Subscription Modal Banner
Weekly newsletter subscription
Get MoneyHero’s top tips and deals, plus an exclusive free guide to investing, sent straight to your inbox.

I agree to the terms and conditions and agree to receive relevant marketing content according to the privacy policy.

Success Tick Icon
Congratulations on successfully joining MoneyHero Newsletter

5大香港賞櫻熱點

MoneyHero

MoneyHero

最後更新於 04 March, 2015

post_sakura_blog

冬去春來,天氣回暖,看花的季節又來了。新年過後,如果各位嘅annual又無晒,bonus又用得七七八八,其實都唔需要太灰心嘅,如果有friend同你講要去日本睇櫻花?不要去羨慕,事關一樣無晒假嘅小編已為大家搜攞咗本土睇櫻花攻略,等無假期又或者無budget嘅各位,都可以開開心心留港賞櫻花。

全球有二百幾種櫻花,至於香港櫻花嘅品種,主要係台灣山櫻同河津櫻,形態顏色等都各有不同架~

台灣山櫻花/鐘花櫻桃/緋寒櫻: 多數生長在山區,花瓣淡粉紅色,通常有5片小花瓣

 河津櫻: 由日本移植台灣山櫻花至九州種植,與當地大島櫻自然繁衍出的新品種,花形較大,單瓣花瓣、花 瓣彼此較為分離,顏色為淡紅色,花蕊為紅色

講完香港櫻花嘅大致類別,咁就即刻同介紹番香港各地賞櫻熱點喇!

第一賞花點:太古城鰂魚涌公園

近日網上熱傳港島區嘅太古城鰂魚涌公園一角都驚現櫻花! 小編根據朋友實地觀察得出結果,呢棵生在平地嘅櫻花樹,佔地範圍未算太廣,所以畫面亦不如一般眼見壯觀。如要大家要到公園賞櫻,穿過太古城中心商場連接公園嘅行人天穚,落樓梯之後沿海旁向北角方向前行約三分鐘便到達。呢個賞櫻點算唔錯,因為佢位置喺正上班區,大家收左工又無咩做嘅時候,不妨可以去行下,感受一下嗰種偽日本氣氛。

第二賞花點:大帽山郊野公園內的櫻花園

大帽山郊野公園種咗38株由台灣送贈的緋寒櫻,有朋友早前報告,其實今年大帽山櫻花數量並不太多,亦大家都有丁點失望。如果仍然想去賞櫻,大家可以喺荃灣西鐵路站總站搭51號巴士,在「郊野公園」站落車,沿大帽山道往上步行約十分鐘就到架喇~

 20141229151528_3_P1750066

(圖為大帽山郊野公園內的櫻花園,每到賞芝季,便吸引大批市民來賞櫻。

*圖片來源 UHK 港生活 https://hk.ulifestyle.com.hk/topic/detail.html?id=ABFGD1ozBwhZEANq

第三賞花點:中大新亞書院

第三個賞櫻點則是新亞書院,喺學生宿舍知行樓外,一共種了近20棵日本河津櫻,它與其他賞櫻點櫻花相比,算係最早開花、花期也是最長的。品種上,它屬於河津櫻,來自日本,其他的是台灣品種。河津櫻特性是有較長的賞櫻期,花的顏色是淡粉紅色。

第四賞花點:嘉道理農場

嘉道理農場的櫻花多生長在高地,胡挺生先生紀念亭的數量最多,上山時一條分岔路有一棵最大的櫻花樹,數量大將有十株左右,品種為「鐘花櫻桃」的櫻花,顏色較深,屬台灣的山櫻花的一種。

第五賞花點:長洲關公亭

長洲山邊道關公忠義亭兩旁種植了十多棵櫻花樹,是全港最大型的櫻花群,長洲生長的是台灣「山櫻」,屬溫帶粗生植物,不難栽種,花的顏色教深,花形細小以及較密。長洲落船後,轉右見到魚類統營處之後,行入巷仔,見「山頂道」牌,再行入巷仔,出巷仔後右面見投注站,左面見公廁,行上斜路就是關公忠義亭,全程10分鐘左右。

綜合路邊消息,近期盛開櫻花的地點包括新熱點嘅太古城鰂魚涌公園以及大帽山郊野公園的櫻花園,嘉道理農場、長洲以及中大的櫻花已盛放了好一段日子,花期亦已接近尾聲,大家如想抓住櫻花尾巴,就可以快啲去鰂魚涌公園行一轉喇!

睇完心郁郁? 好啦~小編相信大家annual quota好快又renew,好快又可以再出埠架喇,趕唔切賞櫻?等到四、五月儲夠假同錢去荷蘭睇鬱金香都得!不過~都係嗰句啦,出門遠遊,要玩得安心,就梗係要買番個旅遊保險至放心!

----

即上MoneyHero.com.hk,瀏覽更多飛行里數信用卡,以及金融產品(例如旅遊保險以及醫療保險)有關既資料!想知多啲慳錢貼士同理財建議,就要留意MoneyHero blog,同埋緊貼MoneyHero facebook page!