車主最怕就係部車要入廠保養/ 維修 ，一般二手車定期保養，加埋驗車費用都要HK$2,000至HK$4,000不等！ 如果唔好彩部車有咩問題，要額外維修同更換零件，就要使更多錢，分分鐘整車都整成萬銀！香港地養車已經要使好多錢，如果想慳到不必要嘅汽車維修開支，就要留意MoneyHero為你綜合呢7招汽車保養Tips啦！
1. 定期換油（偈油及波箱油）
汽車最基本嘅定期保養一定係定期換油，講嘅油係偈（引擎機油）同波箱油。前者係引擎嘅潤滑油，有保護引擎同確保引擎正常運作嘅作用。傳統上，車房會建議每5,000公里/ 半年（以較快者為準）換一次偈油，如屬新車可延至每10,000公里/1年。不過有關時間都係僅作參考，最好都係跟番每間車廠嘅原廠指引同使用手冊，會比較合適。除上述期間要換偈油，車主亦應該定期檢查偈油尺，睇吓偈油是否足夠，因為個別車款係會出現食偈油嘅情況。如果剛換油無耐部車嘅偈油水平已去到好低，咁部車就可能有漏油問題，要快啲搵原廠/ 車房跟進。
至於波箱油，車房一般建議每10,000公里/1年換一次，新車可稍延長，但依家唔同車廠對波箱油更換嘅指引出入都幾大，有啲甚至建議唔需要更換，呢方面建議聽取返原廠/ 車房嘅意見會比較好。
2. 善待汽車電池
汽車電池同車胎一樣，都係壽命較短嘅部件。汽車電池最主要嘅功能當然係撻車，即發動引擎啦。此外，車燈、車上嘅音響同導航系統等等，都要靠電池供電。一般汽車電池嘅壽命大約係2-3年，如果使用得宜，壽命都可以延長多1-2年不等。首先，最好唔好係熄左引擎嘅情況繼續用電，例如開住車箱內嘅燈同音響等，因為喺呢個情況下，電池只會放電而唔會充電，會對電池造成淨消耗。即使係行車期間，如果唔需要用到車頭大燈、高燈同霧燈等，就最好熄咗佢，減少消耗。此外，泊好車之後都要留意車頭燈有無開住。如果唔記得熄燈，好大機會耗乾電池，搞到之後撻唔到車。另外，即使唔需要經常用車，最好每隔1、2個星期都要撻一撻車，避免電池放空。
當部車返廠/ 去車房做定期保養時，師傅一般都會幫手Check埋電池容量，如果電池容量係低於一半，或接近1/4水平，最好就係及早更換啦，免得喺街突然撻唔著車，要搵「過江龍」(Jump Starter)搭電撻車，或者拖車去換電。
延伸閱讀：汽車貸款（上會）定私人貸款好？點先至最抵？5招教你精明借錢買靚車
3. 預早入油
入油嘅時間都好重要，呢度指嘅唔係油站嘅優惠時段，而係叫大家唔好每次都等到部車幾乎無油先去入。基本上，大部份汽車都會顯示油缸啲油仲可以行到幾多公里，差唔多無油時亦會著燈提示司機。不過，唔少朋友都鐘意等著咗燈先入油，甚或係著燈後行多好大段路先去油站。雖然部車真正嘅油量可能比顯示嘅多少少，但係大部份汽車都有Sensor感應油量同控制排氣等，太低油量會令感應器過熱，亦有機會令汽油泵出現問題。所以都係奉勸大家預早少少入油，以免又要晒錢換零件。
4. 定期檢查制動（煞車）系統
除咗定期換油之外，例行Check車嘅時候記得提提師傅檢查埋制動（煞車）系統，包括檢查Brake皮（煞車片）及Brake油。Brake皮係消耗性部件，一般新嘅Brake皮有12-15mm厚，係煞車嘅過程入面，Brake皮會越磨越薄，當佢嘅厚度得返約4-5mm，即大約1/3厚度，車主就要多加留意；到得返2-3mm，就有需要加換啦，否則會減低安全性，同時有機會令Brake碟（制動碟）或鮑魚（制動鉗）損壞。此外，如果煞車時有異常嘅聲響，就要即時檢查，因為有可能係Brake皮已經磨損到唔可以正常運作嘅水平。仲有，Brake皮要定期睇住之餘，Brake油都要定期更換，一般建議每4萬公里/2年換一次，以策安全。
5. 避開路面凹坑
雖然香港嘅公路都鋪得算靚，但有啲路段，尤其係大雨或水浸過後，路面都會有D凹凸不平嘅情況，加上有時去到鄉郊地方，路面可能會有尖石、碎石、泥坑等等，呢啲唔理想嘅路面情況，都有機會破壞部車嘅輪胎同避震系統，亦有可能刮到車底。其實唔單止凹坑，有啲設計得唔好嘅減速帶，或者起伏不平嘅路面，都會帶嚟呢啲破壞。 如果見到路面有坑位凹位，係安全情況下最好梗係避開，如果避冇可避，或者係一啲唔平順嘅路面，最好就係減速慢慢駛過。萬一真係一時唔留神高速過坑，搞到部車發出聲響或者搖晃，之後就要留意吓行車有冇出現異常感覺，如果有就要盡快返廠/搵師傅睇睇啦。
6. 切勿胡亂改裝
雖然係香港改裝汽車係要作出申請，但仍有唔少朋友熱衷於改車。小至一個高流量風格、胎鈴，到避震，進氣/排氣系統等等都有人改，務求提高汽車外觀及性能。改車固然要作出合法嘅申請，但即使是合法改裝，唔適當嘅設定都有可能縮短部其他零件嘅壽命，即使係近年流行，用嚟提升馬力同扭力嘅汽車電腦升級，都會加大引擎同波箱嘅負擔，令佢哋提早「打柴」，甚或影響行車安全。所以大家千祈唔好亂咁進行改裝，即使係進行合法改裝都要搵專業技師幫手呀！
7. 洗車要小心
勤力洗車當然會令部車光潔如新，但洗車都有技巧，唔好亂咁嚟。首先，清潔劑都要好好揀選，盡量唔好用家居清潔劑（藍色同紅色果啲）去洗車，因為呢啲清潔劑嘅配方並唔係針對車身漆面，久而久之有可能令損害車蠟同油漆，令架車唔再光亮。洗車最好都係搵返啲洗車專用嘅清潔劑啦，一般油站便利店已經有唔少選擇。另外，唔少車主都鐘意係戶外洗車，貪戶外夠通爽，部車都快啲乾，但要留意唔好揀係正午，太陽猛烈嘅時候洗車。雖然陽光係可以令部車乾得快啲，但洗車時水點會令陽光聚焦，對車漆造成嘅傷害會加大。所以記住洗車都要揀啱時間，可以幫你慳返唔少打蠟/ 鍍膜錢，想知其他雜費可到養車費用文章參考！
講咗咁多貼士，最重要係要有錫車嘅心態，加上定期Check車。當然，最好係拎返廠，或者拎俾相熟既師傅Check，咁就唔會比人呃啦！老土啲都要講，預防勝於治療。平時花啲心機同少少錢，部車就會精精神神。如果以為慳到車唔勤力保養，最後一定會得不償失！
延伸閱讀：【慳油車】嚴選10款香港至慳油汽車
MoneyHero遵從《個人資料（隱私）條例 2013 》致力保障你的個人資料。透過MoneyHero申請貸款時，你的個人資料將傳送至銀行或貸款機構，並由他們處理有關申請。銀行或貸款機構可能會直接聯絡你。除非你同意，否則MoneyHero不會儲存你的個人資料。忠告：借定唔借，還得到先好借！各大財務公司查詢及投訴熱線一覽
精選汽車貸款
星展銀行電動車定額私人貸款：總值高達HK$26,500獎賞
💡貸款特點
- 最低實際年利率︰6.72%
- 貸款額高達HK$200萬
- 無須抵押
- 無須入息證明
- 可提取已償還貸款額
💰MoneyHero獨家優惠
即日起至 2025年3月31日下午11時59分，成功申請星展銀行定額私人貸款及批核指定貸款額，並於2025年3月31日之前：成功提取指定貸款額，可獲高達HK$10,800 惠康購物現金券 或 Apple Store 禮品卡。
【MoneyHero獨家全新 / 現有客戶優惠】
客戶完成以下條件，可獲高達HK$10,800 惠康購物現金券 或 Apple Store 禮品卡
貸款額 |
MoneyHero獨家優惠 |
|||
|---|---|---|---|---|
| 惠康購物現金券 | Apple Store 禮品卡 | |||
| 全新客戶 | 現有客戶 | 全新客戶 | 現有客戶 | |
| HK$150萬或以上 | HK$10,800 | HK$8,000 | HK$10,800 | HK$8,000 |
| HK$100萬至HK$1,499,999 | HK$7,000 | HK$5,500 | HK$7,000 | HK$5,500 |
| HK$50萬至HK$999,999 | HK$5,500 | HK$4,500 | HK$5,500 | HK$4,500 |
| HK$30萬至HK$499,999 | HK$3,500 | HK$3,000 | HK$3,500 | HK$3,000 |
| HK$10萬至HK$299,999 | HK$1,500 | HK$1,000 | HK$1,500 | HK$1,000 |
想知道最新嘅理財貼士，就要留意 MoneyHero Blog，同埋緊貼我哋嘅 Facebook Page！
回到文章
