想足不出戶同時享受時裝購物樂趣?即上香港7 大網購平台!

|Posted by | 全部文章, 品味生活
Tags: , , , , , , , ,

各位鐘意打扮既美女們平時最鐘意去邊度買衫?銅鑼灣?又一城?旺角?依家小編同身邊既靚女都深深迷上左網購呢個玩意,d 衫款式又多,網上買又會有退貨保證,買完仲會有速遞將戰利品送到你屋企門口添!係唔係好方便呢?上網買衫分分鐘仲可以得到額外既購物折扣同飛行里數添!小編今日就同大家介紹香港7 大網購平台,等姊妹們可以輕鬆享受網購樂趣!

(本文章已有更新版本,請即看:香港 網購 優惠全攻略(2016夏)

1. 淘寶網

講到淘寶,相信各位姊妹都一定識用,小編都唔多講淘寶有咩特別同點用法喇!不過都同大家講下淘寶今期優惠啦!由即日起至11月11日23時59分(香港時間),用戶在淘寶網天貓、或聚划算平台購物,以Visa/ MasterCard/ JCB國際信用卡、PPS、信用卡快捷支付或八達通支付方式成功進行付款,累積消費次數達5次及累積消費人民幣1,000元以上,即可獲得人民幣100元的支付寶紅包。每位用戶限取紅包一個。名額10,000個,先到先得,送完即止。

另外,好多人都會覺得係淘寶網野運費去香港好貴。小編發現好多人都唔知市面有好多集運公司可以幫大家group埋唔同地方買既貨物一次過運黎香港。大家買野既時候通常內地都係免運費既,只要大家將貨物寄到集運公司,佢地就會幫你group 埋d 貨送去香港。咁樣一次過送黎香港絕對會平好多運費呢!大家下次買要記住喇!

2. Gmarket

依家香港既韓風愈吹愈勁,想買靚衫當然要買韓國貨啦!不過係香港買韓國衫可以好貴,而且款式又唔多。所以,依家愈來愈多人都鍾意去Gmarket 買野,貪佢款又多又可以運黎香港。 用VISA卡去Gmarket買野可以apply special coupons!Gmarket嘅新會員更加可以有75折discount coupon,而其他舊有會員用VISA卡購物都可以得到85折優惠。計番可能仲平過香港買野呀!大家快d 同朋友一齊夾單啦!

Citi Clear Card 除左Gmarket優惠之外,仲有額外網上外幣簽賬2%現金回贈。中意網上購物嘅你可以考慮申請呢張! http://goo.gl/mjSZY4

3. Zalora HK

Zalora 之前係香港落左好多廣告,依家好多人都會係呢度買野。Zalora 既好處係買完咩貨物都可以有14日退貨保障。呢個退貨其實都幾方便,大家如果試完貨物唔岩,只需包番好,填張表,然後交去任何順豐門市就得架啦。

依家係Zalora 可以買到好多港人鐘意既牌子,好似Salad 同Mango 等等。由今日起至2014年12 月31 日,大家係星期四用Master Card 在Zalora 購物都可以有9 折優惠! 所以如果大家想係Zalora 買野就記得係星期四先用Master Card 買啦!

4. Nissen HK

Nissen 係一個日本產品既網購網站。同gmarket 有d 似,佢都係有好多唔同既日本商品比大家係網上購買。呢個網既特色係大家係呢個網買野可以順便賺埋Asia Miles 亞洲萬里通里數, 每消費$1美元就可以得到3.25 里數,即係HK$ 8 = 3.25里!計落大家買件$400 蚊既衫已經賺左162 里了!如果大家係中意儲里數既,可以用其他里數回贈率高既信用卡買野,咁就可以兩頭賺里數!渣打Worldmiles 依家迎新1 蚊1里,用黎買Nissen 可以儲好多里數呢。大家係大家係呢個網首次訂野仲會免運費添!

5. L’occitane Hong Kong

唔講唔知,原來L’occitane 岩岩推出左網購服務!大家依家可以係佢地官網網上直接買到你中意既L’occitane 貨品喇!雖然無得好似係門市開開心心咁逐個味試,但可以上網直接買都係一個好方便既功能既。係依家網店新張期內,有好多產品做緊網上優惠價!今期既online shop promotion 係蠟菊極致修護套裝,如果大家想買佢就記得上網訂喇!網購獨家呀喂!

6. Glassesonline. hk

小編呢排開心大發現,原來太陽眼鏡同隱形眼鏡都可以網購架,價錢仲平過香港門市好多好多好多!呢個網不但有好多大牌子,例如Gucci、 Ray Ban、Prada 等等,仲成日都有Promotion 添,而且仲30 日退貨保障!講到咁優惠小編一開始都唔信,不過小編已經搵左我地IT 部同事Check 過呢個網真係百分百正貨,仲要世界各地都有分店添!點解香港會無人識佢架!哈哈太激動好似好Hard Sell 咁,不過大家如果想買con/ 太陽眼鏡前不妨上去格格價,睇下有無平喇!http://www.glassesonline.com.hk/

7. 指點Fingershopping

如果大家呢排有去OK買野,都會留意到佢地多左個抽獎活動,可以俾大家抽一d 韓國化妝品同Fingershopping 既現金卷。小編睇過,佢個網咩都有得賣,由化妝品到食品都有得賣。價錢方面,化妝品的確好似幾平,不過野食偏貴。不過,呢個網勝在可以俾大家買完野係OK 攞貨,仲可以貨到先俾錢(不過以小編性格一定係簽卡攞積分哈哈),好似好方便!小編過兩日會再開多個post 同大家詳細講下個網既特色,大家有興趣既記得睇下啦!

(本文章已有更新版本,請即看:香港 網購 優惠全攻略(2016夏)

MoneyHero,香港最公正既金融產品比較平台,致力為你提供各種優惠資訊同理財貼士!www.moneyhero.com.hk