唔少成年朋友為左買嘢或者創業，都可能試過借貸。如果急需現金，又唔想抵押資產，又唔想俾人問長問短，申請私人貸款係一個好好嘅選擇。依家有啲銀行或財務公司更提供即時批核或網上貸款，標榜5至30分鐘就完成批核，現金即日內可以到手。申請私人貸款係方便，但申請貸款都要考慮周詳同準備充足，等批核順利快捷。MoneyHero今次同大家分享申請私人貸款要避免的7種錯誤 ！
1.無比較就申請貸款
私人貸款（Personal Loans）坊間會簡稱為「P Loan」，屬於無抵押分期貸款，金額上限多數以借款人的月薪倍數作為標準，貸款利率則會因應申請者的個人信貸報告（TU）評分高低而有不同。私人貸款市場競爭激烈，銀行同財務公司為求吸客，都會推出唔同嘅低息優惠或回贈俾客戶。不過唔同機構提供嘅利息水平都唔同，例如借HK$10萬，分3年還嘅總利息支出就可以相差HK4萬以上！要善用私人貸款，申請前一定要比較唔同嘅貸款計劃。特別要留意佢地嘅實際年利率（APR），唔好淨係俾禮品或優惠吸引，要確保自己選擇到最適合，又最抵嘅貸款。利用MoneyHero嘅貸款比較平台，就可以一目了然啦！
2.唔睇條款同細則
私人貸款係借款人同銀行或者財務公司之間有約束性既合約，所以一定要睇清楚條款，唔好睇漏重要嘅資訊。例如要睇清楚實際年利率、手續費安排、現金回贈等條款，或者銀行修改合約會唔會通知你等。呢啲細則都有可能打亂你嘅財務規劃，因此簽約確認貸款之前，一定要睇清楚每項條款。
延伸閱讀：借錢畀首期買樓？銀行隨時唔批按揭！
3.一時衝動而借貸
借錢之前要諗清楚貸款用途。借貸係一項重要承諾，舉個例，你借HK$10萬，分24個月還，每個月都要還HK$4,000幾，唔係一個小數目。每個人借錢嘅原因都唔同，例如朋友話你「好似肥咗喎」，唔等於你要即刻去借錢用嚟申請健身會藉，甚或購買減肥美容療程（再者你都未必真係肥咗，可能只係屋企人隨口講吓）。所以借貸一定要三思而後行，諗清楚自己係咪一時衝動，咁就可以慳返好多時間同金錢啦！
4. 缺乏長遠計劃
假如你會因為一時衝動而借錢，就好有可能都有呢個問題。如果你成日諗到就要即刻買/ 做，代表你無一個完善同長遠嘅理財計劃。即係話，你無將所有開支納入考慮。如果無長遠既理財計劃，會帶嚟好多問題，包括交唔到卡數同帳單，甚至令負債不斷增加，再嚴重啲甚至連生活基本開支，如食飯同買日用品等都應付唔同。所以喺申請貸款嘅同時，要考慮埋你將來嘅計劃，點樣還款，同還款嘅影響。
5. 文件唔齊全
如果你喺申請私人貸款時交唔齊需要嘅文件或者證明（例如收入同身份證明），會令到申請程序延長。因為銀行或財務公司需要再通知你補交文件，先可以完成批核。其實，借貸機構要求申請人遞交文件係想證明還款能力，所以交唔齊文件會阻礙批核，變相亦阻礙你個人嘅計劃。所以申請前，記得睇清楚要交咩文件，預先準備好，咁申請就又快又順暢啦！
6. 資料不盡不實
不論係網上定分行申請，填寫申請表時，記得要100%誠實，填寫你知道嘅全部事實，盡量準確。點解要咁做？因為如果你唔如實向銀行或者財務公司申報，最後受害嘅只會係自己。如果你填寫嘅資料不盡不實，有機會引致法律問題，嚴重嘅話，甚至會構成詐騙等刑事問題；如果你申請時用咗其他人嘅資料，已經有機會觸犯虛假文書罪。所以千祈唔好以身試法！如果因為私隱原因，而唔想提供太多或某啲資料，可以問下借貸機構某啲資料係咪必須提供，以及可唔可以用並他資料替代。
7. 代人借貸
為咗幫助無力借貸或者有不良信貸紀錄嘅親朋戚友，有啲人會用自己名義借貸，然後將筆錢借俾其他人用。不過呢個做法避得就避啦！因為係法律上筆錢係你借嘅，會影響到你個人嘅信貸報告，而你嘅親友無法律責任還錢同還息，同你之間只係講個信字。萬一你嘅親友走咗佬，你就要自己「孭起條數」，幫人還錢，信貸評分仲好可能受到負面影響添！
希望以上7個貼士可以幫到大家，避免不必要嘅錯誤，輕鬆利用私人貸款完成目標！
MoneyHero遵從《個人資料（隱私）條例 2013 》致力保障你的個人資料。透過MoneyHero申請貸款時，你的個人資料將傳送至銀行或貸款機構，並由他們處理有關申請。銀行或貸款機構可能會直接聯絡你。除非你同意，否則MoneyHero不會儲存你的個人資料。忠告：借定唔借，還得到先好借！各大財務公司查詢及投訴熱線一覽
精選銀行私人貸款
－
延伸閱讀︰無懼不良信貸紀錄，5招教你申請私人貸款！
