訂閱電郵
你訂閱咗未?立即輸入電郵!
你將會獲得:
✅最新優惠(包括限時獨家優惠)
✅定期追蹤貸款產品消息
✅理財小tips

本人同意 條款及細則 以及同意按 私隱政策 接受推廣資訊。

同意訂閱
訂閱成功!準備隨時接收精彩理財熱話與金融產品優惠!

講心唔講金?點同Honey討論理財問題?

MoneyHero

MoneyHero

最後更新於 13 二月, 2015

couple

好多情侶都覺得,拍拖講錢係大忌。咁諗你就錯曬啦!如果你係有心同另一半長遠關係,其實伴侶之間既財政安排係一樣好重要既事,關乎到你地之間既將來。所以,唔係唔講,而係要講得有技巧。你諗下,如果你女友每個月都駛左人工一半買手袋,或者你男友每個月都駛好多錢去買online game,你應該點樣去處理呢?如果你唔好好處理呢個問題,其實對你將來既置業大計同婚姻預算都會好有影響。

係香港地,講錢好似仲係一樣好禁忌既話題,大家都係避而不談。不過,如果你真係好愛你既另一半,你都唔會想佢係將來面對咩財政危機架嘛係咪先?雖然講錢唔係一件容易既事,但你處理得好既話雙方既感情反而會更加昇華。唔知點開口?今日MoneyHero 就同大家分享下幾個小技巧,等你可以輕鬆同伴侶處理金錢問題!

 

依家係唔係適當時機?

探討財政問題,最適當既時機當然係你認定呢個人就係同你一直走下去的人既時候。如果你係呢個時候同另一半探討呢個問題,佢會意識到你同佢係認真既,你有同佢終老既打算。咁樣佢自己唔會嬲,仲會覺得冧添。如果你先岩岩同人拍拖,就真係最好唔好掂呢個話題住喇,因為好易令對方覺得你好斤斤計較,唔得大方。

 

冷靜對話

要令對方信服你既意見,最重要既一點係你要保持冷靜,以事論事同保持客觀。咁樣既態度會令對方覺得你真係為佢著想,同係講得有道理。如果你係激動咁指責佢,"你成日買鞋好嘥錢囉” ,佢就會覺得你只係為鬧而鬧,反而唔會聽。

 

包裝話題

一講錢大家可能都會變得比較防備,所以你係講既時候最好包裝一下個話題,等佢聽落覺得順耳d。例如你可以講「我想可以儲錢儲快啲」,睇下你既另一半有啲咩意見。可能講講下,佢都會話比你聽自己喺儲錢方面有咩問題,或者有咩儲錢既秘訣。

 

「不如我地傾下呀」

開左個話題之後,就可以同你男/女朋友提議大家開心見誠咁傾下錢呢樣野。但記得要強調你好滿意宜家呢段關係,只係唔想第時因為錢呢樣野有分歧,所以想傾下。咁就可以令佢覺得你唔係抱怨緊,真係純粹係想傾下。

 

擇個好日

你可以同另一半定一個日子,坐低好好傾下呢件事。咁做有兩個好處:(1)第一次提出傾錢呢個話題,可能會比較尷尬,所以中間隔左一排既話,雙方可以沈澱一下,諗下自己對呢件事既觀點。(2) 可以比啲時間大家整理下各自既財務資料,例如淨收入、有咩債務、信用卡用量/卡數等等⋯

 

只聆聽,不批評

喺大家傾野既時候,記得要打開心扉,唔好咁快用自己把尺去量度另一半!當然,如果你聽到原來你男朋友日日買咖啡飲,一年要用成接近一萬蚊既話,震驚就在所難免架啦。但呢個正正就係你地要溝通既原因嘛。同時,記得坦白講出自己既缺點。反正你地去到講錢呢一步,都冇咩其他野好隱瞞啦?

 

諒解對方既背景

你女朋友係咪出身小康之家?定係屋企既經濟只係過得去?知道左另一半既成長背景,可以令你更加明白佢既消費習慣。

 

制定計劃

有一啲情侶會夾錢儲一個「約會基金」,拍拖要使錢既時候就喺呢個POOL度攞錢,咁就可以避免其中一個人比晒錢,或者使凸左。特別如果你視對方為結婚對象既話,就更加應該襯呢個機會同另一半傾下長遠啲既計劃!

 

令另一半安心

記得同你既另一半重申,你覺得今次溝通係你地段關係入面一個重要既里程碑,同埋解決左呢個問題會令你更有安全感。咁就唔會怕講左呢個話題之後令你地疏遠左。

 

唔好講完就算

難得你地開始左講呢個話題,唔好講完就算。可以間中抽一日討論一下係咪達標,或者其他理財上既野。如果你既另一半達到左目標,就唔好吝嗇你既讚美;就算佢地間唔中衰左,都記住要支持同鼓勵佢地。

---

想儲錢既話,如果有人支持你,同埋知道你既壞習慣,會容易好多!如果因為一個重要既人/原因,就會更有動力,個目標都好似冇離你咁遠。

想再慳多啲?即上MoneyHero,比較唔同金融產品,搵出最啱你既信用卡私人貸款醫療保險旅遊保險啦!

FINANCIAL TIP:

Use a personal loan to consolidate your outstanding debt at a lower interest rate!

金融產品、理財熱話、投資知識
立即訂閱MoneyHero電子通訊,最新理財資訊、獨家優惠搶先睇