私人貸款有好多用途。例如你要使一大筆錢，或者想將唔同既債務組合埋一齊，甚至想減少現有債務既利息，私人貸款都可以幫到你。既然私人貸款可以做到咁多野，點先可以善用私人貸款，將佢既功用發揮到最大呢？ 「 如何善用私人貸款？ 」幫你解答以上既問題！

償還現有債務（結餘轉戶）

如果你打算借私人貸款黎償還現有既債務（例如卡數），有一樣好重要既野你要記住：你只係將債務由一個戶口轉到另一個戶口，絕對唔係還左債。由於結餘轉戶私人貸款既目的係為左減少現有債務既年息，所以如果你係想減少利息支出既話，就可以考慮呢類型既私人貸款。呢類貸款適合有多於一項債務既人，綜合債務之後，實際年利率會比較低，咁就可以慳返啲息。加上同一時間要管理唔同既債務都幾麻煩，所以結餘轉戶私人貸款亦可以幫你容易啲打理債務。

家居裝修

市面上有啲借貸機構會提供裝修貸款，但呢類貸款多數利息同實際年利率都比私人貸款高。同時，喺批核貸款之前，亦都會要求你遞交比較多證明文件，例如裝修圖則、收據等等。

但申請私人貸款，再用黎支付家居裝修既開支的話，就可以唔使比咁貴息。另外，多數私人貸款都唔使證明申貸原因，所以申請手續都冇咁麻煩。

創業

如果你申請唔到企業貸款既話，私人貸款都係一個唔錯既選擇。無論你係第一次創業，或者想以「特許經營」 創業，私人貸款都可以做你既創業基金。由於私人貸款屬於無抵押貸款，你唔需要提供資產做抵押品，所以失去資產的風險比較低。

結婚＆旅行

結婚同旅行都需要喺短時間內使一大筆錢，所以申請私人貸款可以幫你舒緩一下經濟壓力。但係記得要比較還款期、手續費、利息等等，揀一款最適合你既貸款。利用MoneyHero比較不同私人貸款，搵出最抵既一款，避免去完旅行或者搞完婚禮都重拖住一大筆數未還清！

———

總括黎講，善用私人貸款其實即係等於好好運用筆錢既同時，將代價（利息同埋實際年利率）減到最低。所以秘訣就係要搵一款最啱你、最抵既私人貸款。即刻上MoneyHero，比較香港不同借貸機構提供既私人貸款，睇啱重可以即時網上申請！

想知道更多喺唔同時候既慳錢貼士同理財建議？留意MoneyHero Blog啦！