【影相好去處】6個香港必去文青IG打卡景點

|Posted by | 全部文章, 品味生活
Tags: , , , , , ,

【 IG 打卡攻略】香港6個必去文青影相好去處

想影靚相post IG ?唔一定要去旅行嘅,等MoneyHero.com.hk話你知香港地有咩免費攝影好去處啦!用咗個靚靚背景,再擺埋個女神pose,整到個 IG 靚一靚咁, 今次仲呃唔到like?

1 ) 彩虹邨籃球場

basketball-court-copy

話明彩虹邨, 咁個邨就緊係彩虹色啦, 就因為係咁,吸引咗好多IG友嚟影塊彩色檣喇!其實除咗塊彩色檣之外,連個籃球場塊地都係七彩繽紛架!所以想用塊地嚟做背景嘅話,啲人會坐或者瞓喺到影嘅。

前往方法:彩虹站C4出口,沿龍翔道直行經黃菊路口,再繼續直行就係彩虹邨。

2 ) 西環貨運碼頭

pier

西環貨運碼頭又叫Instagram Pier, 就係因為個個都嚟影相post IG!雖然最出名嘅天空之鏡已經被填走咗,但仍然吸引好多人過嚟影!因為有個360度嘅海景、唔同顏色嘅貨櫃、同埋扎埋曬嘅竹條等等, 每款都係好文青嘅背景!而最經典嘅背景就一定係條燈柱同佢側邊個兩舊黃黑間條石。

前往方法:香港大學站B出口,沿士美菲路向海傍一直走就到!

3 ) 南山邨

lam-shan-chuan

想將自己融入埋背景, 就緊係坐喺個半圖形嘅攀爬架到啦,之後你會發現背景嘅全部都係對稱嘅, 所以用鏡頭將自己對正係中間,就可以成為張相嘅主角。

前往方法:石硤尾B2出口,沿大坑西邨前行, 直到南山邨轉左上天橋去街市。之後公園就係街市上面啦!

4 ) 西環泳棚

sea-bridge

當你企喺泳棚嘅盡頭,就好似要行入個海到,面對住個小島, 周圍一片海景。由日出到日落,個景都唔同顏色,真係想拍出咩感覺都得 。

前往方法:堅尼地城站C出口,沿海邊步行到廢物轉運站,沿域多利道斜路走,會遇到西環泳棚入口,落樓梯後即可通住西環泳棚。

5 ) 中環嘉咸街

Street Art Graham Street ( off Hollywood Road) in Soho Hong Kong Island Hong Kong. Opposite the Globe Pub. Pic Jayne Russell +852 97578607. Date-20.01.2013. 20th January 2013

入到中環一條斜斜哋嘅小街, 就會見到一副畫滿香港情懷舊式屋邨嘅牆。如果想入埋鏡影相嘅話,可以試下扮行緊嘅pose,咁張相睇落去就好自然! 幫你影相嘅朋友就記住企對面馬路,先可以影到成個景架!

前往方法:中環站C出口,沿德輔道中前行至租庇利街,再轉左至皇后大道中,前行到嘉咸街轉右便到!

6 ) 鰂魚涌怪獸大廈

buildings-copy

早排齣變形金剛咪係個到取景囉!就係貪佢有曬香港地道文化嘅感覺。啲舊樓密密麻麻咁,真係好壯觀 架! 如果由地面低炒張相,睇落去好似係地窿到望上個天咁,會突然覺得自己好渺小。

前往方法:鰂魚涌港鐵站A出口,沿英皇道太古方向走,經過上柏架山的路口,就可到達大廈入口。

延伸閱讀:香港平靚正拍拖好去處 (2017年7月)

延伸閱讀:【落雨冇有怕】嚴選今夏10大室內玩樂好去處2017

想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page