訂閱電郵
你訂閱咗未?立即輸入電郵!
你將會獲得:
✅最新優惠(包括限時獨家優惠)
✅定期追蹤貸款產品消息
✅理財小tips

本人同意 條款及細則 以及同意按 私隱政策 接受推廣資訊。

同意訂閱
訂閱成功!準備隨時接收精彩理財熱話與金融產品優惠!

【真・理財集智】搞網上生意,你需要的4種Partner

MoneyHero

MoneyHero

最後更新於 02 十月, 2016

社交媒體嘅興起,加上打工仔嘅事業晉升階梯又未如人1意,令到好多打工仔都諗住同朋友夾份,喺網上搞下小生意,睇下有冇機會藉此發圍。搵生意Partner就好似夾隊Band咁,人太多就好難磨合,成員唔適宜太多,但又要個個有專門技能。咁到底搞網上生意,需要有邊幾種Partner,令小生意可以變成大生意呢?

 

1. IT人

都話係網店,咁最理想梗係有IT人幫手啦。如果你只係想喺Facebook開個Page,當然唔需要好專業嘅IT人,但係有埋自己嘅網站,要Pro啲,就唔同咁講法。簡單如只是一個Blog形式嘅介紹網站,複雜啲如有埋購買系統、網上交易系統,你就要搵街外人幫手,開支都可大可小,於是IT專業人士,係搞網上生意最需要嘅Partner之一!

 

2. Design人

千萬不要以為,有個識寫網站嘅IT人,就唔需要搵個Designer Partner!識寫網站嘅人,唔代表識Design,兩者一個係Back End,一個係Front End,有人會識晒兩種技能,但唔係必然嘅!而企喺顧客立場,好嘅網站Design、宣傳圖像、介面,都係吸引購物嘅主因。最好嘅Design人,應該可以負責網站嘅UX/UI、日常嘅宣傳圖像,最好就識埋影相,同埋可以確立生意嘅美學定位啦!

 

3. 文案人

係喇,知道幾乎所有人都識字,但唔係個個人都可以用文字,講出產品嘅美學、故事。一個小生意要做大,最需要就係同顧客建立好嘅溝通,而好嘅文案就做到咁嘅效果。文案人應該可以擔任對內對外嘅溝通橋樑,佢係溝通嘅潤滑劑,同時又係最佳嘅Sales,如果可以嘅話,可以做埋回覆顧客提問嘅專員,用最好嘅文字與顧客建立親密而長久嘅關係。

 

4. 有錢人

講到做生意就好似夾Band,你又估下,無論係夾Band定做生意,邊一種成員係最重要嘅?雖然好現實,但其實最重要嘅成員,就係一個有錢人!生意樣樣都係開支,即使欠缺上述任何成員,你都可以用錢搭救請外援,但如果無足夠資金,你有再好嘅Idea,再好嘅Partner,一切都係空談!

 

不過唔使咁灰,如果係只欠有錢人嘅話,其實無謂夾硬搵一個投資者,可趁低息環境,考慮以私人貸款,取得創業資金!

更多私人貸款產品資訊,請按此

FINANCIAL TIP:

Use a personal loan to consolidate your outstanding debt at a lower interest rate!

金融產品、理財熱話、投資知識
立即訂閱MoneyHero電子通訊,最新理財資訊、獨家優惠搶先睇