Subscription Modal Banner
Weekly newsletter subscription
Get MoneyHero’s top tips and deals, plus an exclusive free guide to investing, sent straight to your inbox.

I agree to the terms and conditions and agree to receive relevant marketing content according to the privacy policy.

Success Tick Icon
Congratulations on successfully joining MoneyHero Newsletter

巨無霸幾錢?八大平價旅遊國家推薦!

MoneyHero

MoneyHero

最後更新於 30 March, 2015

巨無霸幾錢?八大窮遊國家推薦!_blog八大窮遊國家巨無霸價錢

各位窮遊一族,去台灣、東南亞去到悶,打算開發新國家又怕開支太貴?平價旅遊最大嘅開支,除左機票、住宿,就係飲食,《經濟學人》嘅Big Mac Index用麥當勞巨無霸價錢,比較各地物價,我哋就挑選出八個各有特色嘅窮遊理想國,等你知道各地物價同特色!

(資料來源:《經濟學人》Big Mac Index統計,幣值為港幣約數)

好平,但無牛嘅印度Big Mac 

巨無霸單價:$14.64

印度經常成為《經濟學人》Big Mac Index嘅全球最平國家,但當中有一個關鍵,就係印度Big Mac無牛肉,而係用雞肉或羊肉代替。

會出現無牛嘅巨無霸,全因印度有將近十億人信奉印度教,而在印度教中,牛係聖獸,印度人亦多喝黃牛奶長大,所謂血濃於水,大概就係咁意思。

所以去到印度,大家可以去品嘗一下全球唯一無牛肉嘅Big Mac,同時感受下當地嘅宗教氣氛!

浪漫平遊匈牙利

巨無霸單價:$24.56

匈牙利嘅布達佩斯,可能係歐洲最浪漫嘅城市,亦係歐洲物價水平較低嘅地方。此城市由多瑙河分為布達同佩斯兩部份,為東歐一個重要的文化城市,當地房租一晚約$100就有交易,不過,買一個Big Mac就要差唔多$25,比香港貴,但係歐洲黎講已經係低消費之選了。

同樹洞講秘密,柬埔寨

巨無霸單價:無得賣!

 去旅行,有時就好似同樹洞講秘密咁,只係想搵個地方擺低自己嘅壓力同情緒。提起柬埔寨,好多人都會諗起《花樣年華》入面嘅「樹洞」,梁朝偉放低佢秘密嘅「樹洞」,其實係吳哥窟內嘅石洞。

去到咁文青咁傷感嘅地方,你大概都唔會想食麥當勞掛,而事實係,你想食都無得食,因為柬埔寨係無麥當勞嫁。原因係麥當勞堅持要用美國進口雞肉,成本太貴,無競爭力,所以無係柬埔寨開店,由此可知,柬埔寨食野有幾平。當地平均一日嘅食宿,只需約$15。

馬爾代夫……隔離嘅斯里蘭卡

巨無霸單價:$20.53

馬爾代夫出名景色靚,亦係窮遊一族可望而不可即嘅高價地段,想搵個平價嘅代替品,可以考慮一下馬爾代夫旁嘅斯里蘭卡。同樣係陽光海灘,斯里蘭卡更以友善聞名,當地人非常多笑容,亦好樂意畀觀光客拍照,鍾意攝影嘅朋友萬勿錯過喇!

越南越愛

巨無霸單價:$21.77

無懼世事變改,還是越南越愛,去過越南嘅朋友,多數都會想從臨舊地,除左因為當地獨特嘅法國氣息,或者觀察越戰嘅戰爭痕跡,當地嘅低消費亦深深咁印在旅客心中。

但原來係當地食一個Big Mac係需要差唔多$22,定價比香港仲貴。不過係當地食肆,大約$20就能解決一餐,而且你仲可以相對便宜嘅價錢,食到正宗嘅法國大餐添。

全球最平旅遊城市,保加利亞

巨無霸單價:$17.28

全球最大旅遊網站TripAdvisor,曾選出保加利亞首都索菲亞為全球消費水平最低嘅旅遊城市,當地位於谷地,四面環山,係聯通黑海、愛琴海同中歐嘅中樞,城內盛產礦泉同溫泉,亦有上世紀興建的人工湖泊和水庫。

除左天然景點外,當地仲有豐富嘅夜生活,想過一個多姿多彩嘅旅程,保加利亞係一個唔錯嘅選擇。

Say no to Big Mac,玻利維亞

巨無霸單價:無得賣!

玻利維亞以景點「天空之鏡」聞名,除此以外,這國家較出名嘅,就係全球少數麥當勞都做唔住嘅國家!

2013年,當地最後一間麥當勞都因經營不善而倒閉,麥當勞自此撤出玻利維亞。麥當勞之所以做唔住,係因為當地人非常注重飲食健康,拒絕加工食物,麥當勞在當地發展了14年,最後都決定撤出,玻利維亞亦成為世界上第一個麥當勞因赤字而撤出嘅國家。

而玻利維亞亦因公眾健康同保護傳統文化等考慮,強令可口可樂停止在該國經營業務。沒有麥當勞,但在當地一餐飯大約$12就有交易,咁有guts嘅國家,值得關注飲食健康嘅朋友去窮遊一下吧!

全球最平巨無霸,烏克蘭

巨無霸單價:$9.3

全球最平嘅Big Mac係邊一個國家?根據《經濟學人》2015年1月嘅統計,烏克蘭嘅Big Mac全球最平,約$9.3就有交易。

不過當地除左出名多美女外,仲出名嘅就有當地嘅勇武抗爭,雖然港府現時對當地沒有發出任何外遊警示,但始終有一定危險性,如果想去當地識靚女加學習勇武抗爭技巧,記住購買相關嘅旅遊保險喇!

立即起行,黎Moneyhero比較各大旅遊保險!

https://www.moneyhero.com.hk/zh/travel-insurance

【旅遊保險知多啲】旅遊保險包啲乜?

https://www.moneyhero.com.hk/zh/travel-insurance/guide

(照片來源:http://goo.gl/TCI4jJ)