職場秘笈:點揀聖誕禮物好?

|Posted by | 全部文章, 品味生活
Tags: , , ,

又到聖誕,又到聖誕~!唔少公司都有互送或者交換禮物既習慎,但如果想要每個同事都覺得被重視,揀禮物其實係好高難度既一件事。你送啲咩禮物,直接反映左你對你同事、甚至老闆既關係點睇。同樣地,你收到啲咩禮物,都代表左你喺同事或者老闆心目中既地位。老闆送比員工既禮物往往反映左佢係咪重視呢個員工。

以下係一啲送禮貼士,希望幫你分析有咩可以做,有咩唔可以做;等你可以過一個安安樂樂既聖誕節!

送比同事既禮物

雖然好難買到一份100%啱心水既禮物,但都唔係冇可能!買禮物比同事既時候,可以留意下以下呢幾點:

  • 收禮物既係邊個?
  • 佢同你既關係如何?
  • 你份禮物既budget有幾多?

買禮物前,最好諗清楚以上幾點!因為送禮物代表你重視同收禮人既關係,唔係用黎上位,亦都唔應該係因為想喺人地身上攞到啲咩著數。

基本上,有好多禮物係應該避免送既,例如兒童不宜既野、可能會冒犯到人既野、有歧視性質既野、同宗教或者政治觀點有關既野、個人護理產品、現金等等…同時,記得買禮物要喺自己負擔範圍之內,唔好買太貴既禮物。一句講晒,禮物唔係用黎晒命,最好係實用,同埋對方會鍾意。

送比老闆既禮物

一般黎講,職場上既禮儀係冇限定你要送禮物比老闆既。但如果你覺得情況適合,可以同同事一齊,夾一份禮物送比老闆。如果你想自己送野比佢,就最好私底下送,唔好咁張揚。

送比老闆既禮物應該要表達到你既謝意,同埋對佢既感激。不過,如果你送太貴既禮物,佢可能會覺得你擦佢鞋,反而唔會覺得多謝你!同時,你既同事都會覺得你想上位想到出面,咁好有可能令你同佢地既關係都變差埋。所以,一個裝滿你老闆鍾意食既野既禮品籃,或者寫張卡比佢,都已經好足夠。

你亦都可以考慮送啲同老闆興趣有關既禮物比佢。例如你老闆鍾意打GOLF,就可以送啲哥爾夫球比佢;或者佢鍾意既歌手既精裝圖文書等等…

———

除左以上既野之外,送禮既時候都有其他野要考慮架!如果你係喺大公司做,咁分分鐘會有啲針對送禮既規矩。所以送禮前,要問清楚HR同事,咁就唔怕做壞規矩。送禮最緊要係抱住中庸之道,唔好使咁多錢,但當然,亦都唔可以太cheap啦。

送禮比同事或老闆,最忌送禮卷或者gift card!你可以問下同事或者OFFICE其他人,有冇咩送禮既提議,咁可以幫你買到更加適合既禮物。你諗下,比起啲送到爛既杯呀、文具呀,收禮人收到特別為佢而買既禮物,都會開心啲啦!

最後,如果你收到禮物,千祈要記得多謝!如果想回禮,你可以送返張心意卡比同事就OK,唔使話特登搵一份同等價值、甚至更貴既禮物送返比佢。

———

如果你鍾意網上購物既話,記住邊買邊賺積分。即刻比較唔同既信用卡,申請一張可以幫你賺得最多回贈既信用卡!