Subscription Modal Banner
Weekly newsletter subscription
Get MoneyHero’s top tips and deals, plus an exclusive free guide to investing, sent straight to your inbox.

I agree to the terms and conditions and agree to receive relevant marketing content according to the privacy policy.

Success Tick Icon
Congratulations on successfully joining MoneyHero Newsletter

8種有營食物,輕鬆減磅但荷包唔縮水!

MoneyHero

MoneyHero

最後更新於 09 January, 2015

HK_ItemsThatShouldBeInYourGroceryList

新一年,新開始。你又準備好未?好多人既新年目標都係生活得更健康。想達成呢個目標,最重要就係均衡飲食。相信多數人都係去超級市場,或者去街市買餸。但每樣野食除左有唔同產地,重有唔同牌子,令人花多眼亂。你應該點分辦佢地既好壞,應該點揀?

為左你脂肪同埋荷包著想,你應該根據自己既飲食需要,同埋屋企有咩餸,設計一個適合既餐單。跟住你就可以寫一個購物清單,一去到超市/街市就跟住買(記住唔好一時忍唔到手買左無謂野呀!)。我地喺下面列出左8樣常見既健康食物,大家下次去買餸既時候可以留意一下!

1. 全麥麵包

雖然白麵包好似比較常見,但如果可以避免,盡量都唔好買白麵包!因為佢地係用左經過高度加工既麵粉,所以冇咁健康。相反,全麥或者全穀麵包,就健康好多啦。除左面包之外,其他穀物,例如穀類早餐同埋麥片都係健康既選擇。

 

2. 糙米

飯就日日都食,但你又知唔知白米同埋糙米都有好大分別?雖然糙米要煲比較耐既時間,但識揀既話,一定係揀糙米!同白麵粉一樣,白米都經過左多啲加工,所以纖維會比糙米少。相反,糙米比較少加工,所以多啲維他命同埋其他營養成份保留左喺米入面,比白米有營養。

3. 意粉

同麵包一樣,意粉都係麵粉做既,所以比較注重營養既人,可以選擇全麥意粉。就算減肥都好,每日都應該食足夠既碳水化合物。意粉又有碳水化合物,又煮十分鐘就搞掂,夠晒方便,係唔錯既選擇。要臨時搞PARTY,都可以煮唔同種類、形狀既意粉,加上唔同既醬汁,慳返唔少準備時間!去大啲既超市或者鋪頭,重會有啲意粉既原料已經包括埋蔬菜,例如菠菜同紅蘿蔔等等…咁就食得更健康啦。

 

4. 牛絞肉

相信唔少食肉獸或牛魔王都好想餐餐食牛扒,但實在唔夠彈藥咁好。呢個時候就可以考慮食牛絞肉!佢比牛扒平,又比豬肉健康啲,所以用佢黎攝取紅肉既營養就最好啦!你可以將牛絞肉整成肉丸,就咁加啲蕃茄醬食又得,整意大利風味番茄燉肉又得,重可以整日式漢堡扒,或者墨西哥卷餅,真係數都數唔晒。當然,白肉(例如雞或者海鮮)同埋雞蛋都可以提供好多紅肉既營養,重比紅肉平!

5. 原隻雞

成隻雞買又用得晒既話,其實比起一pack pack買唔同部位會平好多。買之前記住貨比三家,超級市場、連鋪凍肉鋪或者街市凍肉鋪既價錢都可以好大分別架。雞可以做既菜式數都數唔晒,可以原隻烤雞,或者分開唔同部位煮,一個星期食幾餐都得。食完啲厚肉既地方,淨低既部位例如骨咁可以用黎煲湯或者燉野,咁就唔會晒。

 

6. 新鮮蔬菜

一啲時下好流行既節食減肥方法往往都包括增加你每日食既蔬菜份量。有幾種蔬菜係比較容易加入唔同既餸入面既,例如椰菜、蕃茄、青瓜同紅蘿蔔等等…當然,最好買新鮮蔬菜,其次係急凍蔬菜,最後先係罐頭蔬菜。

7. 調味料

幾乎所有野食加左調味料之後都會好食好多,例如鹽、蒜頭、洋蔥就係最基本既調味料。想煮出黎既野食野味啲,不防列出你屋企最常整既野食,然後諗下有冇咩特別既調味料可以用。喺大型超市唔使好貴就可以買到一樽樽既乾香草,例如迷迭香(rosemary)同羅勒(basil),辣椒或者薑等等都有架!

8. 健康零食

想戒左唔健康既垃圾食物或者糖,但又成日口癢想食野?咁就要試下天然既零食,例如生果(新鮮或者生果乾)、蔬菜粒、芝士、唔同種類既果仁或者冇鹽既爆谷。你可以用餅乾、百吉圈(bagel)、fro yo、雪葩,代替蛋糕、曲奇餅同雪糕。如果想食朱古力既話,最好就揀純黑朱古力。

————

想知道多啲慳錢又可以改善健康既方法?記住留保我地既blog! 喺新既一年,記住做個精明消費者,買野之前記得格價。即上MoneyHero網頁,比較唔同信用卡醫療保險旅遊保險私人貸款