Subscription Modal Banner
Weekly newsletter subscription
Get MoneyHero’s top tips and deals, plus an exclusive free guide to investing, sent straight to your inbox.

I agree to the terms and conditions and agree to receive relevant marketing content according to the privacy policy.

Success Tick Icon
Congratulations on successfully joining MoneyHero Newsletter

唔食藥,都可以抗抑鬱?

MoneyHero

MoneyHero

最後更新於 28 November, 2014

HK Shake Off Depression 抑鬱可以用好多唔同方式出現。病徵包括:心情會成日大起大落,情緒低落,覺得自己好無用。嚴重既話,會令到人有自殺既念頭。 抑鬱唔係不治之症,只要病人接受適當同埋足夠既心理治療,就可以戰勝抑鬱!如果你或者身邊既人有抑鬱既徵症,又有醫療保險的話,就去做心理治療。但如果想唔食藥,都趕得走抑鬱,重可以試下以下呢啲方法。

養寵物

狗仔係人類最好既朋友,佢地對你無條件既愛,可以令你抑鬱既時候開心返啲。養隻寵物陪住自己,重可以令你覺得冇咁孤獨。加上養寵物既責任感,可以令抑鬱患者覺得自己重要啲。最近有一個研究,比較左兩組抑鬱患者。兩組患者都有定期睇心理醫生,分別在於,第1組去睇心理醫生時會同狗仔玩,但第2組就唔會。結果發現,同狗仔玩嗰組病人比另一組康復得快啲。除此之外,狗仔咁精力充沛,同埋咁愛佢既主人,可以令抑鬱症唔會發作。

搵人傾訴

有好多野講左出黎會舒服啲。遇到困難既時候,其實無論搵邊個傾,傾啲咩都好,都可以令你心情好返啲。除左你信任既親友之外,你都可以對寵物講下煩心事。嘔晒啲煩惱出黎,可以令自己開心返!

寫日記

如果你真係冇MOOD同人講野,另一個做法係定期喺日記寫低自己諗緊咩。寫日記既時候越詳細越好,之後如果你間唔中睇返寫過啲咩,就可以發現有咩會觸發抑鬱,以後就可以盡量避免呢啲事。如果你覺得太沮喪,可以只係撩幾隻字,畫下畫,都會有幫助。

設定目標

為自己設定一個目標,然後慢慢努力達成佢。你既目標唔使好難,可以簡單到:「聽朝我要起身」,或者「我要兩個月內瘦五磅」;想挑戰自己既話,可以設定難啲既目標,例如:「開間CAFE」。不過,目標一定要係對自己黎講有意義既野,你亦都要盡力嘗試達到佢,咁就可以比返啲方向自己。當然,唔好將目標定得太天馬行空,最好係啲只要一步步做,就可以實現既野。

慢慢黎,唔使急

有時候,都要比啲靜靜地既私人休息時間比自己,唔好諗其他人同其他野。只要按自己既速度做野就OK。你可以收埋自己喺枕頭堆入面,好好放鬆;喺梳化度一邊攬住狗仔、你鍾意既人、甚至枕頭,一邊睇你最鍾意既電影或者電視劇;做運動;做瑜珈;喺屋企附近行下等等⋯呢啲休息時間可以幫你脫離外界既影響,排下毒,令自己心理質素好啲,甚至令你重新掌握自己既生活。

-

記住,你都要付出啲努力,先可以令自己開心返。你需要好好檢視一下自己既生活,將令到你抑鬱既人、事、習慣踢走,取而代之,搵啲可以令你覺得開心同安心既人事物。當然,亦都唔使強迫自己一夜之間作出改變,你有好多時間可以慢慢黎:)

-

到底抑鬱可唔可以claim醫療保險?大部分香港既醫療保險都唔包心理疾病,例如人格分型、精神錯亂、焦慮同抑鬱。不過,當然都有少數保險係包既。要搵啱自己需要既醫療保險,可以睇下同MoneyHero合作既醫療保險公司,搵出最適合你既醫療保險。