【2025 家居寬頻】光纖入屋價錢比較＋最抵上網方案

好多朋友對唔同寬頻公司都有啲既定印象，好似覺得 Netvigator 網上行夠快但係最貴、香港寬頻就算係性價比唔錯、有線寬頻就……不過其實用呢啲印象去揀未必準，最實際都係睇清楚佢哋嘅收費同服務。

今次我哋就幫大家整理咗幾間主要供應商嘅價錢，包括新用戶、1000M 光纖入屋，加上簽 12／24／30／36 個月嘅月費計劃，等你一次過可以比較清楚。記住，以下資料只供參考，最終收費同優惠都要以供應商公布為準。

（小提示：表格可以左右滑動睇埋更多詳情）

延伸閱讀：Citi Cash Back Card點用？迎新至現金回贈方法分析

延伸閱讀：【MoneyHero實測】Citibank信用卡申請流程

延伸閱讀：【信用卡繳費】交水電煤費 都儲到飛行里數？

講完價錢，不如又講下一啲申請寬頻要注意嘅小知識。我諗大家都試過，覺得俾寬頻公司呃咗咁：明明話係100M，做乜到要上下載嘢嘅時候，每秒又係得個一千幾百K？等我哋首先幫你搞清楚幾個寬頻上網觀念先啦：

H3: 1）乜嘢係光纖上網？

過去我哋嘅寬頻上網，係使用銅線作為傳送資料嘅媒介，傳輸率相對比較低。而近年我哋開始多用咗傳輸率較高嘅光纖上網。光纖其實係由玻璃同塑料製成，成本平得嚟功率又高，最高速理論上可達10G或以上，所以光纖就開始取代咗銅線，成為主要嘅上網連網技術喇。目前市面有提供的光纖上網，速度慢至1M，快至10G都有，當然價錢會有所不同。

H3: 2）街站申請同網上申請，價錢都唔同？

網上申請上網服務，當然比較方便，但其實部份嘅寬頻服務，你係街站申請，價錢都會比較平，根據消委會最新嘅調查，網上行、香港寬頻、有線寬頻及3，於街站申請都有機會較平，但實際情況就要睇你係住咩地區喇。

H3: 3）公屋同私樓唔同價錢？

對，同一服務，同一公司，公屋同私樓用戶價錢都不同。除咗公、私樓嘅分別，不同區份亦會有不同的優惠價。此外，部分村屋最近亦開始有光纖入屋服務，但好多時都要俾較高嘅價錢，甚至要俾額外嘅安裝費。

H3: 4）光纖入屋定入機房？

另外一個影響網速嘅就係光纖到底係入屋定只係到機房喇。如果係FTTB（Fiber-to-the-Building），即係話光纖只係到你座大廈嘅機房，而由機房到你個住宅單位只係用銅線，代表你要同全大廈用同一寬頻公司嘅人Share速度，速度上非常冇保障。而FTTH（Fiber-to-the-Home）就即係光纖直接入到你所在嘅住宅單位，確保咗你嘅上網速度。

H3: 5）上載同下載速度其實不同

當你申請寬頻時，Sales其實係話你聽兩個速度，下載速度一般比上載快，例如當佢話「500M/100M」嘅時候，就代表下載速度係500M，上載速度就係100M。

H3: 6）你的電腦會影響上網速度

你所用的電腦設備，包括數據器同Router亦會對速度有影響。有啲寬頻公司提供速度保證計劃嘅時候，都有限制你電腦嘅規格。

H3: 7）點先係真正速度？

好喇，重點係，其實就算係500M下載，唔代表你可以1秒內下載500MB嘅檔案，因為佢哋用嘅單位係不同的！寬頻公司口中嘅500M，其實係指網速，而佢哋用嘅單位係bit（位元），而唔係Byte（位元組）。8 bit先等於1 Byte，而我哋平時嘅電腦檔案大小，係用Byte做單位。所以對電腦嚟講，理論上，你要將網速（例如500M）除以8，先係真正速度。

咁你就將500M除以8=62.5M，係唔係就係每秒最高嘅下載速度？又唔係喎，因為係高速傳輸中，傳送1 Byte，就需要傳10 bit，其中2 bit用來做檢查碼。

好複雜？簡單啲講，將寬頻公司聲稱嘅速度除以10，就大約係你電腦最快嘅下載速度。例如佢話有500M下載速度，咁你每秒可下載嘅檔案，最大就有約50MB。咁算唔算快呢？其實都係睇你點用法啦。