香港10大商場購物+泊車優惠大集合(2017年8月)

|Posted by | 信用卡, 信用卡優惠, 全部文章, 品味生活
Tags: , , , , ,


香港10大商場購物泊車優惠大集合

假日最好嘅節目離唔開約埋家人朋友,行吓商場、睇吓戲、食吓飯。不過,小編聽到唔少「有車一族」都呻,話好多商場嘅停車場時租租金都係咁加,15、16蚊一粒鐘幾乎已成歷史,即使位於非傳統旺區嘅商場,都起碼要成20蚊1個鐘;如果係旺角同銅鑼灣呢D旺區,17、18蚊半粒鐘都已成常態。

面對街邊錶位供不應求、停車場又貴到離地,唔少車主選擇求其將愛驅泊係街邊,泊露天傷車不再話下,違例泊車亦好有機會影響到其他道路使用者,最慘係比警方或交通督導員抄張「三百二」,咁就真係泊貴車啦。與其膽博膽亂咁違泊,不如等Moneyhero.com.hk介紹吓10個熱門商場嘅泊車優惠同購物優惠,等大家可以安心又放心咁泊車喺商場,再慢慢食飯買嘢。

港島區

1. 希慎廣場

hysan相片來源︰希慎廣場

銅鑼灣區嘅希慎廣場今年7月先正式開放時租泊車服務,作為文藝青年嘅車主依家可以渣車去果度嘅誠品書店食個brunch,再慢慢打書釘。如果愛好甜品嘅話,記住去新開嘅Flipper’s 試下佢地嘅梳乎厘pancake 啦!

時租車位收費:HK$16 / 半小時

泊車優惠:

於希慎廣場及其他利園區商場消費滿HK$800或以上免費泊車優惠3小時 (星期一至五) / 2小時(星期六、日及公眾假期)

2. 太古城中心

taikoo相片來源︰太古城中心

太古城中心同樣有誠品生活店,仲有溜冰場同玩具反斗城,一家大細周末黎呢度玩,真係大人細路都咁happy。

時租車位收費:$20 / 1小時 (太古城中心停車場),$18 / 1小時 (星輝臺停車場)

泊車優惠:

於太古城中心、太古城或東隅酒店食肆電子消費滿$350或以上:可享於太古城中心停車場免費泊車優惠3小時;或可享於太古城星輝臺(第十期)停車場免費泊車優惠5小時。

九龍區

3. 又一城

%e5%8f%88%e4%b8%80%e5%9f%8e相片來源︰又一城

黎到九龍呢邊,位於九龍塘嘅又一城亦都有溜冰場。最注目嘅都係今年4月先至開張嘅大型MUJI店,新店佔地過萬呎,入面有Cafe&Meal MUJI, MUJI BOOKS 同埋MUJI GREEN,俾你又食又買。行完MUJI,亦都可以去埋分店比較少嘅Zara Home買吓家品。

時租車位收費:$20 / 1小時,日泊收費$108(只限星期一至星期五上午6時至凌晨12時,公眾假期除外)

泊車優惠:

電子消費滿$400以上(星期一至五) / $600以上(星期六、日及公眾假期) 可享免費泊車優惠3小時。此外,尚有特定商戶泊車優惠。泊車滿3小時,第4小時免費。

信用卡優惠:

DBS 星展銀行信用卡最近同又一城合作,持卡人只要用DBS Omni 手機App 玩Omni Catch 遊戲,有機會贏取總值達60萬蚊嘅禮物,逢星期六 / 日玩更有機會贏到期間限定大獎10,000DBS$ ,用DBS Black World Master Card 可換到20萬8千Asia Miles架!) / COMPASS Dollar,同其他商戶獎賞。

此外,以DBS Eminent Card 買野食野除左有基本嘅本地簽賬1%現金回贈之外,喺又一城簽賬同登記仲可以抽獎,加埋基本回贈,最高可獲100%現金回贈,最少都保證有2%現金回贈架!優惠期至8月27日,詳情

4. 荷里活廣場

hollywood相片來源︰荷里活廣場

位於鑽石山嘅荷里活廣場近年持續引入新嘅商戶,又有老牌英資馬莎百貨橕場,加上商場嘅泊車優惠唔難攞到,只要符合當月主題就可以免費泊車,難怪商場長期都人氣旺盛。

時租車位收費:$14 / 1小時

泊車優惠:

毋須消費,只須乎合商場特定主題即可獲3小時免費泊車(7-8月份:只要穿上運動上衣即乎合資格)
上午11:35前入場,憑2張商場戲院早場戲票,可獲3小時免費泊車;
下午11:00後入場,憑2張商場戲院午夜場戲票,可獲3小時免費泊車,消費$200可獲3小時免費泊車

延伸閱讀︰【信用卡攻略】信用卡 戲院 購票優惠2017(8月更新)

5. MegaBox

megabox相片來源︰MegaBox

位於九龍灣商業區嘅MegaBox 雖然唔算就腳,要喺港鐵站轉穿梭巴士或步行15分鐘左右先去到,但勝在有九龍唯一嘅IKEA 分店,又有AEON 百貨,絕對係添置傢俱、電器同家品嘅首選商場。

時租車位收費:

$17 / 1 小時 (星期一至五)
$21 / 1 小時 (星期六、日及公眾假期)
$14 / 1 小時 (星期一至五) *
$20 / 1 小時 (星期六、日及公眾假期)*

泊車優惠:

星期一至五,消費滿$200或以上免費泊車優惠2小時;滿$300或以上免費泊車優惠3小時。
星期六、日及公眾假期消費滿$400或以上免費泊車優惠2小時。於企業廣場3期泊車同樣可享MegaBox泊車優惠。

新界區

6. PopCorn

popcorn相片來源︰PopCorn

將軍澳區愈來愈多旺,位於將軍澳港鐵站上蓋嘅PopCorn唔經唔覺都開左5年,商場各類型嘅舗頭齊全,戶外平台嘅演薈廣場仲會不定期舉行concert 同假日市集,大家不妨留意吓。

時租車位收費:

$16 / 1 小時 (星期一至五)
$18 / 1 小時 (星期六、日及公眾假期)

泊車優惠:

星期一至五,消費滿$100或以上免費泊車優惠1小時;滿$200或以上免費泊車優惠2小時。
星期六、日及公眾假期,消費滿$200或以上免費泊車優惠1小時;滿$400或以上免費泊車優惠2小時。購買即日戲票可獲免費泊車優惠2小時

購物優惠:

為慶祝開業5周年,PopCorn由8月5日至9月3日期間,連同近50個場內商戶舉行「5周年感謝折」,多款美容及服飾產品低至3折,亦提供多款禮品及現金券換購優惠。詳情

 

7. 東港城

%e6%9d%b1%e6%b8%af%e5%9f%8e相片來源︰東港城

同樣喺將軍澳嘅東港城,7月中新開業嘅一田超市一定係全場焦點,開業儀式由「部長」Kumamon 主持,商場至8月底舉行「一田 x Kumamon 真夏之花火大會」活動,只要以電子貨幣買滿一定金額,就可以玩攤位遊戲、浴衣體驗、自拍館,仲可以換領別注紀念品。詳情

時租車位收費:

$13 / 1 小時 (星期一至五)
$16 / 1 小時 (星期六、日及公眾假期)

泊車優惠:

以電子貨幣消費滿$200或以上免費泊車優惠1小時;滿$400或以上免費泊車優惠2小時;滿$600或以上免費泊車優惠3小時。

8. 新城市廣場

%e6%96%b0%e5%9f%8e%e5%b8%82相片來源︰新城市廣場

沙田嘅新城市廣場,一田超市、馬莎百貨、City’super同MUJI都有,行過隔離嘅HomeSquare仲有IKEA添,真係名乎其實「百貨應百客」。唔講你未必知,呢個商場仲喺2004年被評為全球人流量最高嘅商場添。

時租車位收費:

$18 / 1 小時 (星期一至五)
$24 / 1 小時 (星期六、日及公眾假期)

泊車優惠:

星期一至五,以電子貨幣消費滿$300或以上免費泊車優惠2小時;滿$500或以上免費泊車優惠3小時。
星期六、日及公眾假期,以電子貨幣消費滿$500或以上免費泊車優惠1小時;滿$700或以上免費泊車優惠2小時。

9. Yoho Mall

yoho相片來源︰Yoho Mall

位於元朗嘅Yoho Mall,擴建部分剛喺7月21號開幕,除左商戶更加齊全之外,最注目相信係新進駐,百老匯院線旗下嘅My Cinema,仲係新界西第一個IMAX影院,住係附近嘅朋友近日又多個好去處啦。

時租車位收費:

$15 / 1 小時 (星期一至五)
$18 / 1 小時 (星期六、日及公眾假期)

泊車優惠:

星期一至五,以電子貨幣消費滿$100或以上免費泊車優惠1小時;滿$200或以上免費泊車優惠2小時。以電子貨幣消費滿上述金額,並於指定食肆消費,可獲額外免費泊車優惠1小時。

星期六、日及公眾假期,以電子貨幣消費滿$200或以上免費泊車優惠1小時;滿$400或以上免費泊車優惠2小時。

10. 愉景新城

%e6%84%89%e6%99%af相片來源︰愉景新城

荃灣愉景新城近年已成為韓流粉絲嘅必到之地,除左韓國時裝店SPAO外、仲有韓系鞋店Shoopen同家品店Modern House,哈韓一族記得帶定彈藥大出血啦。另外,商場旁邊嘅八咪半商場將會開設IKEA荃灣店。雖然新店未正式開業,但同址已開咗IKEA Pop-upStore,俾大家頂住癮先。

時租車位收費:

$13 / 1 小時 (星期一至五)
$20 / 1 小時 (星期六、日及公眾假期)

泊車優惠:

星期一至五,以電子貨幣消費滿$100或以上免費泊車優惠1小時;以電子貨幣消費滿$200或以上免費泊車優惠2小時。星期六、日及公眾假期,以電子貨幣消費滿$200或以上免費泊車優惠1小時;以電子貨幣消費滿$400或以上免費泊車優惠2小時。

中銀銀聯卡額外泊車優惠

於2017年6月23日至8月27日期間,逢星期五、六、日及公眾假期,憑中銀銀聯雙幣鑽石卡或白金卡於指定新鴻基地產旗下商場包括愉景新城、Yoho Mall、新城市廣場及東港城消費滿指定金額,可享商場額外1小時免費泊車優惠。詳情 

按此瀏覽更多中銀信用卡優惠。

響商場消費想慳到盡?立即前往我哋嘅信用卡優惠平台,經我咃申請指定信用卡仲有獨家優惠!

相關文章︰【信用卡攻略】香港5大 現金回贈 Cash Back 信用卡 2017

相關文章︰嚴選 八達通自動增值 最佳信用卡(2017年8月)

相關文章︰香港平靚正 親子活動 好去處 (2017年8月更新)

相關文章︰香港平靚正 拍拖好去處 (2017年8月更新)


——

 

想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page