【 交通津貼 】車費津貼懶人包2019 查詢最新港鐵、九巴優惠

|Posted by | 全部文章, 品味生活, 理財小貼士
Tags: , , , , , , , , ,

 交通津貼 車費津貼 懶人包 查詢 最新 港鐵 九巴 優惠

港鐵去年又加價3.14%,加幅之大雖令好多市民不滿,奈何港鐵係主要交通工具,大家都係要焗住硬食。想慳番啲車錢有乜方法?港鐵及九巴現時推出多個月票/車費優惠計劃,可以幫你節省多達25%車費!由政府推出的交通津貼計劃於2019年1月1日起實施,最快2月中就可以領到津貼,到底你有冇得受惠?等MoneyHero.com.hk為大家逐一介紹!

交通補貼計劃

  • 補貼每月超出HK$400之開支的25%,上限HK$300
  • 例子:每月車費 HK$780,可獲之補貼:(HK$780 – HK$400) X 25% = HK$95

政府於2019年1月1日開始實施「公共交通費用補貼計劃」,只要每月公共交通開支超出HK$400就可以獲得補貼,補貼金額是超出HK$400的開支的25%。每月補貼上限為HK$300,即是若每月車資達HK$1,600,即可到達上限。預計最快2月16日就可以領取第1批津貼。

此補貼計劃與政府或各公共交通機構的優惠沒有衝突,大家們同樣可以享用港鐵、九巴或長者搭車等優惠,不會有所抵觸。

1. 每月車費如何計算?什麼車資將計算在內?

補貼計劃適用於透過八達通卡支付的每月公共交通開支,包括港鐵、專營巴士、專線小巴、渡輪及電車的費用,或上述公共交通服務月票/日票的費用,無須額外申請。以現金支付的車/船費用則不計算在內。邨巴、員工巴士、街渡及紅色小巴都會計算在內,但需獲運輸署審批,簽約及準時上傳交易記錄。

以下車資將不計算在內:所有的士及非專營巴士的車費,以及以任何支付方式購買的港鐵(包括機場快綫)單程票、機場巴士單程票及機場快綫即日來回票的費用,和購買為遊客提供的車/船票的費用。

2. 交通津貼查詢

若大家希望查詢當月的公共交通費用和補貼費用,可到運輸署的公共交通費用補貼計劃的相關網站查詢

3. 如何登記?

毋須登記類別: 須登記類別:
  • 一般八達通
  • 全月通加強版
  • 迪士尼職員月票
  • 九巴月票
  • 中環 – 梅窩 渡輪月票/假日來回票(以八達通購買)
  • 中環 – 長洲 渡輪月票/假日來回票(以八達通購買)
  • 北角 – 紅磡/九龍城 渡輪月票
  • 中環 – 坪洲 渡輪月票/假日來回票(以八達通購買)
  • 中環 – 榕樹灣 假日來回票(以八達通購買)
  • 中環 – 索罟灣 假日來回票(以八達通購買)
  • 港鐵都會票
  • 屯門-南昌全日通
  • 機場快綫來回票/團體票
  • 新渡輪假日來回票
  • 港九小輪月票/假日來回票
  • 電車月票
  • 大嶼通(一日乘車票)
  • 城巴機場快線預售來回車票
  • 龍運巴士團體票
製表:MoneyHero.com.hk

登記方法:購票當天起計30天內透過「指定車船票自助登記站」(綠色機),(1)用車票及八達通拍卡;或 (2)輸入船票收據上的登記號碼/掃瞄收據上的QR code後,以八達通拍卡;或 (3)在購買時向營辦商職員出示八達通以進行登記。可於登記2日後於 此網頁 或八達通APP查核登記狀況。

4. 如何領取?

每月16日之後,到下列指定地點的「補貼領取站」(藍色機)拍卡,上一個月的補貼會自動儲入八達通卡中。交通津貼補領限期為3個月。

5. 持有多於一張八達通的話,可以合併嗎?

不可以。每張八達通卡的公共交通開支將獨立計算。

 


港鐵優惠

1. 一拍即減$2:港鐵特惠站

用成人八達通在「港鐵特惠站」拍一拍,並在當日於指定港鐵站入閘,即慳$2!目前全港共有37個港鐵特惠站,遍佈港九各大商場,最近仲新增亞洲國際博覽館(適用於東涌站入閘)及深圳地鐵褔田口岸站(減HK$3;適用於落馬州站入閘)。全港37個港鐵特惠站一覽:
全港37個港鐵特惠站
全港37個港鐵特惠站(按圖放大)

*此優惠可與「晨早折扣優惠」及「全月通加強版」75折優惠一併使用。

2. 早返工有優惠:早晨搭港鐵享75折

港鐵為鼓勵大家早啲返工以避開繁忙時段,特推出早晨折扣優惠。只要逢星期一至五(公眾假期除外)早上7時15分至8時15分使用成人八達通於任何35個指定車站出閘,即自動享車費75折優惠。

推廣期:即日起至2019年5月31日

此優惠只適用於指定核心市區車站,詳見下圖:

早晨搭港鐵享75折

3. 新界、東涌長途客適用:「加強版全月通」全月任搭

「加強版全月通」專為屯門、天水圍、上水、粉嶺、大埔、馬鞍山及東涌地區的居民而設,按照地區分為5款。購買後可在一個月內免費無限次乘搭至指定範圍內的車站。各款全月通的指定範圍及價格如下:

全月通加強版 免費乘搭範圍 價格
上水 / 烏溪沙 – 尖東 東鐵綫(不包括羅湖、落馬州、馬場)、馬鞍山綫及尖東站 $485
屯門 – 南昌 西鐵綫(屯門至南昌各站)、輕鐵 $515
屯門 – 紅磡 西鐵綫(屯門至紅磡各站)、輕鐵 $600
東涌 – 南昌 東涌綫(東涌至南昌各站,不包括迪士尼綫) $405
東涌 – 香港 東涌綫(東涌至香港各站,不包括迪士尼綫)、中環站 $635

如目的地出發地超出指定範圍,超出範圍的路段亦可獲75折優惠。假設由東涌乘搭至銅鑼灣,東涌至中環免費,中環至銅鑼灣則享正價75折,即該程車費只需$4($5.3 x 0.75) 。但若目的地及出發地均不在指定範圍內,則全程須付正價車費。

「加強版全月通」幫你慳到幾多?搭西鐵由屯門至紅磡單程車費為HK$21.6,如以HK$600購買「屯門 – 紅磡全月通」,每個月搭28程(即14日來回) 便可回本,變相慳了之後的每一程車費。實際慳到幾多每條路線唔同,大家可在港鐵網站查詢車費後再作比較。

「加強版全月通」在適用港鐵站的客戶服務中心有售,購買後將會注入在乘客的個人八達通內,搭適用路線時會自動使用。

4. 市區過海必備:港鐵都會票HK$435搭40程

就算你唔係住新界咁偏遠,返工都要過大海車費都肉赤!用「都會票」搭港鐵,搭40程只需$435,平均每程HK$10.9,用嚟搭過海線一定有平。「都會票」適用於來回下圖顯示的任何港鐵站,有效期更已延長至40日。港鐵都會票於指定港鐵車站客務中心(非付費區)有售。須於購票當日起計14日內作首次使用,車票於首次使用起計40日內有效,車票將於第40程出閘時被收回。

港鐵都會票 搭40程只需$425

5. 全月通加強版

「全月通加強版」共有五款,分別有不同的車站範圍。乘客除可於有效月份內無限次往來指定車站。指定車站外,乘客乘港鐵連接非指定車站的車程,更可享正價車費75折*優惠。

6. 綠Van轉乘優惠

乘客凡用八達通由港鐵轉乘全港任何綠色專線小巴路線,可獲HK$0.3轉乘折扣優惠,而現有的路線折扣優惠亦維持不變。每日可享轉乘優惠兩次。小童及長者亦可享此優惠。詳情

優惠期:即日起至另行通知

7. 高鐵長者優惠HK$40

憑香港長者咭及有效旅遊證件,即可以HK$40購買香港西九龍站往來福田站指定車次的高鐵單程車票。

優惠期:2019年5月15日至6月30日

8. 深圳地鐵4號綫福田口岸站設$3港鐵特惠站

於深圳回港時,只要先搭深圳地鐵4號綫,於福田口岸站出閘前,以成人八達通拍一拍港鐵特惠站,並即日由落馬洲站轉乘港鐵返港,該車程即可享$3優惠。


九巴優惠

長途客適用:九巴月票計劃 HK$780 – 30日任搭

長途客適用:九巴月票計劃 HK$780當月任搭

「九巴月票」於2018年3月起正式推出,適用於全港逾400條九巴路線,包括常規路線、馬場專線、通宵線、口岸線以及假日特別線,亦適用於跨公司的聯營過海線。「九巴月票」售每月HK$780,每日最多任搭10程。以普通打工仔每月返22日為例,若每日搭2程九巴,平均每程車費要超過$17.7才能回本,較適合長途線乘客。

「九巴月票」更推出優化版,讓你30日內任搭,假如你9月4日買票,30日內有效,可以用到10月3日,讓你隨時買,隨時搭,不再局限於月頭才可以買!

銷售地點:按此查詢

Citibank八達通Visa白金卡︰15%車費回贈

如果每日交通費佔你一大筆開支,可以考慮申請呢張Citibank八達通Visa白金卡。呢張卡一卡兩用,既可以當信用卡作日常簽賬,同時內置八達通功能,即係當佢八達通咁拍卡都得。

Citibank八達通Visa白金卡

優惠︰

  1. 每月只要簽賬滿HK$1,500,該月份就享有九巴龍運15%巴士付款之八達通車費回贈,每月上限HK$300
  2. 信用卡簽賬每HK$200 = HK$1八達通現金
  3. 設定好HK$250自動增值,每次賺0.5%現金回贈
  4. 於指定八達通日日賞商戶消費,同時賺取八達通日日賞$

迎新禮物:簽賬滿HK$2,500或以上,可獲HK$200現金回贈;以Apple Pay/Google Pay/Samsung Pay手機付款再享額外HK$40回贈!

限時優惠期內,經MoneyHero.com.hk成功申請Citibank八達通Visa白金卡 ,仲額外送HK$200惠康現金券!

立即申請

 


八達通自動增值 增值同時賺回贈

除了港鐵及九巴推出的優惠外,用啱信用卡進行八達通自動增值,可額外獲高達2%現金回贈 或 $6=1里的里數獎賞。推介以下八達通自動增值信用卡:嚴選八達通自動增值 最佳信用卡

精選八達通增值信用卡

渣打Simply Cash Visa卡:迎新送高達HK$1,450回贈

渣打Simply Cash Visa卡

EarnMore銀聯卡:八達通自動增值2%回贈

EarnMore 銀聯卡

Citi Cash Back Card:迎新送HK$1,500現金回贈

Citi Cash Back Card

渣打亞洲萬里通萬事達卡:迎新送高達40,000里

渣打亞洲萬里通萬事達卡

Citi Prestige 信用卡:迎新送高達20,000里

Citi Prestige 信用卡

比較更多信用卡

——

想了解更多不同信用卡的優惠?即刻上我哋嘅比較平台

想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page