都係滿分,無乜參考作用。Tour部分介面比伴遊介面好用得多(要搵特定地方嘅伴遊,竟然要係個世界地圖入面自己搵Spot,天啊!)所以網站設計都鼓勵你先選擇行程。

網址:https://www.toursbylocals.com/


歐洲行必備:Viator

揀Local Tour網站,當然要搵返與目的地關係緊密嘅網站,行程先至會最貼地。如果你嘅目的地係歐洲,Viator會係你較好嘅選擇。Local Tour嘅選擇主力集中係歐洲,成立多年嘅Viator係歐洲多地都有良好脈絡。唔單止有最低價保證,全天候真人熱線支援,更特別嘅係佢地提供VIP服務,保證你去到歐洲唔同景點都唔使排隊,有更多時間享受你寶貴嘅旅遊時刻。用戶評分都算多,不過大部只是讚好,較少詳細分享,參考價值一般。

網址:www.viator.com

以上網站均接受信用卡線上付款,各位可以揀張網上購物信用卡俾錢,同時賺埋網購回贈!即睇:網上購物信用卡

延伸閱讀:迪士尼門票優惠比較 邊到買入場門票最平?

延伸閱讀:海洋公園門票優惠比較 邊到買入場門票最平?

延伸閱讀:【旅遊好幫手】你不可不知的 VISA卡 尊貴服務

想知道最新嘅理財貼士,就要留意 MoneyHero Blog,同埋緊貼我哋嘅 Facebook Page

FINANCIAL TIP:

Use a personal loan to consolidate your outstanding debt at a lower interest rate!

金融產品、理財熱話、投資知識
立即訂閱MoneyHero電子通訊,最新理財資訊、獨家優惠搶先睇