【 2019請假攻略 】復活節請4日放10日 新興景點逐個捉 短去越南 遠去布拉格

|Posted by | 保險知識, 信用卡, 信用卡優惠, 全部文章, 品味生活
Tags: , , , , ,

【-2019請假攻略-】復活節請4日放10日-新興景點逐個捉-短去越南-遠去布拉格

霎眼間又到2018年尾,就要迎接2019年,大家今年去了多少次旅行? 2019年又會計劃去幾多次旅行? 又會想去邊呢? MoneyHero.com.hk預備了 2019請假攻略 俾大家,最長可以在聖誕節請5日放12日,最短都可以請1日放4日,而放假梗係去旅行,「世界這麼大」! 日韓台泰都可能去到悶悶地,係時候要發掘新地方,我哋仲建議埋旅遊景點俾大家,用盡假,「遊盡可愛的天下」!

如想盡快了解文章內容,可按以下項目:

請假假期:農曆新年復活節佛誕端午節回歸國慶聖誕

海外消費: 海外簽賬信用卡

【-2019請假攻略-】復活節請4日放10日-新興景點逐個捉-短去越南-遠去布拉格



 

農曆新年 請2日放9日

2019年的農曆新年,只要你請4/2/2019及8/2/2019,中間撞正星期六、日及年初一至三,咁就可以自製9日假期。中國人就最注重新年,有成9日假期,一家大細plan一個避年的旅行吧!

旅程推介:

1/一家大細澳洲露營車之旅

中國人過新年梗係想成家人一齊過,一家大細9日假期可以去邊? 如果家中的小朋友較年長,又有自理能力,而家中又有成員識駕車,可以試下澳洲露營車之旅。新年那段時間,澳洲的天氣較為暖和,陽光普照,可以俾小朋友親親大自然,放低電子產品,更可以脫離城市的繁囂,真正享受寧靜。

相關文章:【 自駕遊 旅遊保險】比較8間旅遊保險租車保障

2/ 莫斯科文化之旅

唔講唔知,莫斯科成為新興旅遊景點之一,莫斯科向來予人感覺神秘,但其實當地的歷史文化濃厚,可以參觀克里姆林宮、國家歷史博物館、紅場,夠時間睇埋冬宮同夏宮,了解影響世界的大國文化,同樣可以俾小朋友另類的體驗架!


溫馨提示:旅遊保險

經MoneyHero.com.hk購買指定旅遊保險可享7折優惠

買完機票即刻買埋旅遊保險,咁先享受到最全面嘅保障!MoneyHero.com.hk提供一站式旅遊保險比較平台,只需3分鐘就可幫你比較同立即購買旅遊保險,保單馬上生效,現時經我哋買指定旅遊保險仲有低至7折優惠添!

咪以為邊度買旅遊保險都一樣,淨係保障範圍已經大有不同,等我哋幫你分析經ATM買、買機票時Click個掣買、直接上旅保公司的官網買等唔同途徑有咩分別:比較香港10大買旅遊保途徑優劣

經MoneyHero.com.hk購買指定旅遊保險可享7折優惠



 

復活節請4日放10日

2019年的復活節,同樣可以自製長假,由19/4/2019至28/4/2019,中間請23-26/4/2019 ,期間夾着周末、受難節及復活節,就可以放足10日。

旅程推介:

1/ 浪漫歐洲電影之旅

去歐遊都會去幾個國家,行程先夠豐富,大部分人都會選擇去英國、法國及德國,呢幾個國家,不過唔講唔知,布拉格同羅馬都成為新興旅遊景點。可能英法德大家都玩到有啲悶,開始發掘新的旅遊景點。呢兩個地方的景色都好靚,好多出名的電影都係呢到取景,特別是羅馬,好似經典電影《羅馬假期》、電視劇《衝上雲霄》;真係好浪漫架!最啱熱戀情人同新婚夫婦,一齊係許願池許願打卡。

延伸閱讀:【恐襲旅遊保險比較】外遊遇恐襲 旅遊保險保唔保?

2/ 熱情的沙漠之旅

10日假期都好好用,豁出去搵新旅遊景點可能更多新發現。近年好多人會去非洲的摩洛哥,去卡薩布蘭卡、撤哈拉沙漠騎駱駝、艾西拉感受藝術色彩,體驗地中海的異國風情。早前有傳聞香港將會有直航去摩洛哥,但仲未知幾時有? 大家期待下啦!



 

佛誕前後  請1日放4日

2019年的佛誕在星期日,第2日星期一為補假,因此如果請其中1日,5月10日(星期五)或5月14日(星期二),就可自製4日連假,來個短trip都得!

旅程推介:

 1/台灣桐花之旅

短途旅程,怎可能沒有台灣的份? 5月過去台灣,剛好撞正油桐花季節,正好是「五月雪」,主要分佈在台中、台東、花蓮、南投、新竹、苗栗、雲林、宜蘭及桃園等地。好似南投縣的牛耳藝術渡假村、桃園大溪區的大艽芎古道、苗栗縣銅鑼鄉的客家大院,近台北市,亦有新北市土城區的桐花公園,是當地的賞花熱點。

提提大家:柚桐花含毒性,記得捉摸完要洗手呀!

2/新加坡熱賣會

五月中啱啱撞正新加坡一年一度的熱賣會﹙5-7月﹚,國內店鋪多種貨品大減價,甚至低至3折優惠,由名牌時裝、鐘錶、珠寶、精品到電器樣樣都有特別折扣。除此之外, 仲有特別新增嘅夜間購物時間﹙Late Night Shopping﹚俾大家瘋狂掃貨,唔好再話新加坡夜晚無活動好啦!



 

端午節 請1日放4日

端午節在6月7日在星期五,因此只要請6月6日(星期四)或6月10日(星期一),便有4日連假。

旅程推介:

1/「越南」越愛

越南都愈來愈多人去,成為一個熱門的渡假勝地,可以做SPA、玩機動遊戲及食好西,而且消費唔算好貴,平平地飛返轉,乘機減下壓。不過提提大家去越南要申請簽證,唔算係好麻煩,但都要預留幾日時間預備,想知更多詳程,可以睇以下文章。
相關文章:【 2019 旅遊簽證 全攻略 】各大旅遊地申請 旅遊簽證 方法

2/馬來西亞開齋節

如果想六月去個短途旅行, 可以諗下參加馬來西亞6月的開齋節。開齋節係當地最重大的宗教節日之一,所以鍾意馬來美食的朋友就有口福可以食到全國各地的正宗馬來美食。同時,馬來西亞亦有好多島嶼,同泰國一樣係享受陽光與海灘的好地方。



 

回歸  請1日放4日

2019年的回歸日7月1日為星期一,因此只要請6月28日(星期五)或7月2日(星期二),便可自製4日假期。

旅程推介:

青島八大關之旅

9月的青島不冷不熱,萬里晴空,係當地最佳旅遊月份。「青島最美的地方是八大關。八大關最美的時候是深秋。」所以9月份去青島必定要去八大關感受一下滿地黃葉的銀杏大道。而八大關的建築集合了俄、英、法、德、美、日、丹麥等20多個國家的建築風格,有「萬國建築博覽會」之稱。

延伸閱讀:【 大陸上網卡 】比較4大好用4G Sim卡 免翻牆玩FB whatsapp無難度
延伸閱讀:【香港高鐵通車】返內地交通 (高鐵/巴士/火車/飛機) 車費時間大比拼



 

國慶+重陽節請4日放10日

如果錯過咗復活節的請假檔期,唔緊要國慶前後,仲有機會俾大家自製長假,由28/9/2019-7/10/2019,請30/9/3019及2-4/10/209,請4日,而中間夾住了周末、國慶日及重陽節,總共10日長假。

1/ 台灣環島遊

9月至10月已踏入秋天的季節,有成10日假期,建議大家可以來一個台灣環島遊,10日最啱新手上路,一邊踩單車,一邊觀光台灣其他地方,趁而家仲有時間,呢段時間可以計劃下,做定準備,到時同單車好友輕裝上陣都得呀!

相關文章:【 台灣單車環島遊 攻略】路線推介、租車公司+裝備清單 旅遊保險點樣包?



 

聖誕放到下年元旦  請5日放12日

每年12月都可以請到長假,可以由2019年12月21日放到2020年1月1日,只要請23-24/12、27/12 及30-31/12,這5天假,連同周末、聖誕節及元旦的公眾假期,整整可放12日長假。

旅程推介:

1/ 追極光之旅

好多人都想過一個凍冰冰又特別的聖誕,睇北極光大概夠特別了,大部分睇到北極光的地點,都可以順便睇埋雪,一舉幾得,得咗。有人會選擇去北歐的芬蘭,因為臨近聖誕節,可以順便去埋聖誕老人村,睇埋北極光,仲可以見到雪。或者可以去新興睇北極光的加拿大黃刀鎮,睇到極光機會大大提升,人生成就解鎖。

相關文章【追 極光 攻略】推介7大觀賞 極光 好地方、時間、事前準備清單

2/ 白色聖誕之旅

白色聖誕係好多人夢寐以求的聖誕,單賞雪可能有點悶,來一場刺激的滑雪之旅也不錯! 最多人就會選擇去日本或韓國滑雪,撞正兩地嘅滑雪旺季,價錢亦比較實惠,加上這兩個地方的滑雪場發展已成熟,新手可以學,有經驗的滑雪者都玩得,一家大細玩又得,想知有咩滑雪場推介,可以睇我們以下文章,做定準備。

相關文章:【韓國滑雪攻略】江原道、京畿道、釜山8大人氣滑雪場推介
相關文章:【 日本滑雪攻略 】 東京、輕井澤、大阪、富士山、北海道 7大人氣滑雪場推介
延伸閱讀:【滑雪、潛水買咩旅遊保險?】比較 高危活動 旅遊保險保障 (附Claim保險方法)



 
計劃行程,好多時都會在網上預訂,記得用返張網購回贈高的信用卡:【網上購物必備】最高回贈網購信用卡

去旅行梗係要帶張海外簽賬必備信用卡,邊簽賬邊賺回贈,話咁快又可以再飛!

外幣簽賬信用卡之選

即上我們的比較平台,比較市面上最佳外幣簽賬必備信用卡:

經本網成功申請指定信用卡仲可以獲得額外獎賞現金券,詳情請按此
 
————
延伸閱讀:【旅遊保險手機保障】邊間賠償 手提電話、平板及手提電腦?

延伸閱讀:【航班Delay 旅遊保險攻略】惡劣天氣航班延誤證明+Claim保險須知!


想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page