Subscription Modal Banner
Weekly newsletter subscription
Get MoneyHero’s top tips and deals, plus an exclusive free guide to investing, sent straight to your inbox.

I agree to the terms and conditions and agree to receive relevant marketing content according to the privacy policy.

Success Tick Icon
Congratulations on successfully joining MoneyHero Newsletter

安全駕駛,平平安安過羊年

MoneyHero

MoneyHero

最後更新於 18 February, 2015

HK_Keeping Safe on the Road this Chinese New Year

新年期間,大家都趕住去做節或者拜年,唔使問都知坐地鐵一定迫到死,開車都逃唔過塞車一刧架啦。今年有4日農曆年假,除左香港人會四圍去玩之外,睇怕都有唔少內地人會因為信用卡優惠之類,湧黎香港買野。

喺人多車多既情況下,如果你諗住喺農曆年開車既話,就要記住以下呢幾點,安全駕駛, 平平安安過羊年 。

 

小心行人

新年既人流一定比平日多,所以撞到人既機會都會高左。根據運輸署2013年既統計,行人因為交通意外而死亡既數字係高過司機或者乘客架!大部分涉及行人既交通意外多數係喺啲細街度發生。所以記得要保持安全既車速,咁就可以減低撞到行人既機會。

以下呢張圖係由澳洲新南威爾斯州交通安全中心發表既,喺入面可以睇到,架車開得越慢,行人存活既比例就越高。

speed_pedestriansurvival

 

切勿酒後駕駛

新年一定有好多聚會,而且唔少人都會因為現場氣氛,或者其他人邀請而飲酒。如果你喺聚會既時候飲左酒,就最好坐的士啦!

飲酒會令你既反應變得遲鈍,所以見到紅燈之後,踩停架車既時間都短左。喺香港2013年既20,596宗交通意外入面,總共有588宗係因為行人疏忽,20宗係因為酒後駕駛。雖然酒後駕駛唔係最主要既交通意外成因,但你都唔想因為酒後駕駛撞到人而後悔一世,莫講話重要坐監。所以都係小心駛得萬年船,飲左酒就唔好開車。

 

避免疲累時駕駛

新年要四圍去拜年,走走踏踏,又要買禮物,真係咪話唔攰呀。所以好多時到夜晚開車返屋企既時候其實已經好攰。但其實疲累時駕駛同酒後駕駛一樣咁危險!如果你要開好耐車先返到屋企既話,最好同其他識開車既人一齊,咁喺攰既時候都可以有人頂上。如果你自己一個開車,好攰既時候千祈唔好死頂,最好停埋一邊抖一抖,先再出發。

———

農曆新年應該係同屋企人、朋友享受節日同埋假期既時候。雖然四圍拜年探親開車係會方便啲,但開車之前都要留意自己有冇飲酒,或者會唔會太攰集中唔到精神。咁就可以安全駕駛,平平安安過羊年。

MoneyHero仝人祝你新既一年身體健康,大吉大利!