申請私人貸款9步曲

• 屋企裝修

• 進修

• 汽車維修保養

• 旅行

• 商業需要

• 債務重組

• 債務重整

• 還卡數

• 大筆消費

• 其他支出

第一步：決定貸款類型

私人貸款比較適合一般嘅用途。如果你需要一筆錢係有特別需要，例如做按揭或者債務重組，建議你可以考慮特定嘅銀行貸款。

第二步：選擇私人貸款

第二步，係開始睇下邊間銀行或者財務公司有提供啱你嘅私人貸款。記住，要小心選擇信譽良好同埋利息唔會太高嘅借貸機構。當然，如果你有時間，比較晒香港唔同銀行提供嘅計劃就最好啦。

第三步：聯絡貸款機構

嚟到呢一步，你應該已經揀好咗最少兩間銀行。跟住就可以開始聯絡佢哋，問下申請嘅詳情。記得要盡量喺兩個星期之內，問晒所有目標銀行。因為就算查詢，都影響你嘅信貸評分㗎！

第四步：準備相關文件

銀行好多時會要求你提交一啲基本文件，例如：身份證明文件（身份證、護照、車牌等）、收入證明文件、受僱證明、出世紙、國籍/公民身份證明等。

第五步：等待批核

等待往往係最漫長。借貸機構為咗確認你有能力準時還錢，會查下你嘅收入、信貸記錄、宜家有冇爭人錢等等……先會批核你嘅申請。

第六步：獲取貸款報價

恭喜你！如果你受到銀行批核通知信，即係已經批出咗貸款，而封信會詳細列明貸款嘅條款。借咗你需要嘅金額之後，就要開始每月還錢。每月還款會因為你嘅借貸額、利息同埋還款期，而有所不同。

第七步：簽署貸款協議並獲得貸款

喺你簽名之前，要確認你已經清楚借貸要承擔嘅責任。所以如果有咩唔清楚。就要問真借貸機構。如果你滿意報價嘅話，就可以喺通知信度簽名，表示接納報價。

第八步：提取貸款

提供貸款，又叫支取貸款。通常啲錢會直接存入你申請表度寫嘅戶口。喺特殊情況下，有啲借貸機構到會用支票比錢。

第九步：首次還款

你可以選擇喺戶口直接扣除每個月嘅還款額，又或者用期票、網上銀行、櫃位服務等等……借貸機構認可嘅方法還錢。但謹記，一定要準時還錢呀！