【出租物業有保障】全港16款 出租保險 比較

|Posted by | 保險知識, 全部文章
Tags: , , , , ,

【出租物業有保障】全港16款 出租保險 比較

家居保險保障範圍一般都包括財物同個人法律責任。如果要買租客或者置業自住嘅業主適用的家居保險,可以睇返之前的全港家居保險比較一文。至於置業放租嘅業主,你哋需要嘅保障範圍好唔同,今次就同大家介紹吓市場上適合出租業主的 出租保險 計劃!

出租業主保險同一般家居保險有乜分別?

市場上有專門為出租業主需要打造嘅保險計劃,亦都有唔少一般家居保險計劃可以加入適用於出租物業的自選保障項目。基本上一般家居保險主要係保障財物響天災人禍後,對財物嘅損失、建築物本身損毀維修嘅開支或者賠償,以及相關法律責任嘅保障。

雖然出租業主響財物上似乎並無自住業主或者租客咁重要,尤其係電器、傢俬同裝修都有限嘅出租單位。但係,響建築物結構同法律負責上,出租業主對保險嘅需要可能就比自住或者租客為之重要喇,所以,專門俾出租業主嘅保險計劃,都會比較著墨響呢兩點上面。

慘遇租霸都有得保?

「租霸」,就係借故唔交租,或者係唔係都找碴同製造問題向業主索賠嘅地獄租客。咁多年來,好多媒體都已經為出租業主們提供咗唔少避開租霸嘅方法,亦都有收樓代理提供租霸黑名單查冊服務,但係租霸係無樣睇嘅,如果咁不幸「租」(因為唔會有租金甚至按金落袋,所以個租字都要括住)咗個物業俾「租霸」,唔交租不單止仲大肆破壞同養曱甴做寵物嘅話,正路嚟講業主就要用法律程序去追討欠租同收樓。

出租業主保險保障最有特色嘅,就係欠租保障喇。欠租可以係租客真心週轉不靈或者係更不幸──租客響物業入面身故而無人交租,咁出租業主保險都可以保障期間嘅部份租金收入。同樣地,如果撞正「租霸」,業主都可以用到出租業主保險涵蓋到嘅保障。

買咗設有「租霸」保障條款嘅業主,響呢個情況下就可以搵保險公司索償返相關嘅費用同支出(視乎條款),以及俾「租霸」破壞後,出租物業入面嘅財物損失同嗰個物業響無人居住期間嘅租金損失,同時,業主亦可以好似前段所述,可以向保險公司索賠租客拖欠唔交嘅租金,

出租保險 要幾時買?

當置業時就打算將物業出租,業主就應好好保障自己嘅呢個生財工具。保險業就當然會建議業主響簽訂臨時買賣合約嘅嗰一刻,亦即係代表業主正式咁擁有嗰個物業,就應該要買保險,咁即使物業仍未租出,保障出租物業業主嘅責任保險就已經生效,如果有咩事情發生都有保障──至少響法律開支或者賠償責任上有一定嘅保障。

比較市面出租保險及一般家居保險的出租業主保障

(附*者為專屬出租業主保險)

保險公司 保險產品 財物保障最高賠償總額 法律責任最高賠償額 法律開支賠償額/自負額 租金損失賠償總額(上限) 500平方呎建築面積或以下之每年保費(原價) 備註
AIG 美亞 *安租保 已包括在租金損失賠償內 5,000,000 100,000/5,000 100,000(6個月)/自負:1個月租金 1488、1188(不包括法律責任)
MSIG 三井住友香港 *住宅出租保障計劃 200,000 5,000,000 80,000(3個月) 798 附部份其他家居保險保障項目。保費及賠償均按物業面積計算
Prudential 保誠 *保誠精選「業主寶」業主保障計劃 1 1,500,000 10,000,000 已包括在租金損失賠償內 240,000(6個月)/自負:10%或$250,較高為準 840
Prudential 保誠 *保誠精選「業主寶」業主保障計劃 2 500,000 10,000,000 已包括在租金損失賠償內 120,000(6個月) 590
Zurich 蘇黎世保險(香港) *「自選」家居保險計劃:業主保險 100,000 10,000,000 120,000(6個月) 600
BOC Group Insurance 中銀集團保險 周全家居綜合險I 300,000 5,000,000 20,000 627 為「中銀集團保險 周全家居綜合險」內之保障項目
BOC Group Insurance 中銀集團保險 周全家居綜合險II 600,000 6,000,000 30,000 741 為「中銀集團保險 周全家居綜合險」內之保障項目
BOC Group Insurance 中銀集團保險 周全家居綜合險III 100,000 10,000,000 50,000 1026 為「中銀集團保險 周全家居綜合險」內之保障項目
Dah Sing Insurance 大新保險 樂加家家居保障計劃 A 300,000 3,000,000 15,000 530 為「大新保險 樂加家家居保障計劃」內之保障項目
Dah Sing Insurance 大新保險 樂加家家居保障計劃 B 600,000 6,000,000 30,000 680 為「大新保險 樂加家家居保障計劃」內之保障項目
Dah Sing Insurance 大新保險 樂加家家居保障計劃 C 120,000 12,000,000 60,000 1080 為「大新保險 樂加家家居保障計劃」內之保障項目
Hang Seng / QBE 恆生/昆士蘭 家安心家居保障 尊尚計劃 1,000,000 5,000,000 50,000/自負:2星期租金 1012 為「恆生家安心家居保障」內之保障項目
Hang Seng / QBE 恆生/昆士蘭 家安心家居保障 標準計劃 500,000 5,000,000 25,000/自負:2星期租金 678 為「恆生家安心家居保障」內之保障項目
HSBC 滙豐 / AXA 安盛 「家居萬全保」A :第五項 — 租金損失(自選投保項目) 400,000 4,000,000 30,000(3個月)/自負:2星期租金 1044 為「滙豐家居保險」之額外自選項目
HSBC 滙豐 / AXA 安盛 「家居萬全保」B :第五項 — 租金損失(自選投保項目) 800,000 8,000,000 30,000(3個月)/自負:2星期租金 1416 為「滙豐家居保險」之額外自選項目
HSBC 滙豐 / AXA 安盛 「家居萬全保」C :第五項 — 租金損失(自選投保項目) 1,200,000 10,000,000 30,000(3個月)/自負:2星期租金 1476 為滙豐家居保險額外自選項目

 

延伸閱讀:想請外傭? 家傭保險 唔慳得!附保費、保障額及保障範圍比較

MoneyHero.com.hk為香港最大金融產品比較平台,即時幫你比較旅遊保險信用卡私人貸款按揭出糧戶口,幫你節省日常生活及財務支出!立即比較

——

想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page