6個免費理財記帳APP

|Posted by | 全部文章, 理財小貼士
Tags: , , , , , , , , ,

HK_6SmartphoneBudgetingApps

如果淨係可以擁有一件電子產品,好多人都一定會㨂智能電話。智能電話可以話完全改變左大家既生活模式。除左內置既功能,例如:打電話,寫短訊,高清鏡頭,聽音樂,日程表,做筆記之外,如果你有無限上網,加埋LTE既話,你既電話可以做到既野真係數都數唔晒。

宜家既apps又多種類又多選擇。想搵唔同功能既APP,一啲都唔難。但與其淨係下載遊戲黎玩,不如善用唔同APP,令自己理財技巧更進一步啦!買APP其實用信用卡喺網上一CLICK就搞掂,不過未必下下要比錢,市面上都有好多平靚正既免費APP!

以下6個免費理財記帳APP,無論ios定android都用得架(有啲重有windows phone版本)!

 

  1. Spending Tracker 

1

Spending Tracker 喺ios, android, windows都用到,介面簡單得黎,又不失設計感。入面有好多簡單又就手既功能,令你更容易記錄低收入同支出。要理財,當然唔少得要將啲支出分門別類,呢個APP有成100個支出類別咁多,可以更準確咁知道啲錢用左去邊。你重可以按日期、唔同月份、年份,檢視同一個時期既所有支出添。

 

  1. Toshl理財 

2

呢個APP可以話係全世界其中一個最受歡迎既記帳APP。佢既介面夠晒簡潔,可以簡化記帳既既過程。個APP可以同Toshl.com同步,等你喺電腦都可以睇得返啲資料。唔止咁呀,個APP重支援外幣,你可以自定匯率或者用預設左既貨幣轉換器,啱晒成日喺國外網shopping既朋友仔。如果你鍾意拎住啲實質啲既野黎計數或者留個底,可以比錢升級去TochI Pro,將個APP入面既資料輸出做PDF,Excel,或者GOOGLE DOC。

 

  1. Goodbudget 

3

呢個APP相當特別,因為佢既概念係源自好出名既「信封理財法」--即係計好預算之後,將啲錢根據唔同支出類別,放入唔同信封,咁重有幾多錢可以用就一目了然。呢個APP既原理都係一樣,你可以一開始設定好每個類別既支出限制,咁就可以就住黎使。

個APP重好啱一家大細一齊用,因為佢可以同步家庭支出。例如有人喺水費「信封」入面扣左錢,你都會喺自己電話睇到,咁就唔怕重覆計左啲支出。除左記低自己用左幾多錢,你重可以喺個app輸入戶口既餘額,再指定啲支出喺邊個戶口扣錢,咁就唔使成日CHECK唔同戶口既餘額咁麻煩!

 

  1. Expensify 

前面3個APP都係用黎記個人支出,但Expensify就比較適合紀錄商務支出。只要用自己公司email登記,就可以利用佢既唔同功能。例如你可以用app既掃瞄功能,只要影低張單,個app就會自動幫你入數。加上可以記錄唔同信用卡,就可以喺個app入面睇到簽左咩數。如果你係公司老闆/會計部/HR,可以考慮叫員工用呢個app,令claim單數碼化!公司除左可以設定唔同支出分類、claim數既規則之外,重可以記工作時數同交通費(可以用gps證明交通距離)。當然唔少得可以將app既資料輸出做唔同文件檔案啦。

 

  1. Pocket Expense 

5

無論你係儲緊錢買新電腦,定係要預留錢交電費,Pocket Expense都幫到你!只要一個app,就可以記低晒多個預算計劃、帳單、戶口⋯你重可以設定唔同既定期帳單,Pocket Expense會提你交錢,重可以設定你係分期比定比晒全數,令支出計算更加準確。另外重可以按分類或者日期用圖表或者數據既方式睇到支出既趨勢。

 

 

  1. Expense Tracker 2.0 

6Expense Tracker既目標族群係愛好科技既專業人士。2.0既版本有一系列既全面既功能,唔止可以記帳,重包括埋儲蓄版面,幫埋你輕鬆儲錢。最勁既就係Expense Tracker內置左理財顧問,幫你評估財務狀況,根據你個人需要黎提醒你控制支出。每個月重會自動整合財務報告,寄到去你email。加上佢既介面企理之餘,唔同支出分類既顏色搭配夠晒鮮明順眼,用落感覺良好。

 

---

雖然市面上有咁多類似既理財app,但可能只得幾個可以滿足晒你既要求:例如要有足夠既功能、夠方便、符合你既記帳需要⋯無論你係啱啱開始記帳,定係已經記左帳好多年,搵啱一個app可以大大提高你既效率,幫你慳時間又免麻煩!

想知道更多改善你消費習慣既方法,就要留意MoneyHero blog同大家分享既慳錢貼士啦!