【短線旅行好去處2020】快閃4日3夜去邊好？

香港人去旅行唔洗太長，有時請唔到假快閃去幾日放鬆一下，唞唞氣返嚟先再搏殺過。有時連放4日假，就係快閃4日3夜旅行嘅好機會。今次MoneyHero幫你精選出5個亞洲短線旅行好去處，等你可以唔洗左度右度，隨時話飛就飛！

旅行心得：里數攻略大全｜機場貴賓室介紹｜賺里數攻略 ｜銀聯Lounge｜機場接送｜機場快線｜里數換票｜儲里數方法｜往返內地交通

短線旅行好去處

1/ 台灣台中

台灣一直都係港人嘅「後花園」，台北可能大家去得多，但其實仲有台南、台東同埋台中可以玩！如果想relax一下，建議去台中玩返幾日，大量IG打卡新景點同埋café，仲有夜市、文創市集等等，快閃3日2夜去影下相都夠！如果唔想太趕急，就建議留多一日去埋外郊區，搵下隱世秘景，搵唔到就當親親大自然慢活一下！

延伸閱讀：【旅遊唱錢攻略】台灣、泰國、越南唱錢大比拼

2/ 越南富國島

去越南機票就平，但一諗起要整簽証好多人都會卻步，話明快閃梗係想煩少一樣得一樣，去富國島就啱哂！如果你持有特區護照又直飛富國島，就可以有 30 日免簽證！但要注意，如果需要經越南其他地方轉機，咁就要申請越南簽證了。去到富國島都有好多新景點玩，有世界最長跨海纜車、野生動物園和大型水上遊樂園等，仲可以去外島浮潛。

延伸閱讀：【旅遊唱錢攻略】台灣、泰國、越南唱錢大比拼

3/ 新加坡

新加坡開咗兩個全新景點「星耀樟宜」同埋「奇幻花園」都好值得去打卡，成十層咁高嘅「星耀樟宜」入面除了購物同餐飲之餘，仲有最高室內瀑布同大型室內植物館「森林谷」等，而位於濱海灣花園嘅「奇幻花園」就成個阿凡達仙境咁！除咗影相，新加坡仲有大把美食，好似海南雞飯同肉骨茶等等，去玩4日3夜充充電就最啱。

4/ 馬來西亞檳城

想遊山玩水行下夜市又唔想去太遠，可以考慮一下去四面環海嘅檳城，當地除了美食同歷史古蹟出名之餘，大大小小嘅海灘都可以滿足到想去放空一下嘅你。講到美食，檳城除了著名椰漿飯、肉骨茶、海南雞同娘惹餐，記得去埋好似茶餐廳咁嘅檳城茶室，食咖央多士同飲咖啡！

5/ 泰國清邁

泰國一直都係港人最喜愛旅行嘅地方之一，快閃之旅一定會考慮！如果你之前去開曼谷多，可以考慮一下泰北清邁。清邁古城有超過700年歷史，至今仲保留住最完整的一座城門—塔佩門，非常值得去遊覽！而清邁大學之間的寧曼路就集合咗各式情調嘅店鋪、咖啡店、酒吧同大型購物中心，絕對係必去地標之一。

延伸閱讀：【泰國SIM卡比較】熱門泰國SIM card大比拼　要實名登記？

離開香港前記得買旅遊保險，享受最全面保障！不想花時間比較邊份有手機、自駕、取消行程、新冠及行李損壞保障？本網幫大家比較40+份旅遊保險，個人／家庭／全年旅保／長者都輕易買到！整個購買過程只需5分鐘，保單即時生效！指定旅遊保險不單低至6折！

相關閱讀：【旅遊保險比較】買邊間好？旅遊保優惠、保障、claim保險攻略

相關閱讀︰【旅遊保險小知識】旅遊保險常見問題

相關閱讀：【航班Delay旅遊保險攻略】惡劣天氣航班延誤證明 + Claim保險須知！

想知道最新嘅理財貼士，就要留意 MoneyHero Blog，同埋緊貼我哋嘅 Facebook Page！