2016年個人 理財大事 回顧+趨勢預測!

|Posted by | 全部文章, 品味生活, 按揭/樓盤, 理財小貼士
Tags: , , , , ,

個人理財大事回顧

2016年,對好多人黎講係好難預測嘅一年,不過愈多 理財大事 嘅變化,其實隱藏住更多嘅投資機會,係個人理財方面,大家其實都應該捉緊未來一年嘅大趨勢,做好理財計劃,咁就更快可以達到財務自由啦! 

1/ 進入加息周期

美國聯儲局12月中,宣佈加息0.25厘,為2006年以來第二次加息,當局暗示明年加息3次。進入加息周期,對個人 理財 最大影響當然係供樓嘅金額會增加。去年嘅低息環境,好多供樓人士由P按轉成H按,而H按就對息口比較敏感。雖然H按大部份都將息口上限設定與P按相約,但隨著息口上升,供樓人士嘅負擔應該有增無減,有樓人士來年要小心!

2/ 樓巿辣招   投資新局面

2016年香港政府推出樓巿辣招,已擁有住宅物業人士再置業嘅成本上升,但樓巿仍然未見明顯下調。巿場亦見招拆招,有以買賣公司名義實質買賣單位,部份投資客又將資金轉往海外物業或車位等其他投資工具,投資客要留意巿場最新動向,換取合理回報。

延伸閱讀:【樓市情報】政府 新辣招 6大影響

按此比較按揭產品

3/ 人民幣貶值  

係美國加息後,人民幣匯價創2008年後新低。因為人民幣貶值,好多中國公司都將資金外移,不過中國政府就用盡方法阻止資金外流。這因素會大大影響小投資者今年同未來一年嘅動向,大家應該多關注中國政府嘅資本管制措施,會唔會影響企業嘅資金流動,以及影響企業嘅併購計劃。

4/ 各國政府換屆 個人投資要小心

2016年嘅英國脫歐,以及特朗普當選,令大家知道環球局勢並唔係過去所想般穩定,而各國政府換屆都將會大大影響大家嘅投資策略以及工作。係未來嘅三月份,英國有可能啟動脫歐談判,而荷蘭就會舉行大選;5月時法國就會大選,而到咗9月或10月,就到德國舉行大選。

5/ 強積金對沖有望取消?

對打工仔不利嘅強積金對沖機制,有望可以取消。從2001年開始,法例容許僱主用強積金供款,對沖僱員的遣散費及長期服務金。15年來,已對沖了打工仔280億元。現在有消息指政府已有解決對沖方案,建議在特定年份劃線,新合約僱主再不能用強積金供款,對沖遣散費及長期服務金。舊有合約在死線前供款仍可用作對沖,但死線後供款就不可以。

而現時遣散費及長期服務金,以僱員最後一個月工資乘以三分二,再乘以可追溯服務年資計算。政府建議,日後調低三分之二的比例。強積金係好多打工仔退休時嘅主要保障之一,如果對沖機制取消,相信對好多打工仔嘅理財計劃或會有影響。

6/ 電子錢包香港起步

2016年,對大家即時無乜影響,但未來將會出現巨變嘅會係電子錢包嘅合法化。今年內,香港政府合共批出十三個「儲值電子支付工具」牌照,包括PayPal、八達通、TNG、Tap&Go、支付寶、快易通及微信等等,相信未來個人微 理財 嘅方式將會大大不同,而係投資方面,大家亦可循著電子錢包嘅出現,找到更多嘅投資機遇。

延伸閱讀:【唔使俾現金】香港5大常用 電子付費

——–


想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page


延伸閱讀:【2016大事回顧】香港10大 樓市新聞
延伸閱讀:【2016大事回顧】香港10大 信用卡新聞