再見2014!除夕倒數好去處

MoneyHero團隊
最後更新 Dec 31, 2014

HK Top Places to Spend New Year's Eve in HK

準備好迎接2015年未?香港作為世界上數一數二迎接新年既地方,最受囑目既當然係維港煙花!如果你重諗緊有咩好地方可以渡過2014年最後一日,等MoneyHero話你知6個精彩既倒數地方,等你渡過難忘既除夕夜!

新年.新世界.香港除夕倒數

如果除夕淨係可以做一樣野,咁梗係要去維港兩岸,參加香港官方既倒數煙花大會。呢個融合煙花同音樂既活動,可以話係世界上數一數二既除夕活動。一到午夜12點,就會有長達8分鐘既煙花匯演喺香港會議展覽中心上空開始。相信今年,參加者都會度過一個狂歡既除弘,記住要早啲去,霸返個靚位!

麗思卡爾頓酒店酒店倒數

香港麗思卡爾頓酒店高居臨下,位於全球第8高既建築物——西九龍環球貿易廣場。酒店正正坐落喺 Union Square隔尼,成個維港景都一覽無遺!酒店亦都準備左一系列高檔既除夕活動比客人。酒店既餐廳都有提供豪華既除夕晚餐,Tosca同埋The Lounge & Bar重有現場音樂表演添!除此之外,你重可以去位於酒店100樓既觀景台——Sky100,欣賞煙花表演!

Ozone酒吧Diamonds in the Sky倒數派對

Ozone酒吧都係位於麗思卡爾頓酒店入面,係最世界最高既酒吧之一。喺香港最高既摩天大樓既118樓,重可以欣賞到國際知名既DJ,例如DJ Xinobi同DJ El’se既現場表演,一齊party迎接2015!OZONE既倒數party由夜晚10點開始,記住既31號著住戰衣,入去玩通宵!

RED Bar + Restaurant除夕倒數

如果Ozone已經full左既話,可以轉戰中環既Red Bar + Restaurant。Red Bar + Restaurant位於IFC 4樓,喺除夕當晚會提供5道菜既晚餐。慶祝活動由夜晚11點開始,包括室內舞池同埋DJ。記得買飛要襯早!

香港管弦樂團:維也納之聲新年音樂會

如果你想要過一個傳統啲,優雅啲既除夕,可以考慮香港管弦樂團每年既節日流行精選音樂會。今年既維也納之聲新年音樂會喺香港文化中心音樂廳舉行,由Peter Biloen指揮,會演奏經典既維也納舞曲,例如小約翰·史特勞斯既作品。音樂會有兩場,分別係12月30同31號。學生、長者、傷殘人士可以購買優惠門票。

香港迪士尼

如果你想一家大細一齊過新年,去全世界最開心既地方——迪士尼,就一定冇錯啦!除左可以坐唔同機動遊戲之外,重可以同最鍾意既迪士尼人物一齊影相,或者試下樂園既節日特別餐單。香港迪士尼今年12月31號既營業時間冇延長,一樣係由朝早10點到夜晚9點。不過咁都足夠時間日頭同小朋友去玩,睇左迪士尼煙花,再出去維港睇多次煙花都得丫!

————

相信大家除夕都會想影到張靚相,最好係有維港景同埋煙花啦!無論你係喺街、酒店或者海上面欣賞煙花都好啦,最緊要預早準備,咁就可以過一個充實既聖誕。等MoneyHero預早祝你新年快樂!

想搵啲貼士同建議,等2015年過得輕鬆啲?記住留意我地MoneyHero blog,會定時為你提供有用既理財貼士同建議!

MoneyHero團隊 31st December 2014 1599