訂閱電郵
你訂閱咗未?立即輸入電郵!
你將會獲得:
✅最新優惠(包括限時獨家優惠)
✅定期追蹤貸款產品消息
✅理財小tips

本人同意 條款及細則 以及同意按 私隱政策 接受推廣資訊。

同意訂閱
訂閱成功!準備隨時接收精彩理財熱話與金融產品優惠!

【 布吉潛水 】精選泰國布吉3大潛水勝地 高質小島推介

MoneyHero

MoneyHero

最後更新於 02 十二月, 2019

【 布吉潛水 】精選泰國布吉3大潛水勝地 高質小島推介

泰國布吉島賣點向來都係陽光與海灘。除咗享受日光浴、大玩水上活動之外,當地亦出名水底資源豐富,唔少潛水發燒友都會專程過嚟 潛水 。布吉島全境(計埋本島)總共有33個大大小小嘅島,想知邊個小島隱藏高質潛點,MoneyHero就為大家精選咗3個 潛水 勝地,各有唔同嘅特色、難度,總有一個啱您心水!

 

皮皮島(Pi Pi Islands)

皮皮島

位於布吉東南面約20公里嘅皮皮島,由於小島外形似個P字,好多遊客都鍾意叫佢做PP島。PP島由6個島組成,其中以大PP島(Phi Phi Don)同細PP島(Phi Phi Le)為主島,同樣喺1983年獲列入為國家公園。由於大PP島餐廳、酒店、潛水中心、酒吧齊備,位置又近布吉島,近年已經成為遊客必去嘅小島。

但係由於過度發展,呢度嘅污染情況相對比較嚴重,有消息指日後細PP島可能會被封島,建議出發之前先問清楚。PP島四周總共有約9個潛點,主要睇珊瑚、魚群,最受歡迎潛點包括Bida Nai、Bida Nok等另外位於布吉島同PP島中間嘅King Cruiser Wreck亦係熱門潛點之一,可以一睹昔日宋神號嘅殘骸。

地理位置 ★★★★☆ (由布吉出發,需要大約1個半鐘船程)

潛點數量 ★☆☆☆☆ (只有約9個潛點)

潛點質素 ★★☆☆☆ (人為污染嚴重)

難易程度 ★☆☆☆☆ (水深5至30米,適合新手潛友)

 

溫馨提示:旅遊保險

20230712-[Insurance]-Update-TI-banner-D-PJ23_0498-Offer-enhancement


離開香港前記得買旅遊保險,享受最全面保障!不想花時間就知邊份保障手機、自駕、取消行程、新冠及行李損壞?本網比較40+份旅遊保險,個人/家庭/全年旅保/長者都輕易買到。五分鐘足以完成投保,方便又快捷,於2024年3月26日下午6時 - 4月8日下午6時成功投保指定旅遊保險之客戶,折後保費滿HK$200或以上可獲贈一個AirTag,滿HK$380或以上可獲贈兩個AirTag。限量1000件,先到先得。受條款及細則約束。

立即選購-Buy Now

 


皇帝島(Racha Islands)

皇帝島

位於布吉南面20公里嘅皇帝島,由大皇帝島(Racha Yai)同埋小皇帝島(Racha Noi)兩個小島組成。相比PP島,呢度商業發展程度唔高,係個旺中帶靜嘅小島,特別受歐美遊客歡迎。大皇帝島嘅設施比較發達,有餐廳、酒店、潛水中心,而小皇帝島因為航程比較遠,所以周邊海域嘅珊瑚群落都無咩人為破壞。

兩座小島總共有約15個潛點,而且各具特色。大皇帝島嘅潛點主要位於東海岸,除咗睇到好多軟、硬珊瑚之外,仲有機會見到海狼、花園沙鰻、古氏新魟等。小皇帝島水流相對更強,而且比較深,所以會睇到比較大型嘅海洋生物,例如魔鬼魚、長尾鯊,甚至鯨鯊!

地理位置 ★★★★★ (由布吉出發,需要大約30至40分鐘船程)

潛點數量 ★★★☆☆ (只有約15個潛點)

潛點質素 ★★★☆☆ (人為污染較少)

難易程度 ★★★☆☆ (水深5至35米,個別潛點會有水流,適合有經驗的潛友)


斯米蘭群島(Similan Islands)

斯米蘭群島

距離布吉島西北90公里嘅斯米蘭群島,論名氣雖然唔及PP島、皇帝島,遊客唔算多,但資深潛友就一定識得佢!斯米蘭群島由9個島組成,不過只有4號同8號島可以登島。泰國政府喺1982年將呢度規劃為國家公園,每年5月中至10月底都會封島進行保育,一律禁止漁民、潛水人士進入,所以呢度海洋生物特別多、人為污染少,更曾經入選為全球十大潛水勝地,絕對係布吉境內嘅潛水天堂!

潛點主要位於群島東西兩面,特色係花崗岩融合珊瑚礁嘅奇景,例如Eden Garden、Elephant Head Rock等潛點都可以睇到巨型花崗岩。另外,唔少潛友都會特登去埋斯米蘭群島附近的Richelieu Rock,經常可以搵到鯨鯊同魔鬼魚。由於成個群島潛點數目超過廿個,島上又無住宿、餐廳,所以遊客主要都係參加一日遊或4日3夜船宿。注意每位潛友需要另外比฿400嘅國家公園門票,以及每日฿200嘅潛水收費。

地理位置 ★☆☆☆☆ (由布吉出發,需要大約3至4個鐘船程)

潛點數量 ★★★★★ (超過廿個潛點)

潛點質素 ★★★★★ (人為污染及破壞少)

難易程度 ★★★★☆ (水深5至40米,個別潛點會有水流,適合有經驗的潛友)

隨住珊瑚白化愈嚟愈嚴重,泰國政府提出更多相應設施保育,建議大家出發之前先查詢清楚,去到當地亦要搵間有信譽嘅潛水中心,玩樂之餘同時保護環境!此外,潛水有一定危險性,即使受過嚴格訓練亦有機會發生意外(Touch Wood),所以準備去旅遊潛水前記住買份保障呢項運動嘅旅遊保險!

相關文章︰【打風暴雨】惡劣天氣班機延誤,旅遊保險點賠法?

相關文章︰旅遊上網必備:全港最平 Wifi 蛋租借攻略

——

想知道最新嘅理財貼士,就要留意 MoneyHero Blog,同埋緊貼我哋嘅 Facebook Page

FINANCIAL TIP:

Use a personal loan to consolidate your outstanding debt at a lower interest rate!

金融產品、理財熱話、投資知識
立即訂閱MoneyHero電子通訊,最新理財資訊、獨家優惠搶先睇