尖沙咀/觀塘/沙田找換店邊間好？評點香港隱世外幣找換店 !

香港唱錢，個個識途老馬都自動波去出名嘅找換店。出名就自然人多啦，值唔值得為咗慳幾十蚊「排餐矇」。呢啲出名嘅找換店係咪真係日日都最抵、係咪每種兌換率都咁抵呢？講多無謂，今次就同大家拆解尖沙咀/觀塘/沙田找換店邊間好？評點香港隱世外幣找換店 ! 為日本及韓國開關做好準備！

持續更新各地開關消息：中港通關︱日本開關｜韓國開關︱泰國開關

去旅行準備：特區護照︱唱銀彈︱執喼清單

旅遊保險篇：新冠肺炎︱取消行程︱長者旅保︱9大買旅保途徑︱手機手提電腦

信用卡攻略：入Lounge︱儲里數︱海外簽賬信用卡

旅遊保險*	保障特色	💰MoneyHero優惠
Allianz安聯	⭐保費平 ✅適合成人一族 ✅新冠、行程阻礙及手機保障俱備	【⚡獨家6折】HK$142.18 (官網:HK$236.97) 經本網投保尊享「蘇黎世人壽HK$10萬免費定期人壽保障」
bolttech（前稱富衛保險有限公司）	⭐行李延誤賠償高 ✅家庭計劃不限子女數目 ✅無需自負額、10天免費延長	【💰獨家8折】HK$208.26  (官網:HK$260.26)
Zurich蘇黎世	⭐自駕遊、手機及手提電腦保障高 ✅長者無年齡上限、每位成人均可免費携同1名隨行兒童 ✅取消行程保障相對高，10天免費延長	【💰85折】HK$334.05  (官網:HK$393) 即日至10月31日下午6時止，輸入推廣編碼MHSINGLE15，享85折優惠
AXA安盛	⭐旅程阻礙保障高 ✅長者無年齡上限、兒童免費 ✅新冠保障足夠，10天免費延長	【💰85折】HK$221.22  (官網:HK$260.26)
Dah Sing大新	⭐相機賠償額高 ✅適合成人一族、家庭計劃所有子女免費 ✅新冠、行程阻礙俱備、14天免費延長	【💰7折】HK$177.8   (官網:HK$254) 即日起輸入MH202307
*以最高級別計劃，5天日／台／泰保費為例

 

其他旅遊保險計劃分析：安盛AXA旅遊保險︱Zurich旅遊保險︱Starr旅遊保險｜Allianz旅遊保險︱bolttech（前稱富衛保險）旅遊保險｜Allied World旅遊保險｜藍十字旅遊保險｜AIG旅遊保險︱豐隆旅遊保險

貨源決定價格

「開價」高與低，除咗視乎當日匯價，好大程度睇「供求」。做找換喺講人脈嘅行業，識得貨量充足嘅「外幣供應商」，例如一啲找換店有海外業務、佢哋有會將外幣帶返香港嘅partner，有機會用較平嘅價錢拎到外幣。成本低，轉售出去都可以賣平啲！所以市面上有啲找換店整體開價唔算吸引，但特別就有一、兩隻貨幣平過人！另外貨源都可以「自己搵上門」，例如某啲外幣兌換公司喺全港有好幾間分店、就靠「匯款（Remittance）」生意發達，都意味住佢哋容易收到大量外幣，供貨唔會短缺，供多於求，兌換價自然低。

找換店地點影響價格

由此可見，外幣供應影響兌換價格，找換店的外幣存貨愈多，「賣出」自然會低，所以找換店愈多街客向佢哋「賣出」外幣，兌返做港紙，都會影響「賣出價」！呢樣就同地理位置有密切關係。位處旺區、地鋪，容易有街客路經嘅找換店，會增加找換店收到外幣嘅機會，外幣貨量充足都有機會驅使佢哋賣平啲，以免囤貨。當然，個別地區因為找換店唔多，競爭較小，需求相對低。好似屯門同天水圍區，大部分找換店都沒有日圓現貨供應；若果附近地區有找換店肯賣日圓，變相做獨市生意，食水自然深啲，所以有啲找換店更唔提供某啲外幣，避免無人買而囤貨。

供應多平，需求大貴

找換店嘅經營成本都會影響「賣出價」，好似樓上舖，一方面租金平啲，二來因為鋪頭無咁顯眼，都可能令佢哋開靚價積極搶客；相反，地點「就腳」嘅找換店，就會多街客同遊客經過，正宗「唔憂做」，賣貴啲都有人幫襯！咦？咁咪同上面講因為唔想囤貨而平賣自相矛盾？呢個正正突顯到「供求」嘅力量：供應多時賣平啲，需求大時賣貴啲。

所以話，找換店開價有時都幾海鮮價，一日內轉N次價都有時發生。下次唱錢記得價格，搵定啱你嘅找換店呀！文末介紹多幾間相對無咁多人識嘅找換店，係咪最抵唔敢講，但揀到間就腳、唔駛排隊又差唔多價錢嘅都值啦！

找換店匯款小心風險

找換店除了提供兌換外幣服務外，有些會聲稱有即日匯款服務，但大家要小心箇中風險！過往都有新聞報導，找換店因處理的資金涉嫌洗黑錢，導致賬戶遭凍結，未能向客戶償還而要結業。因此，如果大家真的需要匯款，建議使用銀行匯款服務，以確保安全。

溫馨提示：旅遊保險

離開香港前記得買旅遊保險，享受最全面保障！不想花時間比較邊份有手機、自駕、取消行程、新冠及行李損壞保障？本網幫大家比較40+份旅遊保險，個人／家庭／全年旅保／長者都輕易買到！整個購買過程只需5分鐘，保單即時生效！指定旅遊保險不單低至6折！

隱世找換店一覽

多福找換匯款中心

如門市找換店有現貨外幣，客人可即時收取，但若找換店沒有現貨，便須於當天2pm前付訂金，並於當天6pm後取貨。兌換任何貨幣不設手續費，也沒有最低的兌換額。

營業時間︰

• 星期一至五，9:30am - 6:30pm
• 星期六、日及公眾假期休息

地址︰觀塘巧明街106號冠力工業大廈地下2號鋪／尖沙咀廣東道33號中港城2樓10號舖／九龍灣常悅道19號福康工業大廈地下1A舖／九龍荔枝角青山道676號W668地下6號舖

電話︰ 2327 9731 或 2242 3323 或 2522 0220 或 3996 8703

WhatsApp：6998 3113

按此查看最新匯率

飛鳥找換店

飛鳥找換店除了全部貨幣兌換時都免佣金同免手續費舖頭，亦新增支付寶嘅充值服務，而仲有電話卡賣。大家想喺佢哋度唱錢，可以先WhatApps佢哋報價及預留外幣。

營業時間︰

• 星期一至五，12:00nn - 8:00pm
• 星期六，12:00nn - 4:00pm
• 星期日及公眾假期休息

地址︰油麻地彌敦道530號現時點1樓106-107號舖

WhatsApp︰6994 3386

按此查看最新匯率

永恆找換店

永恆找換店亦算喺找換店的老字號，位於尖沙咀，地點都幾方便，但佢最出色的地方喺一啲冷門嘅外幣都可以兌換到，大家可以上去佢地官網發掘下，加上手續費喺全免嘅，計起上嚟都幾吸引，大家可以格下價先呀！

營業時間︰

• 星期一至五，10:00am - 5:30pm
• 星期六、日及公眾假期休息

地址︰九龍尖沙咀漢口道17號新聲大廈5樓8室

電話︰2376 0698

按此查看最新匯率

小女孩找換店

可透過Whatspp 或Wechat 找換店即日預訂外幣，不收手續費兌換及不設兌換最低額。

地址︰上環德輔道中156號通用商業大廈地下地舖（7-11旁）

營業時間︰

• 星期一至五，10:00am - 7:00pm
• 星期六、日，10:00am - 4:00pm
• 公眾假期休息

電話︰ 2915 4812

WhatsApp︰6715 9995

地址︰上環德輔道中東協商業大廈601室（暫停營業）

電話︰ 2915 4668

按此查看最新匯率

金寶人民幣及外幣找換特快電匯店

推介原因喺地點夠正，旺角已經有2間分店，九龍灣同葵涌都有。

地址：

• 旺角砵蘭街163-173號好旺角購物中心G32號地舖
• 旺角彌敦道660號地舖
• 九龍灣偉業街33號德福花園德福廣場P42號舖
• 葵涌葵富路7-11號葵涌廣場購物中心地下A68舖

金寶網頁

牛記找換有限公司

在網上預訂外幣後，客人不需要在找換店排隊。牛記找換店安排獨立專櫃處理，客人只需報上交易編號，便可取得外幣。

營業時間︰

• 星期一至五，9:00am - 5:30pm（公眾假期除外）
• 星期六、日及公眾假期休息

地址︰香港上環急庇利街1號長達大廈地下

電話︰ 2544 1851

WhatsApp︰6933 2498

按此查看最新匯率

福安找換店

最後介紹嘅福安位於沙田，算得上喺老字號，亦勝在星期一至日及公眾假期都開門，住北區朋友嘅一個好選擇。

營業時間︰

• 星期一至五，9:00am - 7:00pm
• 星期六、日及公眾假期休息，9:30am - 5:00pm

地址：沙田廣場3樓36號舖

電話︰ 3188 8149

按此查看匯價

———

延伸閱讀：比較9間銀行 外幣簽賬手續費及匯率

相關文章：【旅遊保險】邊間賠償手提電話、平板及手提電腦？

相關文章：比較香港7大買旅遊保險途徑

想了解更多不同旅遊保險的優惠？即刻上我哋嘅比較平台。

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！