【旅遊唱錢攻略】台灣、泰國、越南唱錢大比拼

|Posted by | 品味生活
Tags: , , , , , , ,

旅遊唱錢攻略


講到出門旅行,香港都算得上佔盡地利。亞洲區內大部分旅遊熱點,上至南韓日本,下至台灣、泰國同越南,飛3、4個鐘即可到達,方便程度同喺倫敦搭內陸機飛歐洲各大城市不相伯仲。

較大分別喺歐洲大部分地區都使用歐元,其他主流貨幣例如英鎊及瑞士法朗都喺環球主要貨幣,流通量高;相反亞洲各國及地區幾乎都有自己發行嘅流通貨幣,而且語言多樣化,習慣不一,認識各地「唱錢」文化,喺亞洲旅客必不可少嘅環節!今次就同大家講下旅遊唱錢攻略,一齊比拼三大熱門旅遊勝地,越南、泰國、台灣的唱錢文化。

台灣

台灣旅遊

先從「入門版」嘅台灣講起。台灣喺無找換店,要唱錢就只能經銀行,各分行嘅外幣兌換率一般都跟隨銀行官網(機場禁區內外可能有些微差異),所以留意匯率只需要睇下幾間大銀行網頁就夠。

作為遊客嘅我哋,唱錢時需要出示Passport做登記,而且每單交易會收取約100新台幣(TWD)手續費,同香港個別找換店比較之外,其實並唔划算。不過喺台灣用銀聯卡,喺ATM拎台幣個匯率就相當吸引,呢層相信唔駛多介紹。

泰國

泰國旅遊

銀聯rate喺泰國都算唔錯,以5月7日嘅匯價做比較,比起香港個別找換店平1%多啲,但同泰國當地找換店來講就輸咗嗰馬鼻!曼谷唔少BTS站內都有找換店,只需要用護照登記就可以唱錢,都幾方便。不過個別大站人多,排隊自然唔少得。

最唔抵就喺機場嘅銀行唱,同找換店相比可以貴成10%!而曼谷機場嘅入境大堂往機場鐵路站方向,都有好多間找換店,匯率都比銀行嘅牌價平得多,緊記唔好心急、行多兩間格下價先!

越南

越南景點

相比起台幣同泰銖(THB),有越南盾(VND)唱嘅香港找換店明顯較少。雖然網上見有其他文章話喺「百年」都唱到越南盾,但5月7日上官網睇就唔見有牌價。另外兩間老牌找換店「堅成」同「永恒」開價都喺「每1港元兌2739.73越南盾」;而喺找換店比較平台YBEX就見到只有金寶找換店、同喺重慶大廈嘅Shere Punjab Exchange有越南盾供應。

越南盾喺香港供應唔多,所以找換店開價會貴少少,牌價分分鐘幾個月都唔郁,適合去公幹、或者short stay一兩日、唱定先唔駛煩嘅朋友。至於去嘆世界嘅,不妨考慮比較埋當地銀行牌價先!

同樣以5月7日嘅牌價計,越南滙豐開價「每1港元兌2829越南盾」,「西貢銀行Saigon Bank兌到每1港元2871越南盾」!大概知道銀行賣幾錢,再去當地唱錢就無咁容易受騙。唔少朋友分享喺越南機場唱錢時,個價最終「衰過喺香港唱」,「食水」比中間價可高達約10%!事關當地唔係間間找換店都明碼實價寫明各外幣嘅兌換價,好多時都係拎個計數機「督督下」,唔知價就易中伏。所以建議先喺香港唱定少少,出咗機場再唱。亦有朋友試過喺當地用ATM提款,但就話「成功率」比其他亞洲城市低,部分ATM唔知點解「彈卡」(好彩無食卡),想去到先用卡提款嘅朋友可能要碰下運氣啦!

去越南玩嘅另一迷思,係到底駛唔駛換定美金過去。事實上,當地唔少找換店都收港幣,所以唔存在一定要用美金嘅講法。只係當地唔少商店都接受客戶支付美元,當然佢找唔找得足俾你喺另一回事,所以如果人多、每次消費金額較高,大可直接用美金!

由此可見,唔好講話喺香港無一間找換店可以各種貨幣都平通街,就算喺同一種兌換外幣方式,無論係匯價同體驗,喺各地都可能有頗大差異!平日記得多留意兌換率, 咁就可以揀最適合你嘅唱錢模式啦!

YBEX為你比較匯價:www.ybex.io

去旅行唱錢好緊要,但安全都唔可以忽視,所以一定要留意埋旅遊保險啦,入嚟比較埋各大旅遊保險啦!
 

溫馨提示:旅遊保險

經MoneyHero.com.hk購買指定旅遊保險可享7折優惠

買完機票即刻買埋旅遊保險,咁先享受到最全面嘅保障!MoneyHero.com.hk提供一站式旅遊保險比較平台,只需3分鐘就可幫你比較同立即購買旅遊保險,保單馬上生效,現時經我哋買指定旅遊保險仲有低至7折優惠添!

咪以為邊度買旅遊保險都一樣,淨係保障範圍已經大有不同,等我哋幫你分析經ATM買、買機票時Click個掣買、直接上旅保公司的官網買等唔同途徑有咩分別:比較香港10大買旅遊保途徑優劣

經MoneyHero.com.hk購買指定旅遊保險可享7折優惠

作者簡介:徒弟仔
一個講唔上專業,但最愛睇外匯的旅人

——

延伸閱讀:【唱錢冷知識】找換店没有告訴你的3大要點 換外幣冇難度!

延伸閱讀:【找換店多人排就抵?】評點隱世外幣找換店 !

相關文章:【85蚊買5日自駕遊保險!】比較10間旅遊保險租車保障

相關文章︰【打風暴雨】惡劣天氣航班延誤Delay,旅遊保險點賠法?

想了解更多不同旅遊保險的優惠?即刻上我哋嘅比較平台。

想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page