【稅務貸款2019】借 稅貸 前要留意的6個重點

|Posted by | 全部文章, 理財小貼士, 私人貸款
Tags: , , ,

眾多貸款產品中,稅貸一向最令人注目,因為利息比私人貸款低,各大銀行亦好大機會鬥低息搶客,以上年為例,稅貸年利率曾經低過1%,呢排想借錢嘅打工仔可以再耐心等等。申請稅貸前,MoneyHero.com.hk先提提大家關於揀選稅貸幾個重點,作出精明選擇!

2018各大銀行稅務貸款比較: 按此進入

稅貸 同普通貸款有乜分別?

稅貸 係每年稅季都會推出嘅特別貸款產品,大部分銀行嘅 稅貸 係每年10-11月到第二年嘅4月都有得申請,為打工仔渡過交稅難關(亦可用作其他用途)。

稅貸同普通貸款嘅分別在於,稅貸的申請除了需要入息證明文件外,亦有可能要提供稅單證明。如果唔能夠提供入息證明,向銀行申請稅貸會有頗大難度,建議可考慮由財務公司提供的稅貸或私人貸款,以應付資金需要。

稅貸最大嘅優點就係佢一般都比普通私人貸款利息更平。不過佢嘅還款期一般係比私人貸款短,往往只係12個月左右,而私人貸款的還款期最高可長達84個月。另外,稅貸最高貸款額則為月薪的10-12倍,而私人貸款則最多可借月薪18-20倍。

如果你打算申請稅貸,就要留意以下6個重點:

重點1:APR(實際年利率)

銀行所提供嘅各式優惠(例如免息期、現金回贈等)可能會令你花多眼亂。你可以乜都唔睇,但一定要睇稅貸產品實際年利率(APR)!實際年利率將所有優惠及手續費計算在內,可以最實際咁俾你知道利息高低,反映出借錢實際支出。由於要拎到銀行提供嘅現金回贈有唔同條件,例如要申請較高嘅貸款額,所以比較唔計及現金回贈嘅APR會比較清晰。 

重點2:利息優惠有條款

好多銀行在宣傳低息/免息貸款優惠背後,其實係有條款,並非一定人人都可以享受到呢啲優惠。一般而言,低息貸款會有指定貸款額,你要借夠某個數先可享用到嗰個低息優惠,所以借之前記得留意返。另外,亦要留意提早還款嘅罰息,以及是否需要退還/ 償還相當於回贈同優惠嘅費用。

重點3:免息優惠有時限

一般嚟講,稅貸嘅所謂免息優惠都只係覆蓋還款期頭幾個月,而唔係成個還款期,所以大家記得睇清楚免息期有幾長。

相關文章:無懼不良 信貸紀錄(TU),5招教你申請私人貸款!

重點4:信貸評級影響優惠

大家都知,銀行係會參考申請者信貸評級去決定批唔批貸款。其實,銀行亦會根據你信貸評級狀況,去考慮俾唔俾最低息優惠你。如果你嘅信貸評級麻麻,即使能借到貸款都未必能享受到低息優惠或免息期。所以大家要關注一下自己信貸評級喇!

你現時可透過MoneyHero.com.hk 的姊妹平台CreditGo.com.hk 免費查閱個人信貸評級和全面的信貸報告,評估自己可否取得銀行提供的最優惠借貸利率!

重點5:稅貸唔止用來交稅

好多人以為稅貸只可以用來交稅,其實唔係。有些人會借稅貸嚟投資或作其他用途,因為稅務貸款利息一般都會比私人貸款平。不過大家要留意,稅貸還款期比較短,所以申請時記得量力而為,衡量一下自己有無足夠還款能力呀!

重點6:新客戶 / 網上申請優惠

通常,新客申請稅貸都會有首次申請優惠。而好多時經由網上申請,不論新客定舊客都會有網上申請額外優惠,所以不妨試試以網上申請,攞盡優惠!

想了解、比較和申請稅務貸款,請留意MoneyHero.com.hk稅貸比較平台

——

延伸閱讀:【稅貸2018】借錢交稅以外的6個用途

延伸閱讀:職場新人指南: 報稅交稅 Q&A

相關文章︰【認識 結餘轉戶】清卡數貸款到底慳幾多利息?

想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page