訂閱電郵
你訂閱咗未?立即輸入電郵!
你將會獲得:
✅最新優惠(包括限時獨家優惠)
✅定期追蹤貸款產品消息
✅理財小tips

本人同意 條款及細則 以及同意按 私隱政策 接受推廣資訊。

同意訂閱
訂閱成功!準備隨時接收精彩理財熱話與金融產品優惠!

MoneyHero.com.hk x foodpanda: 100元中價消暑之選

MoneyHero

MoneyHero

最後更新於 13 八月, 2015

foodpanda

夏日炎炎食咩好?想食平啲唔代表一定要犧牲味道同營養嘅!MoneyHero.com.hk 同 foodpanda 精選咗5間美味兼抵食嘅餐聽,等你喺呢個夏天都可以大飽口福!

Mana’s Wrap:清新之選

mana_wrap1

呢間餐廳主打wrap,佢有7wraps畀你揀,餡料包括牛油果,鷹嘴豆泥、中東蔬菜球等等其中小編會推薦Mana! Falafel(中東蔬菜球),即使食唔食素嘅,應該都會幾鐘意食!Falafel係中東土耳其一帶嘅出名小食,所謂蔬菜球即鷹嘴豆或蠶豆泥加上調味料炸,小編覺得好似食緊咖哩角!幾惹味。如果想清淡啲,就可以試Mana! Bliss,有牛油果,鷹嘴豆泥、青瓜同菠菜,夠晒清淡!

每個wrap你都可以揀要全份定半份,半份價錢由45元起,全份就75元起 。通常大家都叫半份wrap,再加一個Small Salad Box75元),每人120元左右!

 

G.O.D X LOCOFAMA:有機型格中菜館

sohofama_prawn

G.O.D出名玩懷舊老香港味道,今次同中餐廳玩crossover,梗係要搞吓gimmick 啦。聽個名「料理農務」,都知餐廳係採用無化學無添加食材,menu主打有機食品,無論係煮白菜嘅黑蒜頭,生煎豬肉包(裡面嘅豬肉,係以有機食物餵養)。另外,餐廳嘅飲品都引入中醫理念,以中醫師去調配湯水,小編推薦酸多過辣湯(可轉素)58元)!同埋有機生煎豬肉包(68元)。

大家食得天然啲,身體都健康啲。

 

Boomshack:中環潮 Food Truck

BoomShack_Chicken Waffle

早幾個月香港突然爆出炸雞窩夫熱潮,無論日韓台美餐廳都推出窩夫炸雞,依加介紹嘅呢間墨西哥餐廳,都係窩夫炸雞一員。之但係小編就覺得Boomshack其他小食仲值得推薦。首推紅菜頭薯條(68元),菜頭即使炸左都唔會太油膩,再加七味粉嘅mayonnaise,健康又惹味。另外,Banana Nutella Waffle Sandwich60元),用窩夫包住香蕉朱古力,感覺幾清新。

 

Flaming Frango:傳統葡式燒雞

flaming_wings

外國燒雞店依加越來越多,但打住傳統葡式燒雞招牌,就只有中環Flaming Frango。燒雞精髓,就在醬汁之上。Flaming Frango嘅燒雞,用上葡萄牙傳統醬料Piri-Piri,醬料用各種椒類混合而成,之後再用明火燒20分鐘,雞皮香脆,雞肉依舊多汁嫩滑,比烤焗更惹味。1/4隻雞(88元)

 

Noodle-Mi:多元越菜 湯底超用心

香港有好多地方可以到越南野,今次小編為大家介紹嘅呢間好有特色,香港越南餐廳一般只有湯檬撈檬法式三文治等等,但Noodle-Mi仲有供應越式墨西哥捲,各位食素嘅朋友,可以試佢嘅菠菜豆腐餃子,味道不錯。最後,當然要推薦佢地嘅螃蟹&蝦湯蕃茄豆腐檬粉,湯如其名,個湯用咗勁多料,一定要飲晒佢!

正所謂「人如其食」,呢個夏天一於盡情享用美食!

想得到免美食費贈券?快啲去我哋嘅Facebook fans page玩下遊戲啦!

FINANCIAL TIP:

Use a personal loan to consolidate your outstanding debt at a lower interest rate!

金融產品、理財熱話、投資知識
立即訂閱MoneyHero電子通訊,最新理財資訊、獨家優惠搶先睇