【 唱錢 冷知識】找換店没有告訴你的3大要點 換外幣冇難度!

|Posted by | 全部文章, 品味生活
Tags: , , , , , ,

【 唱錢 冷知識】找換店没有告訴你的3大要點 換外幣冇難度


香港人去旅行當食生菜,酒店、機票、租車同local tour都可以在網上搞掂唔駛煩。但唱錢就相對複雜,一方面匯價「又買又賣」唔係咁易睇得明;二來匯價的透明度相對低,所以愈來愈多人去到海外先用當地提款機拎錢,甚至主力「碌卡」儲分。不過,海外提款同簽卡通常都唔會即刻有rate睇,就算之後對返月結單,都未必識得判斷係唔係真係比找換店或銀行兌換平。所以我哋就同大家分享吓唱錢心得,等大家做個精明嘅消費者。

 

唱錢有時都幾麻煩,行埋找換店櫃檯前,逼住要睇「買入賣出」價,腦海即刻出現「黑人問號圖」,唔識睇又點知,邊度嗰rate「靚仔」啲? 隨時又會誤中盲點,唔小心又會貴咗啲,唔止荷包有損失,個心好似穿咗個窿咁!  然而對於唱錢嚟講,小編向來都有啲小撇步,睇完呢篇教學,下次唱錢試吓計條數,睇吓點消費先係最抵囉!

找換店永遠貴過Google匯價?

去旅行唱錢,唔少人出發前都會問下Google 大神先,睇下當地貨幣兌幾多。以4月24日為例,Google顯示︰1日圓兌0.0721港元,港人習慣以「每百日圓」為單位,得出的7.21港元就係我哋經常講的「7算」。咁點解之前日圓升穿「7算」,一眾視日本為鄉下嘅朋友都牙痛咁聲呢?!大家諗下「7個幾」港紙先兌到100日圓,定係「6個幾」就兌到100日圓抵啲?明晒啦!回歸正題,我當日﹙4月24日﹚上埋老牌找換店「百年」查下,發現日圓賣出價為0.07235;外匯比較平台YBEX就顯示,個別找換店開價0.0723,都唔見有Google睇咁低。

其實,外幣交易係一個Over-the-counter Market(場外交易市場) ,冇一個中央地方作為交易市場,要得出匯價,就要睇唔同交易商願意出幾多錢「買入(Bid)」同「賣出 (Ask)」貨幣。好多時我哋喺網上睇到的都係「中間價」,即買入和賣出價的平均值,同交易商願意成交的價格會有些微差距,所以Google大神的匯價頂多用作參考。

匯率比較
 

溫馨提示:旅遊保險

經MoneyHero.com.hk購買指定旅遊保險可享7折優惠

買完機票即刻買埋旅遊保險,咁先享受到最全面嘅保障!MoneyHero.com.hk提供一站式旅遊保險比較平台,只需3分鐘就可幫你比較同立即購買旅遊保險,保單馬上生效,現時經我哋買指定旅遊保險仲有低至7折優惠添!

咪以為邊度買旅遊保險都一樣,淨係保障範圍已經大有不同,等我哋幫你分析經ATM買、買機票時Click個掣買、直接上旅保公司的官網買等唔同途徑有咩分別:比較香港10大買旅遊保途徑優劣

經MoneyHero.com.hk購買指定旅遊保險可享7折優惠

 

認清基礎貨幣好重要

從上面個例子可以見到,外幣交易商只會「低買高賣」,永冇蝕俾你。等等先,咁點解第一行「人民幣」的買入賣出價,好似「高買低賣」,唔通真係咁大隻蛤乸隨街跳?

相信細心的讀者都留意到,其他外幣匯價係以「外幣」為單位,即1美元相當於「7個幾」港元;每英鎊就兌「10個幾」港紙。唯獨人民幣匯價係以「港元」做單位,即每100蚊,大約係80元人民幣多少少。若轉返以人民幣做基礎貨幣,兌港元的買入同賣出價應分別為「1.一行「人民幣」的買入賣出價,好似「高買低賣」,唔通真係咁大隻蛤乸隨街跳?

相信細心的讀者都留意到,其他外幣匯價係以「外幣」為單位,即1美元相當於「7個幾」港元;每英鎊就兌「10個幾」港紙。唯獨人民幣匯價係以「港元」做單位,即每100蚊,大約係80元人民幣多少少。若轉返以人民幣做基礎貨幣,兌港元的買入同賣出價應分別為「1.2315/1.2376」,同樣係「低買高賣」。

小編估計呢嗰display方式同港人習慣有關。十幾廿年前港元值錢過人民幣,大家傾向以「每百港元」做單位,得出「一百一十幾」人民幣,相當形象化。但隨住人民幣逐步走強,喺2007年兌港元去到「平價」,即係「一比一」,就冇咗「北上購物打8折」呢支歌仔唱,但圖表上嘅排價方式,亦一直沿用至今。

所以大家唱錢時都要留意返基礎貨幣,唔好誤中唱錢嘅盲點,咁就夠晒精明啦!

按此查看最新匯價 www.ybex.io
作者簡介:徒弟仔
一個講唔上專業,但最愛睇外匯的旅人
———

延伸閱讀:比較9間銀行 外幣簽賬手續費及匯率!

相關文章:【旅遊保險】邊間賠償 手提電話、平板及手提電腦?

相關文章:比較香港7大買旅遊保險途徑

想了解更多不同信用卡的優惠?即刻上我哋嘅比較平台。

想知道最新嘅理財貼士,就要留意 MoneyHero Blog,同埋緊貼我哋嘅 Facebook Page