INFOGRAPHIC:私人貸款7大好處

|Posted by | 全部文章, 理財小貼士
Tags: , , , ,

HK 7ReasonsToGetPersonalLoan

新既一年需要額外既現金幫補一下?可以試下去附近既銀行,睇下佢地有提供啲咩類型既「有抵押貸款」同「無抵押貸款」。例如私人貸款咁,可以用合理既條款,借到額外既流動資金。長遠黎講,可以幫你理財既時候更有彈性。

HK-ZH_IG_Personal-Loans

Share this Image On Your Site

----

如果唔知道私人貸款可以用黎做啲咩,以下係一啲可以藉私人貸款黎達成既目標。

1. 裝修屋企

無論係想裝修靚啲屋企,又或者要進行大翻新,拉過晒屋企啲電線同整水管都好啦,好多人都會嫌麻煩,唔到最後一分鐘都唔拍板。如果宜家預留左資金做裝修,就唔使第時太遲先後悔。更何況裝修好間屋既話,租或者賣出去既價錢都高啲啦!

2. 子女教育費

電視廣告都有話,養大一個BB要成四百萬。而教育費毫無疑問佔左家庭支出入面好大既比重。每一個家長都想比到子女最好既教育,而私人貸款就可以幫輕一下學費負擔。有啲學校可能要一次過交好大筆學費,特別係私立或者自資學校就更貴,甚至好似大學咁,一年交兩次,每次成2萬蚊咁多!所以無論你有一個定三個小朋友都好,用私人貸款都可以幫到你。

 

3. 進修

私人貸款唔係淨係用黎比仔女既教育,你都可以用黎自己進修!你可能考慮緊讀返個MBA,或者讀個PhD黎提升自己既專業。宜家既就業市場越來越競爭激烈,所以都多左人會去進修,讀碩士博士又好、證書都好,可以整靚自己既CV,又拎多啲經驗。

4. 創業

聽落可能有啲出人意表,但越來越多首次創業既人都選擇借私人貸款,作為佢地既創業基金。如果你有良好既信貸評分,又一心打算自己創業既話,私人貸款可以話係一個相當唔錯既選擇。

5. 去旅行

去旅行有一種特別既魔力,相信係全世界數以百萬人既必做清單上面都佔一席位。不過機票、酒店、JOIN下當地啲即日TOUR、睇SHOW、入場費⋯加加埋埋都好大使費。不過人一世物一世,無論想去加勒比海二次度蜜月,或者想帶屋企人去歐洲度假,私人貸款都可以幫到你去一次畢生難忘既旅行!

6. 搞婚禮

對每個女人黎講,結婚既一日就係人生中最重要既一日。不過,結婚既大日子同時都可能係人生中最貴既一日!有左私人貸款幫你,就唔使喺大日子慳住慳住。私人貸款可以用黎比酒席、場地、花球、甚至嗰件你恨左好耐既婚妙!

7. 私人貸款 V.S. 信用卡

其實私人貸款唔一定係要使好大筆錢既時候先可以用,有左一筆額外既資金,可以做好多唔同既野。有好多人覺得用信用卡方便啲,但就要好小心唔好碌爆卡。

如果你都係呢種人既話,咁私人貸款可能更加啱你。因為佢一次過比一大筆錢你,只要喺12至60個月內還錢就OK。咁你就唔使怕利疊利,還成十幾廿年都未還得完啦!

---

想搵到最適合你既香港私人貸款,就要利用MoneyHero網頁,比較各大借貸機構既唔同私人貸款計劃