日本旅遊 購物必備信用卡

|Posted by | 信用卡, 信用卡優惠, 全部文章, 品味生活
Tags: , , , , , ,

日本旅遊櫻花季節就到,相信唔少人都計劃緊去 日本旅遊 賞櫻。加上而家日元貶值,免稅門檻又下調,冇理由唔順便去血拼一番嘅!如果你正打算去日本玩,就要記得要帶番張銀聯卡傍身喇!點解?因為銀聯卡嘅外幣匯率一般比其他信用卡平,而且無論用外幣定人民幣簽賬都唔使俾手續費,真係慳唔少(其他信用卡通常會收取2%左右嘅外幣簽賬手續費)!最重要嘅係,而家銀聯卡同日本好多大型商戶合作,只要用銀聯卡(卡號以62開頭)簽賬就有折扣、禮品等豐富優惠!以下就精選咗其中一啲商戶介紹俾大家!

1)「澀谷好店約”惠”銀聯」

最近銀聯推出咗「澀谷好店約”惠”銀聯」計劃,只要喺東京澀谷、二子玉川、自由之丘同橫濱地區嘅指定商戶用銀聯卡簽賬,就會得到特別優惠!譬如去Sogo橫濱店、西武百貨澀谷店簽賬滿指定金額就會獲禮品一份!去東急百貨店出示銀聯卡除咗有禮品外,消費滿指定金額仲有95折優惠卷添!

追求時尚嘅朋友可以去鞋類專賣店ASBee、男士服飾精店或者New Balance等睇睇,逢買嘢即減價5%!呢個優惠去到2016年4月30日就會完,諗住呢幾個月去 日本旅遊 嘅朋友萬勿錯過!想知詳情就要瀏覽下官網喇!

諗住遲啲至出發?唔緊要!銀聯卡仲推出咗一啲今年全年適用嘅優惠,只要喺東京、大阪、札幌同博多等地區的指定商戶用銀聯卡簽賬都會有95折優惠,例如:

2)超值電器聖地:Bic Camera、上新電器

Bic Camera同上新電器都係日本著名嘅電器連鎖店,多種家庭電器同電子產品一應俱全。而家去呢兩間商戶嘅指定分店買嘢用銀聯卡簽賬,即有5%折扣!不過上新電器會要求顧客出示護照,而Bic Camera有部分商品不適用此優惠,例如勞力士、蘋果系列商品同酒類等,準備去血拼嘅朋友要留意。

3)生活品味首選:Tokyu Hands、近鐵百貨、阪急百貨、阪神百貨

Tokyu Hands東急手創店售賣多款旅行用品、文具、特色雜貨同DIY工具同材料,而近鐵百貨、阪急百貨同阪神百貨都係日本著名嘅大型購物中心,各類高質貨品應有盡有,講究生活品味嘅朋友必定要去一趟!而家喺Tokyu Hands、近鐵百貨、阪急百貨同阪神百貨嘅指定分店購物,用銀聯卡簽賬就有95折優惠!

4)時尚聚集地:丸井(OIOI)及三陽商會旗下指定品牌店

日本時裝設計新穎,質素又高,當然要掃下當地嘅時裝啦!而家去時尚購物中心丸井(OIOI)同埋三陽商會旗下指定品牌店(如Loveless / Guild Prime同Paul Stuart)買嘢,出示銀聯卡即減價5%!

5)銀聯白金 / 鑽石卡尊享優惠

除咗以上優惠外,銀聯白金 / 鑽石卡卡主仲可享額外禮遇,例如去二手名牌專賣店Brand Off柏歐福指定分店購物,即有9折優惠。嗰度有多款名牌手袋、首飾同珠寶,啱晒愛扮靚嘅女士!而去大型鑽石專門店Kaoki買指定商品,仲有5折優惠添!參加呢個計劃嘅商戶有成過百間,不能盡錄,有興趣嘅朋友可以睇番官網了解詳情。(優惠期限:2016年3月31日)

(溫馨提示:去 日本旅遊 ,記住都要買番份旅遊保險,以策萬全!即上我哋比較平台,揀番份最適合你嘅!)

優惠數之不盡

其實喺日本用銀聯卡嘅優惠又點只咁少吖!而家去Adidas同Reebok嘅系列品牌指定商鋪,仲有成田機場JAL Duty Free免稅店都同樣有95折優惠(優惠期限分別至2016年5月8日同5月31日)!

除咗Shopping之外,用銀聯卡Book酒店或者去指定食店都有折扣!不過,唔係間間分店都有優惠,想知更多詳情,就要留意番官網喇!

講咗咁耐,究竟用邊張銀聯卡好呢?小編就推介渣打嘅銀聯雙幣白金信用卡!用佢喺海外以外幣簽賬即賺2倍「360°全面賞」積分,加埋上述嘅白金卡尊享優惠真係慳唔少!呢張卡嘅迎新禮物有20″限量別注版摺車、德國寶18合1變頻萬用養生鍋、10張戲飛等等,無論你揀邊樣,渣打都會再額外送你$100惠康禮券。仲有,而家經我哋申請呢張卡,除咗有渣打本身送出嘅迎新禮品之外,我哋仲會額外送你$200惠康 / UA禮劵添!大家只要喺申請之後,將你嘅申請參考編號連同郵寄地址Email俾我哋(coupon@moneyhero.com.hk),就可以得到呢個額外優惠喇!咁著數,真係毋須猶豫,一於立即申請

——

延伸閱讀:搶平機票!日本韓國-廉航-攻略2016年(春季版)

延伸閱讀:旅遊住宿慳錢必讀!8個-airbnb-慳錢貼士

想知道最新嘅理財貼士,就要留意MoneyHero.com.hk Blog,同埋緊貼我哋嘅Facebook Page