訂閱電郵
你訂閱咗未?立即輸入電郵!
你將會獲得:
✅最新優惠(包括限時獨家優惠)
✅定期追蹤貸款產品消息
✅理財小tips

本人同意 條款及細則 以及同意按 私隱政策 接受推廣資訊。

同意訂閱
訂閱成功!準備隨時接收精彩理財熱話與金融產品優惠!

農曆新年好去處

MoneyHero

MoneyHero

最後更新於 17 二月, 2015

HK_PlacestoCelebrateChineseNewYear

話咁快到年廿九,好快就羊年啦!香港人特別重視農曆新年,無論幾忙都好,都會留啲時間比屋企人同埋朋友,共渡佳節。新年食年糕、湯圓、蠔鼓同其他應節食物就例牌架啦。唔少人重會去廟度祈福,希望黎緊一年順風順水。不過新年咁多地方休息,度度都起碼初五先啟市,四日假期留喺香港既話,有咩好做?一齊睇下MoneyHero推介既農曆新年好去處啦!

 

AIA歐陸嘉年華

相信由12月中開始,大家既facebook都係咁比AIA嘉年華既相洗版。但如果你重未去既話就要快啲行動,因為2月22號係最後一日啦!由即日起至2月18號下午2點之前入場,做緊「一人票價,二人同行」既優惠,即係慳返$25蚊入場費呀。另外,2月18號(年三十晚)重會延長開放到淩晨2點!食完團年飯,再跟手過去玩都冇問題!

 

元朗大棠春節嘉年華

春節嘉年華喺香港哈爾濱冰雪節既原址舉辦,唔單止保留左之前受歡迎既遊戲設施,重加左唔少新野!「吾是4D館」入面有好多3D畫可以大影特影,宜家重加入左以賀年為題的3D畫添!場內重有好多巨型既充氣遊戲同迷宮,大人細路都啱玩。鍾意刺激既話可以去射擊地帶,試下玩槍戰,由於係用海綿子彈槍,唔會痛架。戶外仿雪溜冰場、雪の燈海、冰雪體驗館等等令到節日更有氣氛。一家大細或者情侶去玩都好適合!

 

香港迪士尼

迪士尼既忠實粉絲一定知道迪士尼唔同節日都會有特別佈置。而今個農曆年,成個樂園都以春日繁花做主題裝飾。除左靚靚佈置之外,迪士尼既卡通人物重會著上賀年服飾,同遊客一齊開心過新年。另外,樂園入面既餐廳同酒店都會提供特別既農曆新年餐單。一於同你既屋企人、另一半或者朋友一齊喺迪士尼慶祝新年!

 

花車巡遊匯演

年初一晚既花車巡遊相信唔少90後都係由細睇到大架啦。今年既巡遊匯演會喺尖沙咀文化中心廣場出發,經廣東道、彌敦道,以香港喜來登酒店為終點。由於今年係羊年,所以好多花車都用羊做主題,有啲甚至連活生生既羊都會加入匯演!當然唔少得其他海外同本地既表演隊伍,用音樂同埋舞蹈為羊年打響頭砲!匯演由8點開始,持票人士可以由7點開始入場,冇飛既話就要早啲喺街度霸定位啦。

 

煙花匯演

同花車一樣,新年唔放煙花就硬係會覺得差啲野咁。而睇煙花最正既地方當然係維港啦!一如往年,年初二晚(2月20)既8點會開始放煙花,搵靚位要襯早。維港兩岸唔少餐廳或者大廈都可以睇到煙花,唔想為左睇20分鐘煙花,而要同人迫幾個鐘既話,都可以考慮下。

 

賽馬日

到左年初三,就係一年一度既農曆新年賽馬日!賽事會喺2月21號既中午12點,喺沙田馬場舉行。現場重有騎師拜年賀歲,著名風水師分享開運方法,同埋舞獅匯演。入場費10蚊,就算唔賭,入去享受下現場氣氛都唔錯。

 

「閃躍維港」3D光雕匯演

喺農曆新年期間,每晚8:30都會上演3D光雕匯演。講得確切啲,係喺尖沙咀香港文化中心同前九廣鐵路鐘樓上演,不過維港沿岸都會睇到。每晚會上演四場,每場大約15分鐘。大家可以欣賞結合3D投影技術、音樂同燈光效果既多媒體匯演!

 

嗇色園黃大仙祠

作為香港其中一個最出名既廟宇,好多都會喺新年去嗇色園黃大仙祠上香參神。今個新年不妨去黃大仙祠祈福,保佑新年行大運。如果你想試下爭頭柱香既話,就要喺年三十晚(甚至下午)去開始排隊啦。重有精力?不如試下同屋企人一齊睇新年日出啦。睇住啲靚野開始新一年,人都會開心啲架

---

以上咁多個活動,相信都夠大家新年4日假期四圍去玩。祝大家新既一年心想事成,萬事如意!

 

FINANCIAL TIP:

Use a personal loan to consolidate your outstanding debt at a lower interest rate!

金融產品、理財熱話、投資知識
立即訂閱MoneyHero電子通訊,最新理財資訊、獨家優惠搶先睇