訂閱電郵
你訂閱咗未?立即輸入電郵!
你將會獲得:
✅最新優惠(包括限時獨家優惠)
✅定期追蹤貸款產品消息
✅理財小tips

本人同意 條款及細則 以及同意按 私隱政策 接受推廣資訊。

同意訂閱
訂閱成功!準備隨時接收精彩理財熱話與金融產品優惠!

跟着 電車 走:文青x美食x本土「叮叮」行程全攻略

MoneyHero

MoneyHero

最後更新於 25 八月, 2015

電車

對於家住港島嘅小編來說, 電車 係一眾港島(香港)人嘅集體回憶。姑勿論有人話「行路可能快過搭電車」所以要淘汰 電車 ,但小編依然覺得「叮叮」絕對要保留!它縱然是慢,雖然不斷蝕錢,但它的存在就是代表住香港最地道、最有歷史的交通文化。還好,社會上反對聲音一面倒,在此希望「叮叮」得以保存,為香港人保留珍貴的港島慢遊回憶。

很多非港島人依然對「叮叮」感覺很新鮮,今次 MoneyHero.com.hk 就為大家提供3大港島「叮叮」玩樂路線:文青影相線、街頭美食線與歷史文化線,想知點玩?即睇!

文青線

文青嘅代名詞係咩?就梗係漫遊加攝影啦。小編就為文青/偽文青們諗咗一日電車行程,大家可以參考下:

北角春秧街(港版美功鐵路市場)>> 中環半山漫遊街拍 >> 上環特色Cafe >> 西環碼頭日落 + 西環樹牆

1

北角既不是Shopping熱點,也沒有太多特別活動,因此對於一眾80、90後來說可能是一個比較陌生的區域。但其實北角有全港最有特色嘅露天街市,街市夾住一條單行「叮叮」線,「叮叮」經過就如摩西分紅海,感覺好霸氣!

影完摩西分紅海,可以再去中環。中環其實除咗影到爛嘅石板街,大家可以再上啲乘扶手電梯至蘇豪區,沿依利近街、士丹頓街與鴨巴甸街至半山堅道,這一帶有好多特色店,大家可以漫步其中,隨手街拍一下。男 / 女朋友應該都有啲滿意作品,呢個時候,就可以到上環特色Café食個Tea、打個卡。大家可以在蘇杭街一帶,這條街有大量Café,總有一間合你心水。

最尾一個景點就當然要到總站西環了。在堅尼地城公園下車,一直沿海傍走進碼頭空地,不但可欣賞日落靚景,仲可以同另一半吹住海風一邊談心,浪漫到暈。浪漫過後,一定要到科士街樹牆,拍照留念。因為你永遠不知,樹牆何時會倒下。

美食線

港島一帶有好多懷舊餐廳茶樓又有小店小食,真係諗起都想食!今次就由西行線開始,分享講下懷舊美食 / 特色小店路線篇。

西環地茂茶樓 >> 北角雞旦仔湯圓 >> 西灣河太安樓

2

西環自從地鐵通車以後,人流多咗好多,食肆亦變得越來越多樣化。但呢間新興茶樓喺區內仍迄立不倒,好多人專程到來光顧,推薦流沙包!坐低飲杯茶食個包,跟住就可以來一程「叮叮」河,在電車上遠望上環海味街、灣仔、炮台山一帶舊區古舊建築,夠晒時間消化,最終到達北角。北角福元湯圓在區內聲名算高,主打中式甜品,首推芝麻湯圓,皮薄芝麻炒得超香。食過湯圓,可到海傍散一散步,再調整心情,迎接晚上重頭戲:到西灣河太安樓掃街去!太安樓算係港島小食天堂,即炒足鑊氣牛河、阿伯獨門咖哩魚旦豆卜、手抓餅、25蚊超正海南雞飯等等……多到數唔晒!

文化歷史線

灣仔藍屋 >> 中環甘棠第(孫中山紀念館) >> 上環醫學博物館(紅屋)

3

今次由灣仔出發,柯布連道下車,一路走入內街至石水渠街,就會找到藍屋。藍屋本身名是一家醫院,現已被列為香港一級歷史建築物。藍屋地下的空置地鋪有一香港故事館,以專題展覽和社區文化遊介紹灣仔獨有的社區文化,藉此希望大家關注灣仔區文化保育事務。

認識過灣仔文化,就要走到半山中區的甘棠第。其建於1914年,為本港富商何東之弟何甘棠的住宅。經過幾次易手,業主於2004年把建築物的業權移交政府,現成為孫中山紀念館。建築物於2010年列為法定古蹟,當中其愛德華時代的古典建築風格,是香港現存少數的建於20世紀初建築物,甘棠第亦有兩個常設展覽廳,主題分別為「孫中山與近代中國」及「孫中山時期的香港」,對香港近代史有興趣的。逛過甘棠第,可再到下站上環的醫學博物館(紅屋)。醫學博物館前身是香港細菌學檢驗所,以應付當年肆虐的鼠疫。在1973年遷離後,建築物一直只作政府倉庫,直至1990年被政府宣布列為法定古蹟。此處近年也成為各大雜誌拍攝封面熱點,大家可以去朝聖一下。

叮叮派對:230元遊足大半日

4

講完3條「叮叮」一日遊路線,大家仲可以參加搞番個電車派對!派對車有普通、綠色古典以及紅色古典3款「叮叮」俾大家揀,租用費由$1,000至$1,550元 / 小時不等。以普通「叮叮」為例,若租8小時,每架可載35人,最低人均消費大約係$230左右。有意租車嘅朋友,2個月前就可以開始預約架喇!詳情可到以下連結:https://www.hktramways.com/tc/book-your-party-tram/

——

除咗「叮叮」漫遊,我地仲有 平靚正拍拖好去處親子活動一天遊,幫你揀好諗好!想知多啲慳錢貼士同理財建議,就要留意MoneyHero.com.hk blog,同埋緊貼MoneyHero.com.hk facebook page

 

 

FINANCIAL TIP:

Use a personal loan to consolidate your outstanding debt at a lower interest rate!

金融產品、理財熱話、投資知識
立即訂閱MoneyHero電子通訊,最新理財資訊、獨家優惠搶先睇