MoneyHero團隊入面，有好多旅遊狂熱份子，大家走遍大江南北，由跟團到自由行，都感受到兩者各有優勢。跟團自然一勞永逸，有人幫你安排哂行程，但缺點就係行程往往走馬看花，不能深入了解一個地方的風土人情；自由行當然自由得多，你鍾意花幾多時間係一個景點都無問題，但你都要花好多精神去做資料搜集，又要安排酒店交通，有時都真係幾累。有時我地都會諗，會唔會有方法可以集合哂兩者之長呢？最近我地就搵到一個經營深度旅遊嘅公司，一睇就知道，滿足到我地需求嘅，就係佢喇！
依間旅行社叫做Goexpo博覽行，有別於一般旅行社趕鴨仔、到此一遊嘅做法，佢地嘅方針就係要旅客深入感受旅行樂趣，係每一個景點都會提供充足嘅遊覽同攝影時間。而更加吸引嘅係，佢地會安排團友與當地民族直接見面，等大家可以了解到當地人民最貼近生活嘅一面！呢點除非你做足功課，係當地又有人脈，否則就算自由行，都好難有咁深入嘅了解囉。
我地嘅旅遊狂熱份子一睇佢地嘅行程，就知佢地識野。例如佢地嘅馬達加斯加生態攝影團，就會去到Analamazaotra國家公園，睇到世上最大嘅狐猴群（乜野係狐猴？佢地係馬達加斯加獨有嘅動物，即係在《荒失失奇兵》入面唱I wanna move it move it班小動物囉）；又有穿越西伯利亞大鐵路嘅15天深度之旅，穿越蒙古及俄羅斯，感受大自然嘅雄偉；再唔係，佢地嘅新疆之旅，今次會有徐雄老師隨團，教你點樣拍下當地嘅奇特風情，我地MoneyHero嘅旅遊攝影達人，已經準備成為佢地嘅團友喇！
大家可以上佢地嘅網站，睇下佢地嘅行程及攝影作品！
係喇！你係唔係見到佢地網站旁邊有你熟悉嘅MoneyHero身影呢？咁好嘅網站，我地MoneyHero緊係拿拿聲同佢地合作啦，你係Goexpo網站睇完行程，一按我地嘅旅遊保險，就可以享用到我地提供嘅特別旅遊保險折扣喇。仲唔快啲去選定行程，買定保險，同埋向公司請定假，享受一次又有保障又有深度嘅旅行體驗？
——
即上MoneyHero.com.hk，瀏覽更多金融產品有關資料！想知多啲慳錢貼士同理財建議，就要緊貼MoneyHero facebook page啦!
回到文章
