【 首次置業 】瘋升樓市中嚴選5個400萬以下上車盤2017

|Posted by | 全部文章, 按揭/樓盤
Tags: , ,

【 首次置業 】瘋升樓市中嚴選5個400萬以下上車盤

近排長實位於荃灣西嘅新盤「海之戀」吸引過千人排隊揀樓,長實仲話有超過6成買家都係年青人,真係令小編O晒咀。究竟點解一個20出頭嘅後生仔會有錢買一個600萬港元嘅單位呢?正所謂「各有前因莫羨人」,大家都係繼續努力番工,儲錢俾首期把啦!今次MoneyHero就為 首次置業 買家嚴選5個樓價仍然喺400萬港元以下嘅屋苑,等大家想「貼地」置業嘅時候可以多一個參考。


屯門私樓豐景園 – 附設泳池

唔少年青人因為筆直(budget)有限都會選擇新界西嘅二手樓,好似屯門區就有「上車樂園」嘅美譽。今次小編搵到嘅上車盤係位於屯門海珠路嘅豐景園,屋苑發展商係南豐,樓齡都有27年。屋苑近期幾個兩戶單位(實用面積介乎301至339呎)嘅成交價都係介乎360至395萬,實用呎價介乎11,504至12,783蚊,實用率約為7成。屋苑雖然無會所,但有個泳池都算唔錯。屋苑距離屯門港鐵站約需15分鐘車程,出市中心轉車番工或者買野都尚算方便。屋苑亦鄰近三聖邨,周末可以行過去食吓海鮮。

元朗大棠村屋 – 呎價5,000幾

如果你覺得實用面積得300呎有啲細,想住大少少,多啲空間種吓花同養吓小動物,咁村屋似乎比較適合你啦。今次小編搵到呢個村屋盤位於元朗大棠水蕉新村嘅大棠花園,一個中層單位,樓齡約30年,實用面積630呎,實用率九成,有三房兩廳,仲連埋車位添,叫價只係320萬,實用呎價5,079蚊。屋苑附近有小巴同西鐵接駁巴士出元朗市中心。如果自己渣車出元朗市中心都係10分鐘車程,唔算隔涉。不過要留意番,銀行喺村屋按揭方面比較保守,對村屋估價未必估得足,而村屋按揭一般只可承造五至六成,所以首期都要拎四至五成出來,都唔係小數目啊。

火炭居屋穗禾苑 – 唔使補地價

可能你會話屯門同元朗都有啲遠,番工坐車來回兩、三個鐘頭真係好攰。咁都唔緊要,小編喺沙田區都仲搵到荀盤。屋苑係位於火炭半山嘅穗禾苑,係第一期嘅居屋,所以樓齡都有37年。屋苑當年設有嘅轉讓年期限制已過,毋須補地價,現時買賣係同私人樓宇一樣。睇番屋苑近月兩個中低層嘅兩房單位成交,實用面積411呎,實用率高達8成8,成交價都係分別344萬同378萬(實用呎價介乎8,389至9,197蚊)。屋苑雖然位處半山,但有小巴進出火炭港鐵站,車程約10分鐘,亦有巴士前往九龍塘同尖沙咀等地。

觀塘私樓麗裕大廈 – 市區之選

如果上述3個位於新界嘅荀盤都唔係你果杯茶,咁可能你要睇睇以下呢個位於觀塘市中心嘅上車盤。麗裕大廈,位於觀塘馬蹄徑,樓齡27年,行去牛頭角港鐵站唔洗5分鐘,行過觀塘市中心嘅大型商場都係10分鐘唔洗,大廈附近食肆林立,交通亦非常方便。要留意嘅係呢幢大廈單位面積比較細,適合二人世界多過一家大細。近月兩個實用面積299呎嘅單位(實用率7成7)都係400萬樓下成交,分別係345萬同372萬,實用呎價分別係11,538同12,441蚊。如果想住市區又唔介意空間細啲,呢幢大廈就啱晒你啦。

新居屋彩虹彩興苑 – 至抵新樓王

讀過經濟學都知道,人類總係貪得無厭嘅,就算你「筆直」得四百萬,你都會想住新樓,又想空間大少少,唔會煮飯、沖涼都轉唔到身。如果係咁,小編覺得你應該去抽吓居屋,當買個希望啦。新一期居屋推出彩虹彩興苑、梅窩銀河苑、梅窩銀蔚苑及少量其他貨尾單位,合共超過2,000伙,售價介乎139至385萬不等。

如果唔係退休人士,相信大部份申請者都會以彩興苑為目標,因為其餘兩個屋苑位於梅窩,交通唔係咁方便;反觀彩興苑距離彩虹港鐵站只係10分鐘路程,唔想行到身水身汗亦可選擇小巴接駁,可謂佔盡地利。彩興苑嘅單位實用面積介乎368至468呎,建議售價介乎248至385萬,平均實用呎價約為7739蚊。不過呢次居屋申請早喺4月12號經已截左止,如果冇入紙嘅朋友就要等下一期啦;入左紙嘅就可以留意黎緊6月22號嘅攪珠,中咗有得揀樓就皆大歡喜啦。

延伸閱讀︰【6月攪珠】 居屋抽籤 揀樓5大 Q&A 2017(不斷更新)

查詢按揭利率
經本網比較及轉介按揭,成功申請按揭額每HK$100萬送HK$500現金券,最高可享HK$6,000現金券
【推薦再賞】另外,成功推薦親友經本網申請按揭,每HK$100萬按揭貸款額可獲HK$100超市現金券! 詳情

5大上車盤大比拼

屯門豐景園 元朗大棠村屋 火炭穗禾苑  觀塘麗裕大廈

 彩虹彩興苑

實用呎價(約HK$)

11,504至12,783

5,079 8,389至9,197 11,538至12,441 7,739
樓齡(年) 27 30 37 27

(2018/19年落成)

交通 輕鐵及小巴接駁至屯門市中心約15分鐘 駕車至元朗市中心約10分鐘;港鐵接駁巴士至市中心約30分鐘 小巴接駁至火炭站約10分鐘 步行至牛頭角站約5分鐘 步行至彩虹站約10分鐘;小巴至彩虹站約5分鐘
購物及飲食 須前往附近翠寧花園商場或屯門市中心 須前往元朗市中心 屋苑設有商場及街市 步行往市中心大型商場約10分鐘 屋苑將有天橋連接附近彩雲商場及彩德商場

需要注意嘅係2016年11月,政府推出樓市「辣招」,要求非首次置業買家劃一需繳付15%印花稅,即係要買以上單位,分分鐘鐘要比50至60萬蚊稅,仲貴過首期。但如果係首次置業,根據稅務局資料,HK$3,290,330至HK$4,000,000嘅單位就只需比4.5%,即係14至18萬蚊稅。

印花稅、經紀佣金呢啲固定支出點都走唔甩,唯有響按揭方面慳返筆!前往MoneyHero.com.hk按揭比較平台,可以比較埋各大銀行的按揭貸款利息差別,或者直接睇睇匯豐HSBC東亞BEA中銀渣打建行交行等銀行嘅按揭計劃。

相關文章︰按揭想借足9成?你要知道何謂 按揭保險 !

相關文章︰申請 公屋 入息有幾嚴?一文睇晒公屋申請攻略!


想知道最新嘅理財貼士,就要留意 MoneyHero.com.hk Blog!同埋緊貼我哋嘅 Facebook Page