Subscription Modal Banner
Weekly newsletter subscription
Get MoneyHero’s top tips and deals, plus an exclusive free guide to investing, sent straight to your inbox.

I agree to the terms and conditions and agree to receive relevant marketing content according to the privacy policy.

Success Tick Icon
Congratulations on successfully joining MoneyHero Newsletter

善用利是錢 學5大理財法

MoneyHero

MoneyHero

最後更新於 09 March, 2015

 

blog004_red

新年過去,各位小朋友係未收到好多利是呢?有無諗過要點樣用啲錢呢?回想小編小時候,老爸老媽都一定會叫我將啲利是錢放入豬仔錢罌,大個就攞番出嚟。但依加時代已經進步,只一味將錢擺入錢罌,小編就覺得…效益實在太低了。所以,各位與時並進嘅家長,不妨利用利是錢出發,教導同埋灌輸理財觀念比小朋友,咁絕對係一個最佳示範! 以下小編就為大家整理咗5大理財原則,各位家長不妨都參考一下!

製定每月消費表

做任何事都一定要有周詳計劃,理財也如是。父母可以考慮每個月月頭,同仔女一擬定每個月嘅消費簡單報告,例如,仔女每個月收入(即零用錢)大致用咗喺邊,再由父母衡量係未用得其所。注意嘅係,父母絕對唔可容許仔女預支零用錢,如果佢地「洗大咗」,個筆開支,就應該喺下一個月份扣除。數目一定要定期整理,最好係要求仔女做到收支平衡。

實戰經驗

在家可以以輕鬆方式例如遊戲大富翁,網上理財小遊戲等等。到適當時機,又或者你感覺到他已經對錢方面有一定概念,就可以進行實戰,參與家庭嘅一啲消費/財務決策。最簡單例子,當然係帶仔女一齊去購物,教他如何認真地計算去慳錢,教導他們如何聰明地購物,做個理財小專家! 例如: 去超市時,列出清單,教導他們貨比三家,再揀C/P值(性價比)最高嘅貨品。

開設兒童儲蓄戶口

依加越來越多銀行提供兒童儲蓄戶口,每一個都有唔同嘅賣點,有啲可能係將你仔女嘅戶口同大人嘅聯合,當父母消費,現金回贈會自動存入子女戶口;有些則是以卡通人物理財小禮品作招徠去吸引小朋友,有的則是門檻較低,令較少本的小朋友都可「上車」一嘗試管理自己的零用錢。

簡介投資工具以及用法

這一點對較為大的小朋友會更為適合。喺睇電視又或者上網嘅時候,好多時都會有一啲財務貨款公司廣告,好多時佢地會有一啲實質嘅案例分享,呢個時候,父母就應該善用呢啲黎做反面教材,向仔女解釋正確嘅理財觀念,以及解釋事件令他們有所警惕。

以身作則

呢個可以話係最「行」,但亦都係最重要嘅一環。在怎樣的環境成長,就有怎樣的孩子。雖然作為家長,任你如何極力向孩子灌輸正確理財概念,但如果你其身不正,又怎樣有說服力?

 --

即上MoneyHero.com.hk,瀏覽更多金融產品(例如醫療保險信用卡)有關既資料!想知多啲慳錢貼士同理財建議,就要留意MoneyHero blog,同埋緊貼MoneyHero facebook page!