日本交通卡大搜查(1):Suica 西瓜卡使用教學

MoneyHero團隊
最後更新 Feb 11, 2022

日本交通卡大搜查(1):Suica 西瓜卡使用教學

近年多咗廉航開通,加上日圓匯率吸引同日本政府大力推廣旅業遊,香港人去日本旅行嘅次數有多無減。肥叔叔今次就同大家介紹吓響日本非接觸儲值式交通卡 – Suica 西瓜卡嘅購買、使用及增值方法!

日系非接觸儲值式IC支付卡:八達通嘅親戚!

日系非接觸儲值式IC支付卡

響日本,類似八達通嘅交通卡係由唔同嘅公共交通營運商發行,主要用於鐵路及巴士,而技術就係同香港八達通一樣,都係由SONY開發嘅FeliCa系統。非接觸儲值式支付卡在日本被稱為「IC卡」,而搭車用、由公共交通營運商發行嘅就統稱為「交通IC卡」。除咗「交通IC卡」外,大企業林立嘅日本其實有相當多嘅非接觸儲值式支付卡,好似營運日本7-11嘅母公司就有用「nanaco(ナナコ)」(吉祥物=長頸鹿)、AEON響日本母公司就有「WAON(ワオン)」(吉祥物=狗狗)等等。

雖然非接觸儲值式交通卡嘅技術係由日本企業發明,但係相比香港八達通,日本交通IC卡由引入至普及嘅速度就遠遠都比唔上,其中主要原因係因為日本人平日返學返工都係用返專屬同一對車站,有折扣嘅「定期券」,即係類似月票、季票嘅車票,對單程車票嘅需求無咁高,直至響塑膠磁氣式儲值車票停止發行,加上「定期券」改為印響交通卡上面同寫響晶片入面,同埋2004年先陸續開始全國嘅「交通IC卡」聯網,普及率先至有顯著提升。
 

溫馨提示:旅遊保險

TI insurance

買完機票即刻買旅遊保險,享受最全面的保障!市面上有旅遊保險已提供2019 冠狀病毒保障,包括海外醫療費用/取消旅程/提早結束旅程等,讓旅途更安心。當中,Allianz Travel 安聯旅遊、Starr Companies卓悅遊及AXA 安盛都有不同的新冠肺炎相關保障


本網提供一站式旅遊保險比較平台,只需3分鐘就可幫你比較及立即購買旅遊保險,保單即時生效,現時經我們購買指定旅遊保險還有低至8折優惠!

 
日本發行量最大嘅交通IC卡,就係營運地域最大嘅鐵路企業JR東日本發行嘅「Suica(スイカ)」(吉祥物=企鵝,個名叫Pengin),華文圈又興叫佢做西瓜卡,因為同日文西瓜讀音相同。當你去嘅地方嘅幹線鐵路係由JR東日本營運,即係日本本州東北、關東至接近中部地區,主要幹線鐵路都係JR東日本營運,咁你買到嘅「交通IC卡」就好大機會係Suica喇。

「買」Suica幾乎係不經人手,除非去機場買嘅係連機場鐵路來回線嘅特別車票,否則只要你行去車站嘅自動售票機,揀Suica交通IC卡,入最少¥1000,就有張Suica走出嚟喇。近年外國遊客多,JR東日本仲整埋英文版youtube片教外國人買添 。雖然係「買」,其實背後個運作原理同八達通一樣,都係租先真,所以撳張Suica嗰時就會收咗¥500按金,可用金額得¥500。退卡時,要響餘額度扣¥220手續費,唔夠¥220就扣到盡,但係一樣畀返¥500按金你。

如何用Suica卡增值?

如何用Suica卡增值?

如果響車站附近,增值Suica嘅最快捷方式就係用最普通嘅自動售票機,你可以先入卡再入錢,或者入錢再入卡,響屏幕揀增值(チャージ/入金/Charge)同增值金額就得。響JR東日本嘅售票機最少係增值¥500,夠搭3次最低收費嘅山手線,張卡最多可以儲值¥20,000。

除咗響自動售票機增值外,同香港嘅八達通一樣,響指定嘅零售點,好似超市或者便利店都可以增值。你只要行去收銀櫃位同店員講話要增值張Suica就得,日文係「Suicaのチャージをしてください」(請替Suica增值),通勝式嘅粵語讀音「Suica囉叉廚呵氏嗲括他西衣」,或者簡單英文有「Charge」同「Suica」都可以,然後就同現金增值,下面就有可以增值Suica嘅便利店列表。

買嘢都用得Suica

同樣,唔止係搭車,響日本好多零售、飲食點嘅POS零售收銀系統都設有非接觸儲值式支付卡讀卡機,佢哋有啲係全功能,交通IC卡、零售IC卡、非接觸信用卡同手機NFC支付都讀到,雖然唔係全部都用得,用得又增唔到值,但係交通IC卡畀錢就係咁多種功能之中最普遍嘅。

肥叔叔唔似日本人咁有耐性,好難忍受一個一個銀仔數出嚟畀錢嘅嗰個漫長歲月,更唔想成個袋都係無自動販賣機收¥5同¥1硬幣,所以肥叔叔響日本時都會同香港係咁八達通一樣,響無信用卡選擇的話就會用交通IC卡畀錢多過用現金。

響日本,例如響便利店買嘢飲,收銀時你只要同講佢講「Suicaで支払います」(以Suica支付),通勝式嘅粵音係「Suica嗲夏拉衣馬殊」,咁店員就會響POS度撳著個讀卡機畀你拍卡,餘額就會響POS個屏幕同張單度顯示。

返到香港都可以睇返張Suica剩返幾錢?

另外一招想講嘅,就係睇吓張替Suica啲錢點駛咗──響香港,我哋啲車站有八達通查閱機,而響日本的話,最簡單就係用返車站用嚟出卡同增值嘅嗰款自動售票機,佢可以列出之前20個、印出100個消費紀錄,要記賬嘅話就好方便。

如果已經返到香港的話,都仲有絕招──當手機係Android而又有NFC介面嘅話,可以去Play Store搵返Suica讀卡App下載,用手機讀返出嚟;但係手機係iOS嘅話,就麻煩好多,要先幫襯香港八達通公司,買佢嗰部SONY嘅FeliCa藍芽讀卡器= 八達通流動讀寫器,再響iPhone度用日本App Store裝返個叫 Pasori嘅App先可以睇到喇。

支援Suica卡增值零售點

店舖分類 名稱
便利店/超市 7-11
セブンイレブン
便利店/超市 羅森 Lawson
ローソン
便利店/超市 全家 FamilyMart
ファミリーマート
便利店/超市 Ministop
ミニストップ
便利店/超市 NEWDAYS
便利店/超市 永旺 AEON
イオン
便利店/超市 Circle K Sunkus
サークルKサンクス
便利店/超市 Seicomart
セイコーマート
便利店/超市 Community Store
コミュニティ・ストア
便利店/超市 Three F
スリーエフ
便利店/超市 Daily Yamazaki
デイリーヤマザキ
電器/日用品 Sofmap
ソフマップ
電器/日用品 Bic Camera
ビックカメラ

延伸閱讀: 日本交通卡大搜查(2):北海道·關東·中部篇

延伸閱讀:日本交通卡大搜查(3):關西·九州篇

去旅行前,記得上MoneyHero.com.hk比較吓,揀份最啱你嘅旅遊保險!


去旅行梗係要帶張海外簽賬必備信用卡,邊簽賬邊賺回贈,話咁快又可以再飛!

外幣簽賬信用卡之選

即上我們的比較平台,比較市面上最佳外幣簽賬必備信用卡:

經本網成功申請指定信用卡仲可以獲得額外獎賞現金券,詳情請按此

——
想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page

MoneyHero團隊 11th February 2022 19870