個人信用卡幾乎人人都有一張，但公司卡就唔係人人用過。擁有一張好嘅公司卡不單可以幫公司更易管理員工公幹應酬時嘅支出，慳錢又省時，員工仲可以尊享機場貴賓室服務等禮遇。MoneyHero為大家講解下公司卡嘅特點同優惠禮遇啦！
公司卡同一般信用卡有咩唔同？
公司卡又稱為商務卡，係專為公務使用而設嘅信用卡，一般由公司向銀行提出申請，以便員工出外應酬或者公幹時消費所用。員工簽賬後，賬單會由公司直接繳付，同我哋平時以個人名義申請嘅信用卡好唔同架！
點樣申請公司卡？
喺香港，公司卡只適用於香港登記嘅公司機構申請。部份銀行或會要求申請機構營運超過指定年數，或者每年公司總收入達到指定金額。而申請人一般要係公司僱主、合夥人、股東、行政總裁、董事總經理或者執行董事之類嘅職級至可以提出申請。
而家申請商務卡其實亦相當方便，唔少銀行都有得網上申請。不過每間銀行需要嘅文件各有不同，你可能要準備嘅文件包括商業登記證、公司註冊證明書、財務報表同其他資產證明。有時公司性質唔同（例如全東公司、為合夥公司或有限公司），要求都會有唔同。
公司卡時有咩特點同優惠禮遇？
公司卡可以將公司員工各類財務支出集中於一張卡支出，有效省卻繁複嘅員工報賬、核對及還款手續，節省行政成本，提升公司營運效率。此外，公司卡都一樣有唔少優惠禮遇，例如：
-
獎賞及優惠：
公司卡如果提供豐富簽賬獎賞，就可以更有效節省開支，好似用東亞銀行公司卡簽賬可享1%現金回贈。而美國運通除咗提供HK$1=1獎賞積分嘅公司卡會員積分計劃外，佢哋嘅美國運通國泰航空公司卡更係全港唯一提供「亞洲萬里通」里數回贈嘅公司卡計劃，用嚟買國泰航空及港龍航空機票，每HK$10簽賬可賺1里數。成功申請3張或以上新卡，公司更可賺到15,000里數添！
-
尊貴禮遇：
公司卡一般都會為商務旅客提供各種機場及旅遊禮遇，好似中銀商務白金卡、匯豐商業卡就提供免費全球環亞機場貴賓服務，持美國運通商務金卡亦可享2次免費享用全球環亞機場貴賓服務，而恒生港元白金商務卡就有免費名貴轎車機場接送服務。
-
商務旅遊意外保障：
員工要經常四圍飛出差，所以旅遊保險相當重要。唔少銀行公司卡都會提供商務旅遊意外保障優惠，好似上海商業銀行嘅商務白金信用卡就有旅遊保險及辦公室保險計劃8折優惠，而美國運通公司卡、美國運通國泰航空公司卡及美國運通商務金卡就提供免費旅遊意外保障；前兩張卡的商務旅遊意外保障額高達HK$2,000,000，而美國運通商務金卡意外永久傷殘保障額亦高達HK$1,000,000。
-
賬目管理工具及服務：
為咗方便管理所有消費賬單，通常公司卡都會提供網上賬目管理系統，方便會計部門隨時隨地查閱簽賬紀錄、支付賬項同繳款紀錄。
-
免息還款期：
公司卡嘅免息還款期一般長達50日至2個月，讓企業有充足時間支付賬單，流動資金運用就更具靈活性。
精選公司信用卡
滙豐公司Mastercard
申請門檻：
只供滙豐商業客戶申請，若非滙豐商業客戶，可到滙豐中小企中心辦理開戶
💳信用卡特點
- 網上及海外簽賬HK$250：$2獎賞錢；本地非網上簽賬或滙豐白金公司Mastercard簽賬HK$250：$1獎賞錢
- 網絡購物綜合保險
- 免費專享全球超過70間指定環亞機場貴賓室服務
🎁迎新優惠：
- 豁免首2年年費；及
- 網上申請獎賞：額外 $100「獎賞錢」；及
- 簽滿HK$5,000-少於HK$15,000：$400獎賞錢；或
- 簽滿HK$15,000-少於HK$60,000：$1,500獎賞錢；或
- 簽滿HK$60,000或以上：$6,600獎賞錢
美國運通商務金卡
申請門檻：
- 申請人年薪亦需超過HK$200,000
- 申請人需是公司的僱主、合夥人、股東、行政總裁、董事總經理或執行董事
💳信用卡特點
- 本地簽賬高達HK$10/里；海外簽賬高達HK$6/里
🎁迎新優惠：
- 新客戶首3個月累積合資格簽賬滿HK$45,000，即可獲412,500美國運通積分迎新獎賞
- 登記成AWS會員可獲$50美元AWS點數；首3個月憑卡連續每月於AWS簽滿$100美元，可獲$500美元一次性AWS點數回贈
- 憑基本卡及其附屬卡累積簽賬滿HK$500可獲HK$200簽賬回贈
💰MoneyHero獨家優惠：
即日起至2023年2月10日下午6時，經本網成功申請送額外HK$2,000 Apple Gift Card！
Neat Corporate Visa Card：所有簽賬1%現金回贈
💳信用卡特點
– 15分鐘完成申請獲批虛擬卡
– 專享Shopify、Google Ad等商戶獨家優惠
– 可配合Neat App及會計軟件管理公司開支
Airwallex雲匯Visa卡：無需換匯以指定外幣支付海外款項
💳信用卡特點
– 支援多達140種貨幣；不設月費及年費
– 可以10個主流外幣直接支付海外款項，無需換匯
– 可為每張卡設定每日、每月或專屬消費限額
– 可配合Xero會計軟件掌握財務開支狀況
中銀商務白金卡
申請門檻：
- 申請公司須為在港、澳註冊之獨資、合夥或有限公司
- 成立期為6個月或以上
- 只接受中國銀行(香港)、南洋商業銀行、集友銀行現有公司客戶申請
💳信用卡特點
- 本港或海外消費簽賬可享每HK$1=1積分
- 可與其他中銀信用卡合併及累積使用
- 免費無限次享用環亞機場貴賓候機室服務
🎁迎新優惠：
- 發卡後首2個月簽賬滿HK$10,000：HK$1,000免找數簽賬額
東亞銀行公司卡
憑此卡簽賬可享1%現金回贈及長達56天免息還款期、24小時全球提取現金服務及透過自動轉賬繳款，而且永久豁免年費。
申請門檻：
- 申請公司必須為於香港註冊之全東、合夥或有限公司
- 持卡人必須為東主、合夥人或最大持股人
上海商業銀行商務白金信用卡
憑卡投保旅遊保險及辦公室保險計劃，可享8折優惠，更尊享滬港台三地「綠色通道」貴賓服務。持卡人可選擇「自動現金回贈」計劃（簽賬每HK$250=HK$1回贈）或積分獎賞計劃。
申請門檻：
- 只供上海商業銀行公司客戶申請
想知道最新嘅理財貼士，就要留意 MoneyHero Blog！同埋緊貼我哋嘅 Facebook Page！
回到文章
