其實大家有冇諗過，你係咪真係需要最新嘅iPhone？iPhone幾乎每一年就出新型號，一出新機舊機即刻跌價幾成，所以MoneyHero.com.hk團隊認為，大家嘅錢可以用得更Smart更啱，我哋就同大家睇下，如放棄買一部64G嘅 iPhone 6s （$6,388），同樣嘅錢，可以點樣為你的未來投資！
1. 購買一份月供基金
常言道：財富需要慢慢累積。如果將買一部iPhone嘅價錢去供一份基金，以一般月供約$1,000左右，已經可以供到半年，一年最少也有5%-10%回報。與其花錢買入一個只會貶值的電話，倒不如去投資對自己財富有增值的項目！
2. 預付保費
$6,388應足夠讓你預付3個月甚或半年的保費。有現金時預付保費絕對是一件好事，因萬一你遇上失業或因傷病而暫無收入，預付了保費便可保證你的保障不會停頓。點樣可以預付保費？搵你個保險經紀傾傾啦，佢會教你點做。
3. 報讀進修課程
近排香港經濟有轉差嘅跡象，新樓無人問津，有鋪無人承租，有公司更開始裁減人手。如果唔想成為第一個被裁走嘅人，當然係要學多樣技能傍身啦！現今世道，進入大數據年代，不妨報讀一啲有關互聯網方面嘅課程增值一下自己，才不至於被時代淘汰。
4. 嘗試買入股票
如果大家銀行戶口入面有一點積蓄，不妨試一下買入股票。如果是新手試買，千萬不要跟人亂買，可以問問專家意見，或買入一啲藍籌/有穩定派息記錄等財務較為穩健嘅公司。至於每一手股票嘅價錢，可以參考各大財經網站。
5. 學習基本理財法
每一個人都應該要學識管理自己嘅財富，所以基本嘅記帳或財富管理係一定要識架！大家可以報讀一啲簡單會計、入門財務管理等等此類短期課程，如工聯會、各大學附屬嘅進修學院都有提供，對日後你的財富增值，有莫大的幫助。
6. 找清卡數債務
與其換一部電話，不如早日清咗啲債務，唔好淨係還Min Pay，有錢嘅時候就清咗佢！電視都有講啦，卡數會越滾越多，一次過找數後一身輕晒！
——
更多MoneyHero.com.hk理財小貼士：
即上MoneyHero.com.hk，瀏覽更多金融產品比較資料！想知多啲慳錢貼士同理財建議，就要留意MoneyHero blog，同埋緊貼MoneyHero facebook page！
回到文章
