【 飛行里數 攻略】換機票之外,里數仲可以換乜?

|Posted by | 信用卡, 信用卡優惠, 全部文章, 品味生活
Tags: , , ,

飛行里數

香港人最鍾意就係飛來飛去,相信你對飛行里數一啲都唔陌生。但係講到飛行里數嘅用途,除咗換機票途之外,你哋仲知幾多?MoneyHero.com.hk今次同大家分享下飛行里數嘅唔同用途,等大家做一個真正嘅里數達人!(*文中提及之兌換里數或有變動,只供參考,詳情以官方網站最新公布為準。)

1)酒店住宿獎勵

當你好開心咁兌換咗張免費機票返嚟,有無諗過連住都宿都可以唔使俾錢?Asia Miles嘅酒店住宿獎勵就俾大家呢個機會,嚟緊去呢4個地方旅行嘅用戶有福喇!

泰國普吉島:每晚由1,660里起
紐西蘭奥克蘭:每晚由10,020里起
美國洛杉磯:每晚由9,770里起
澳洲墨爾本:每晚由9,810里起

連埋機票一齊換,接近「零消費」嘅旅行仲唔俾你體驗到?

(溫馨提示:去旅行可以換免費機票同住宿雖然好開心,旅遊保險千祈唔慳得,記得為自己購買一份旅遊保險!即上我們的比較平台選擇及購買。)

 

2)升級機位

飛行里數連Upgrade機位都做到?邊個話唔得!有冇諗過買完機票再用里數免費升級,係分分鐘抵過你直接買嗰張機票?其實升級機位喺呢個位有少少複雜,不過做少少功課就可以慳番筆錢,仲有機會坐商務機位,聽落都值回票價啦!

要升級機票,首先要買張可供升等嘅機票子艙位。要知道,經濟客位之中,只有子艙位Y、B、H 、 K及M先可以升級;至於特選經濟客位,就只有子艙位W及R先可以。

以國泰航空為例,升等所需嘅Asia Miles里數(來回)大約如下;大家可以因應心水機位嘅票價,再作評估,慳得幾多得幾多!

經濟 升至 特選經濟︰ 正常來回票價 + 經濟客位所需里數/2 (約7,500里-55,000里)
特選經濟 升至 商務︰正常來回票價 + 經濟客位所需里數/2 (約7,500里-55,000里)
經濟 升至 商務︰正常來回票價 + 20,000-100,000里 (所需里數視乎實際飛行距離而定)

按此了解詳情。

(想更快儲得更多飛行里數,梗係要申請要番張渣打亞洲萬里通萬事達卡啦!想了解更多,請即按此。)

 

3)租車服務

自駕遊已經愈來愈盛行,特別係探索一啲自然景觀,自己駕車又真係會爽好多。Asia Miles有提供即時預訂及確認租車服務,計劃旅程嘅時候就可以更輕鬆啦!而且有多個熱門旅遊地點選擇,小編就舉些例子俾大家參考。

泰國普吉島:每天由5,720里起
新西蘭奥克蘭:每天由8,020里起
美國洛杉磯:每天由5,820里起
澳洲墨爾本:每天由6,680里起
新加坡:每天由6,690里起
瑞士蘇黎世:每天由23,930里起

 

4)換領心水產品

飛行里數原來唔單止同旅行有關,Asia Miles嘅 iRedeem 仲可以俾大家換領逾千項生活產品,由餐飲、演唱會、電子產品、美容、時裝同埋家居用品都有得揀!想成為里數達人嘅你,不妨Keep住留意唔同嘅特別優惠同埋限時優惠住。以下係小編近期睇到嘅熱門產品,睇下有冇啱你心水?

香港康得思酒店The Place自助午餐(周末), 2人:13,900里/12,510里(聯營信用卡獨家折扣)

富豪機場酒店空港居酒屋晚膳套餐(星期一至日), 1人:10,500里/9,450里(聯營信用卡獨家折扣)

噴射飛航來回香港至澳門普通位船票1張:7,500里

Fusion蘋果認證iPhone 6/6s Plus快速無線充電組:15,400里

Hugo BOss Tazio男士皮帶:30,000里

Paul & Joe輕透蜜粉10,500里

以上只係冰山一角嘅例子,大家唔好忽略呢個產品換領嘅機會,隨時可以換到你嘅心水產品。

 

5)網上拍賣

Asia Miles嘅 iAuction 不時會有驚喜比大家!你可以用里數競投屬於你嘅難忘體驗,就好似早前爆紅嘅友邦歐陸嘉年華(AIA Carnival),就同Asia Miles合作推出「至尊門票」嘅競投,由1,000里開始叫價,最後成交價係61,000里。去到截數當日嘅11:58仲產生咗7次嘅叫價次數,都咪話唔緊張!

呢個拍賣網不定期有更新,機會真係話嚟就嚟,好有可能下次成功競投嘅就係你!

 

6)捐贈里數予慈善團體

你又知唔知你所儲嘅里數可以用嚟回饋社會公益事務?喺「亞洲萬里通」里數捐贈公益計劃及環保計劃入面,有跟唔同嘅慈善機構合作,當中包括有奧比斯、樂施會、香港紅十字會、聯合國兒童基金會、加愛協會等。你嘅捐贈可協助機構派遣工作人員、義工及醫護人員到世界各地幫助有需要人士,或為分隔異地嘅長者及其家人提供免費機票,俾佢哋有共享天倫之樂嘅機會。

 

想了解更多關於Asia Miles?即睇:

輕鬆儲飛行里數! Asia Miles 基本攻略


飛行里數攻略


即上我們的比較平台,比較市面上最佳里數回贈信用卡:

經本網成功申請指定信用卡仲可以獲得額外獎賞現金券,詳情請按此

——

延伸閱讀:旅遊住宿慳錢必讀!8個 Airbnb 慳錢貼士

延伸閱讀:購買 旅遊保險 的8大常見問題

想知道最新嘅理財貼士,就要留意 MoneyHero.com.hk Blog,同埋緊貼我哋嘅 Facebook Page