全球十大皇宮-氣派之旅

MoneyHero

MoneyHero

最後更新於 05 June, 2015

post_全球十大皇宮氣派之旅_blog

仲記得上個月,英國皇室又添咗一位公主bb,簡直瘋魔全球嘅皇室粉絲啊!知道好多朋友對世界各地嘅皇族文化都有一份鍾愛,大概係幻想下王子公主點嘅生活,好奇一切都好似童話故事一樣美好。先恕小編唔係灰姑娘嘅Fairy Godmother,幫唔到大家成為佢吔尊貴嘅一員。不過,都可以盡啲綿力,剛剛見美國嘅CNN無幾耐前,選咗全球十大皇宮。所以,都想同你地介紹下呢啲宮殿,主要分布係歐亞地區。等大家去旅遊個陣,能夠貼近下皇室五星級的家止住渴先!

1)北京紫禁城 (Forbidden City)

紫禁城,另稱故宮,係中國明、清兩個朝代,一共24個皇帝嘅宮殿。建築宏偉,布局嚴整,富麗華貴,收藏唔少稀世文物。嗰度有個故宮博物院,開放時間係8:30am至4:10pm,票價60元人民幣一位。

2)法國巴黎羅浮宮(Musee du Louvre)

羅浮宮建於12世紀末(1190年),原是法國嘅一所監獄。後來因地理優越,成為了幾位法國國王如查理五世嘅居所。重建後經歷整修擴建,散發著哥德式同文藝復興時期嘅風格。個度有個羅浮宮博物館,開放時間係每日9:00am至6:00pm (每星期三、五晚開放至9:45pm),星期二全日閉館。套票票價係16歐羅一位。

3)泰國曼谷大皇宮(Grand Palace)

大皇宮建於18世紀,曾是暹羅王國的宮殿,是泰國皇室的標誌。建築物有泰式傳統殿頂,金碧輝煌。大皇宮嘅開放時間: 每日8:30am至4:30pm,午間不休,3:30pm後停止進入,有皇室儀式嘅話會閉館。門票費為500銖。特別要留意衣飾,需要莊重,避免過於暴露。

4)法國凡爾賽宮(Palace of Versailles)

凡爾賽宮位於巴黎的西南郊外地區,係法國17至18世紀嘅王宮,擁有巴洛克風格的大理石建築。凡爾賽宮嘅開放時間為周二至周日,9 :00am 至6:30pm 。入場票價係15歐羅起一位。

5) 土耳其托普卡匹宮(Topkapi Palace)

托普卡匹宮位於伊斯坦堡,係15至19世紀嘅奧斯曼帝國蘇丹的官邸,保留了穆罕默德二世嘅主要設計。托普卡匹宮博物館嘅開放時間每日 9:00am至6:45pm;星期二閉館。入場票價每位係30TL(土耳其貨幣 – 裡拉)。

6)俄羅斯冬宮(The Winter Palace)

冬宮一向係羅曼諾夫王朝時代,俄國沙皇的宮殿,具有俄羅斯巴洛克建築的特色。冬宮博物館嘅開放時間係每日10:30am至6:00pm;星期一閉館。入場票價係300RUB(俄羅斯盧布)起。

7)英國倫敦塔(Tower of London)

倫敦塔係英國王室的宮殿之一,最後一位住呢度嘅統治者係詹姆士一世。塔裡一直養住渡鴉,係英格蘭的吉祥動物。附近留底左古時羅馬人嘅要塞城牆。倫敦塔嘅開放時間係每日嘅9:00am至5:30pm。入場票價為24.5歐羅。

8)奧地利美泉宮(Schonbrunn Palace)

美泉宮位於維亞納西南部。傳說羅馬帝國嘅皇帝,飲用過該處嘅泉水,覺得十分清爽可口。呢個宮殿具有巴洛克風格,一共有1,441間房,其中45間對外供公眾參觀。美泉宮嘅開放時間係每日8:30am至5:30pm。入場票價係大概13歐羅起。

9)西班牙阿爾罕布拉宮(Alhambray Generalife)

阿爾罕布拉宮位於西班牙南部,係格拉納達摩爾王朝時期興建,具有穆斯林建築風格,體驗建築同埋造園技藝嘅結合。阿爾罕布拉宮嘅開放時間係每日8:30am至8:00pm以及10:00pm至11:30pm。入場票價係14歐羅。

10)日本沖繩首裡城(ShuriCastle)

首裡城位於沖繩南部,15世紀起至19世紀嘅時候,係當時琉球國嘅城堡,仲係經濟同政治中心。該城具有閩南地區建築風格,而且有濃厚嘅宗教意味。首裡城嘅開放時間係8:00am至8:00pm。入場票價係820日圓。

好老實,小編對於呢啲好似遙不可及嘅皇宮,其實都有啲心動架。大家快啲一齊plan下幾時去朝聖,感受下宮廷氣派,當發場美夢都好吖!出發前,買份旅遊保險,買個心安,有時間可以考慮下MSIGACEFWD同豐隆保險!

——

即上MoneyHero.com.hk,瀏覽更多金融產品(例如按揭醫療保險旅遊保險信用卡私人貸款)有關既資料!想知多啲慳錢貼士同理財建議,就要留意MoneyHero blog,同埋緊貼MoneyHero facebook page!