Subscription Modal Banner
Weekly newsletter subscription
Get MoneyHero’s top tips and deals, plus an exclusive free guide to investing, sent straight to your inbox.

I agree to the terms and conditions and agree to receive relevant marketing content according to the privacy policy.

Success Tick Icon
Congratulations on successfully joining MoneyHero Newsletter

煙民買醫療保險,要畀幾多錢?

MoneyHero

MoneyHero

最後更新於 11 June, 2015

post_煙民買醫療保險要畀多幾錢_blog

「你有無吸煙習慣?」當你購買醫療保險時,總會被問到這問題。如果你係無食過香煙嘅,當然就好快答到,但如果你係social smoker,間中先食一兩支,咁算唔算有抽煙習慣呢?你又知唔知道,就算你無食過煙,係保險公司嘅定義中,你都有可能算係「有吸煙習慣」?

抽煙,幾錢?

保險公司問得你有無食香煙,當然有原因。由於煙民有機會出現更多嘅身體問題,市面上大部分嘅保險公司,都會收取煙民更貴嘅保費。調返轉諗,咁樣非煙民咪可以畀平啲保費囉。一般來說,煙民買醫療保險,保費會高約20%;但市面上都有保險公司,煙民同非煙民都劃一收費,非煙民就要留意返喇,劃一收費或者意味住你要負擔埋煙民嘅抽煙患病風險嫁。

點先算習慣?

抽煙依個行為好易定義,但點先算習慣呢?嚴格黎講,保險公司會根據你血液裡嘅尼古丁濃度,去定義你算唔算有抽煙習慣。不過,唔係每間保險公司都會要你驗身,係視乎你本身嘅年紀、投保保額嘅大少等等去決定,好多時保險公司同你都係講個信字,你話自己有就有,無就無嫁喇。

一般來說,如果你兩至三年無食過煙,都應該會過到驗尼古丁嘅科學測試嫁喇。

無食過煙,但尼古丁都超標?

人體內嘅尼古丁,唔一定係通過吸煙得到嘅。如果你係屋企同工作場所長期吸入大量二手煙,你血液內嘅尼古丁濃度都會高左,有可能過唔到尼古丁測試。

食電子煙又點計?

近年多咗人食電子煙,有說電子煙對身體嘅傷害少啲,但食開電子煙,又算唔算有吸煙習慣呢?雖然電子煙無焦油,但佢都有尼古丁成份,所以你都算係有食煙嫁喇,係申報吸煙習慣時,你應該如實咁話自己係有食電子煙習慣,免得出事時,保險公司話你隱瞞而拒絕賠償。

咁你有食都話無食,保費咪平啲囉?

係,咁樣保費係平啲,但你買醫療保險,係為左交保費,定為左有保障先?假設你日後患病想申請醫療保障,而保險公司又發現你虛報吸煙史,保險公司有權唔賠畀你嫁!留意,唔係單單唔賠與吸煙相關嘅疾病,就算同吸煙無關嘅疾病,保險公司都可以因為你虛報,影響咗佢估價而拒絕賠償。

你戒左煙,咁可唔可以畀返非煙民保費?

基本上係可以嘅。當你戒左煙兩至三年,你可以向保險公司申報自己已戒煙,保險公司就會安排你接受體測,過到嘅話,就可以畀返非煙民保費嫁喇。而順帶一提,如果你買保險時沒有食煙,後來先開始食,就無需要同保險公司申報,繼續畀非煙民嘅保費。不過,為左自己嘅健康,戒得到就戒左佢啦!

或者你仲會懷疑自己算唔算有「吸煙習慣」?或者你想知道自己買邊份醫療保險最適合?即上MoneyHero,一次過比較各大公司嘅醫療保險計劃!http://goo.gl/hlAo8l

——

即上MoneyHero.com.hk,瀏覽更多金融產品(例如按揭醫療保險旅遊保險信用卡私人貸款)有關既資料!想知多啲慳錢貼士同理財建議,就要留意MoneyHero blog,同埋緊貼MoneyHero facebook page!