【旅遊上網必備】5大熱門歐洲SIM卡大比拼

「心情好，去旅行；心情唔好，都係去旅行！」外遊已成為香港人生活不可分割的事。講到外遊，日本、韓國可能大家都已經去到厭，反而小編最近發現多左朋友去歐洲玩，特別係北歐國家，例如冰島、瑞典及挪威等。去歐遊動輒十幾廿日，上網update Facebook同Instgram，搞搞形象工程、曬死其他番緊工嘅朋友仔，都係指定動作。問題嚟喇，咁上網應該用SIM卡定Wifi 蛋？

持續更新熱門國家開關或入境消息：大陸通關｜日本開關｜韓國開關

歐洲SIM卡比較

如果租用Wifi 蛋去歐洲，日租一般都要50、60蚊，似乎唔係咁化算，計落都係買番張SIM卡抵玩啲！Moneyhero.com.hk為大家搜羅5張可以喺歐洲通行嘅SIM卡進行比較，等大家可以就番自己嘅行程，揀番張啱用嘅SIM 卡。

溫馨提示：旅遊保險

離開香港前記得買旅遊保險，享受最全面保障！不想花時間就知邊份保障手機、自駕、取消行程、新冠及行李損壞？本網比較40+份旅遊保險，個人／家庭／全年旅保／長者都輕易買到。現時推出齊玩齊FUN聖誕連環賞 (第一彈)！購買Allianz安聯、Starr旅遊保險、Zurich蘇黎世等指定旅遊保險可享低至5折。

 

3 UK Pay As You Go︰網絡最穩定/適合長期往返歐洲公幹

香港都有嘅3品牌，相信大家都唔會陌生。3 UK推出嘅60國SIM卡覆蓋點橫跨歐洲、美洲、亞洲、澳洲等60個國家，提供最多12GB(英國)/ 9GB(其他國家)4G數據，其後3G數據無限，有效期長達30日。綜合網民評論，此卡於英國及歐洲其他國家的接收能力及網速均屬理想，以市價約HK$175至HK$340左右，以1個月有效期來說都算抵用。另外，此卡包括3000分鐘通話時間，於英國可致電當地電話，惟於其他國家只能致電英國固網電話，最合適長期往返歐洲工幹的朋友，方便同合作夥伴，保持密切溝通。

呢張SIM卡嘅缺點包括，並不支援數據共享，只能「自私用」，加上開通的方法較為複雜，須跟循指定程序致電開卡及設定APN(連接點名稱) 才可使用，以及網速亦會按地區由4G轉變為3G。另外，部分 HTC、小米和 Blackberry 系列手機並不支援此卡。

OneSIM︰ 覆蓋國家最多/去冷門地方必備

OneSIM 以覆蓋超過140個國家作為招徠，該卡利用美國電訊商T-Mobile 嘅漫遊方案，提供A餐(14日有效期)及B餐(30日有效期)，大家可按旅程長短選擇。14日及30日SIM卡官方價分別為HK$200起及HK$350起，當然去鴨記買會再平啲，14日SIM卡只係HK$200起左右。要留意嘅係，雖然呢張OneSIM 可以話係接近世界通行，兼且無限用量，但佢嘅網速唔太高，喺美國以外國家標準網速只係128Kbps，要喺美國先可以享有首1GB高速4G LTE網速，去歐遊的朋友就肯定打唔到機同睇片啦！但計劃去一啲冷門地區嘅朋友就可以考慮一下，至少可以用到WhatsApp同Google Map等基本功能。另一方面，呢張最勁之處係，係香港都用到，如果你去超過14日，但又少過30日，返到香港就可以用埋餘下嘅數據。

提提大家，OneSIM嘅激活方法較特別，用家須於出發前經WhatsApp或微信發送一張有OneSIM條碼嘅相去指定號碼，該號碼會有訊息回覆確認，該卡將會喺6個鐘內啟動。

Sim2Fly ︰新興5大洲通用卡/適合短途遊歐洲

，

呢張由泰國電訊商AIS 推出嘅Sim2Fly Card，覆蓋面橫跨5大洲上65個國家，有效期15日。睇落呢張Card 同頭先講過嘅OneSim 好似分別不大，都係勝在覆蓋夠廣，但要留意番呢張Sim2Fly首4GB 數據都係4G LTE上網，達到3GB用量後仍可以128Kbps速度無限上網，依方面一定比OneSim優勢。如果你計劃要遊覽幾個大路嘅國家，不妨諗諗呢張Card，鴨記賣緊大約HK$200，另亦有唔少網店有售，不過價錢會貴幾十蚊。

最方便係呢張SIM卡喺大部分手機上都即插即用得，唔洗額外設定，而且網民大致表示呢張SIM卡於歐洲大部分時間都接收到4G LTE網絡，速度可靠。購買呢張卡仲有一樣野要留意，就係呢張SIM卡嘅包裝係橙綠雙色嘅，千祈唔好買錯橙藍雙色嘅版本，因為後者係東南亞嘅8日版本，並唔支援歐洲地區架！

WeChat go 樂遊卡︰HK$100有交易

呢張SIM卡可以話係最抵買，市價約100至130蚊不等，有效期15日，鴨記及淘寶網均有售。呢張WeChat go 樂遊卡係WeChat 同荷蘭電訊商KPN 合作嘅作品，首1GB 係4G高速上網，其後無限3G上網。如果你係WeChat用

家，額外送多500MB 4G數據俾你，即有1.5GB 4G數據。這張SIM卡另包30分鐘歐洲語音通話時間，覆蓋面達32個歐洲國家。綜合網民評價，呢張SIM卡接收能力不俗，網速合理，對得住佢嘅價錢有突。

CUniq UK︰GB數選擇多 彈性較大

呢張卡最的優點係可以選擇不同的GB數計劃，彈性相對較大，只要30日內用完就唔怕浪費，而且仲支援通話，萬一數據唔夠，都仲可以電話搵到旅伴，唔洗驚走失。不過呢張卡都有啲殘，當數據達到指定流量後，就會即刻cut，而且唔支援增值服務，萬一旅程途中，唔小心用多咗，即刻咩都無得用，真係頭都痛埋。另外，呢張卡並會明確列明能否分

享數據，所以有機會係「自私用」卡，加上此卡的覆蓋地點係37個，相比其他sim卡嚟講，唔算好突出。

鴨記買SIM卡有價講

最後俾個小Tips 大家，各位去鴨記買海外數據Sim Card時，如果係諗住幫親戚朋友買埋，咁就記得要同店主講價。憑小編個人經驗，如果一買買幾張Card的話，唔少店主都會肯俾個Special Price 你。減得多就唔會架啦，不過每張平5蚊小編都試過，慳埋慳埋去隔離督串魚蛋都好。嫌減得少，想店主再大方啲？咁就要睇你牙力啦！

上網預訂SIM卡，記得用返張網購回贈高的信用卡：【網上購物必備】最高回贈網購信用卡

去旅行梗係要帶張海外簽賬必備信用卡，邊簽賬邊賺回贈，話咁快又可以再飛！

外幣簽賬信用卡之選

即上我們的比較平台，比較市面上最佳外幣簽賬必備信用卡：

經本網成功申請指定信用卡仲可以獲得額外獎賞現金券，詳情請按此。

相關文章︰旅遊上網必備：日本 Sim Card 實測比較 

相關文章︰【旅遊上網必備】韓國10大熱門SIM卡大比拼

相關文章︰旅遊上網必備：全港最平 Wifi 蛋租借攻略